پاۆلودار. 30 ماۋسىم. وبلىستا وڭىرارالىق ىنتىماقتاستىق بايلانىستى نىعايتۋ ماقساتىندا ماڭعىستاۋ وبلىسىنىڭ دەلەگاتسياسى بولىپ قايتتى. بۇل تۋرالى egemen.kz ءتىلشىسى حابارلادى.
مۇنىڭ الدىندا پاۆلودار وبلىسى ماڭعىستاۋعا بارىپ, كەلىسىمدەرگە قول قويىپ قايتقان ەدى. ەندىگى كەزەكتە وبلىس ورتالىعىندا ەكى ءوڭىردىڭ كاسىپكەرلەرى كەزدەسىپ, ساۋدا - ەكونوميكالىق جيىن وتكىزدى.
وبلىس ورتالىعىنداعى ءىرى ءوندىرىس ورىندارىن ارالاپ, ولاردىڭ شىعاراتىن ونىمدەرىمەن تانىستى. ءسويتىپ, «ماڭعىستاۋ جەمىس-كوكونىس تەرمينالى» جشس-نە پاۆلودار وبلىسىنىڭ كاسىپكەرلەرى كۇزگە دەيىن 100 000 توننا كارتوپ, 50 000 توننا كوكونىس ء(سابىز, قىرىققابات) جەتكىزۋ جايىندا قۇجاتتاردى راسىمدەدى.
كەلىسىم-شارتتىڭ جالپى قۇنى - 7,5 ملرد. تەڭگە. اقتاۋ تەڭىز پورتىنا ءونىم تاسىمالداۋ ەل ەكونوميكاسىنىڭ دامۋىنا وسىلاي ۇلەس قوسپاقشى. ماڭعىستاۋلىقتار دا پاۆلودار وبلىسىنا ءوز ونىمدەرىن, قۇرىلىسقا قاجەتتى ماتەريالدارىن جەتكىزبەكشى. ال, بيىل جاز ايلارىندا ماڭعىستاۋلىق 100 بالا باياناۋىلداعى «قارلىعاش» بالالار ساۋىقتىرۋ لاگەرىندە دەمالادى.
وبلىسقا ەكى كۇندىك ءىس-ساپاردىڭ جالعاسى ەستاي اتىنداعى مادەنەت سارايىندا «قۇرمەت» وردەنىنىڭ يەگەرى, ءانشى تامارا اساردىڭ قاتىسۋىمەن وتكەن گالا-كونتسەرتپەن اياقتالدى.
فاريدا بىقاي.
دەرەك, سۋرەت: egemen.kz
