تابيعاتتىڭ بۇل توسىن سىيىمەن الماتى قالالىق كوممۋنالدىق قىزمەتى كۇنى بويى ارپالىستى. كەشە كەشتە باستالعان تازالىق جۇمىستارىنا بارلىعى 465 تەحنيكا بىرلىگى مەن 810 جۇمىسشى تارتىلعان. ناتيجەسىندە, قالا كوشەلەرىنە 2202 توننا تۇز ارالاس قۇم مەن 36 توننا تازا تۇز سەبىلدى. سونداي-اق, 1600 تەكشە مەتر قار قالا سىرتىنا شىعارىلدى. باسقارما وكىلدەرى بۇل تازالىق جۇمىستارىنا جول-پاترۋلدىك پوليتسياسى كومەك كورسەتكەنىن ايتتى. تاعى ءبىر ايتا كەتەر جايت, اۋا رايىنىڭ قولايسىزدىعىنان الماتى حالىقارالىق اۋەجايىندا بىرنەشە ۇشاقتىڭ ۇشۋ جانە قونۋ مەرزىمدەرى كەيىنگە شەگەرىلدى. ولاردىڭ ىشىندە دۋباي, بانگكوك, سەۋل سىندى شەت ەل قالالارىنا ۇشاتىن ۇشاقتار دا بار. ودان بولەك, كيەۆ, پاريج, باتۋمي, شارجا, دۋباي, ابۋ-دابي جانە بانگكوك قالالارىنان ۇشىپ كەلەتىن ۇشاقتار دا الماتى اۋەجايىنا كەشىگىپ كەلۋگە ءماجبۇر بولدى. بۇلاردىڭ قاتارىندا ىشكى اۋە رەيستەرىنىڭ دە بار ەكەنى بەلگىلى. كەيبىر ۇشاقتاردىڭ كەشىگۋ ۋاقىتتارى 12 ساعاتقا دەيىن سوزىلادى.
ەلامان قوڭىر. دەرەك: الماتى قالالىق تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ ءباسپاسوز قىزمەتى. سۋرەت: dknews.kz.
