كۇن ءتارتىبى بەلگىلەندى

كەشە پالاتا توراعاسى قاسىم-جومارت توقاەۆ پارلامەنت سەناتى بيۋروسىنىڭ وتىرىسىن وتكىزدى, وندا ماجىلىستەن تۇسكەن زاڭ جوبالارى ءبولىنىپ بەرىلدى, دەپ حابارلادى سەناتتىڭ ءباسپاسوز قىزمەتى. حالىقارالىق قاتىناستار, قورعانىس جانە قاۋىپسىزدىك كوميتەتى: قازاقستان مەن قىتاي حالىق رەسپۋبليكاسىنىڭ توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى ۇكiمەتارالىق كەلىسىمى; قازاقستان مەن تاجىكستان ۇكىمەتتەرى اراسىنداعى ازا­ماتتىق قورعانىس, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى كەلىسىمدى; 2006 جىلعى 4 قىركۇيەكتەگى قازاقستان مەن وزبەكستان ۇكىمەتتەرى اراسىنداعى قازاقستان-وزبەكستان مەملەكەتتىك شەكاراسى ارقىلى وتكىزۋ پۋنكتتەرى تۋرالى كەلىسىمگە حاتتاماعا وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوبالارىن ودان ءارى پىسىقتاۋ جانە قورىتىندى ازىرلەۋگە جاۋاپتى بولىپ بەلگىلەندى. بيۋرودا, سونداي-اق, پالاتانىڭ الداعى 2 ساۋىردە وتەتىن وتىرىسىنىڭ كۇن تارتىبىنە ۇسىنىستار دا ەنگىزىلدى. وتىرىستا: قازاقستان مەن بەلارۋس ۇكىمەتتەرى اراسىنداعى رەادميسسيا تۋرالى كەلىسىمدى جانە قازاقستان رەسپۋبليكاسىنىڭ ۇكىمەتى مەن بەلارۋس رەسپۋبليكاسىنىڭ ۇكىمەتى اراسىنداعى رەادميسسيا تۋرالى كەلىسىمدى ىسكە اسىرۋ ءتارتىبى تۋرالى اتقارۋ حاتتاماسىن راتيفيكاتسيالاۋ تۋرالى; «قازاقستان رەسپۋبليكاسى مەن ماجارستان اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى»; «قازاقستان رەسپۋبليكاسى مەن ماجارستان اراسىنداعى ۇستاپ بەرۋ تۋرالى شارتتى راتيفيكاتسيالاۋ تۋرالى»; قازاقستان مەن ۆەتنام سوتسياليستىك رەسپۋبليكاسىنىڭ Yكiمەتتەرi اراسىنداعى تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كەلىسىمدى راتيفيكاتسيالاۋ تۋرالى; «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ويىن بيزنەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ء(بىرىنشى وقىلىم) زاڭ جوبالارىن قاراۋ جوسپارلاندى.