حالىقارالىق ۇيىم وكىلدەرى باس قوستى

استانادا «قازاقستان مەكتەپتەرىندە رەسۋرس­تاردى پايدالانۋدىڭ تيىمدىلىگىن ارتتىرۋ سايا­ساتىنا شولۋ» اتتى كونفەرەنتسيا ءوتتى. وعان قازاقستان رەسپۋبليكاسى ءبىلىم جانە عىلىم مينيسترلىگى, ەكونوميكالىق ىنتىماقتاستىق جانە دامۋ  ۇيىمى مەن دۇنيەجۇزىلىك بانكتىڭ وكىلدەرى قاتىستى. اتالعان كونفەرەنتسيادا مەكتەپ جۇيەسىن قارجىلاندىرۋ, مەكتەپ جەلىسىن ۇيىمداستىرۋ, مۇعالىمدەر مەن ديرەكتورلاردى دايىنداۋ, سونداي-اق, مەكتەپ پەن وقۋشىلارعا قولداۋ كورسەتۋ ماسەلەلەرى تالقىلاندى. جوبا بويىنشا نەگىزگى قورىتىندىلار مەن ۇسىنىستاردى ەىدۇ-نىڭ باس ساراپشىسى, جوبا ۇيلەس­تىرۋشىسى پاۋلو سانتياگو تانىس­تىردى. قازىرگى ۋاقىتتا «مەك­تەپ­تەردە رەسۋرستاردى قول­دانۋدىڭ تيىمدىلىگىن  ارتتىرۋ ساياساتىنا شولۋ» زەرتتەۋى 15 مەملەكەتتە جۇزەگە اسىپ جاتىر. 2 جىلعا سوزىلعان زەرتتەۋ باعدارلاماسى ەڭ ءبىرىنشى بولىپ قازاقستاندا اياقتالدى. ەكونوميكالىق ىنتى­ماق­تاس­تىق جانە دامۋ ۇيىمى مەن ءدۇ­­­­نيەجۇزىلىك بانكتىڭ ساراپشىلارى تالداۋ جانە قار­­جى­لاندىرۋدىڭ اعىمداعى جاع­­دايىن قايتا قاراۋ ارقىلى ماسە­لەلەردى شەشۋدىڭ جولدا­رى تۋرالى, كادرلاردى ءجا­نە مەكتەپ قىزمەتىن دايارلاۋ جايلى ۇسىنىستار بەردى. كون­فەرەنتسيا قورىتىندىسى بويىن­شا سترا­تەگيالىق قۇجات­تار وسى ۇسى­نىستار ىسكە اسىرى­لادى دەگەن ماقساتپەن بەكىتىلدى. دينارا دوسپان.