نەپالدا مۇيىزتۇمسىق ادامدارعا شابۋىلداپ, بىرەۋىن مەرت قىلدى

استانا. 30 ناۋرىز. نەپالدا جەرگىلىكتى قورىقتاردىڭ بىرىنەن قاشىپ شىققان مۇيىزتۇمسىق ءبىر ادامدى مەرت قىلىپ, تاعى التاۋىن جاراقاتتادى. بۇل تۋرالى gazeta.ru حابارلادى. وقيعا نەپالدىڭ ماكۆانپۋر اۋدانىندا بولعان. جەرگىلىكتى ءتارتىپ ساقشىلارىنىڭ ايتۋىنشا, مۇيىزتۇمسىق ارنايى قورشاۋى جوق قورىقتان قاشىپ شىققان. قورىقتان قالاعا دەيىن 20 شاقىرىم جول جۇرگەن ول ەلدى مەكەنگە كىرگەن بويدا ادامدار مەن كولىكتەرگە قاۋىپ ءتوندىردى. جىرتقىشتىق تۇيسىگى ويانعان جانۋار 61 جاستاعى ايەل ادامدى تاپتاپ ءولتىرىپ, تاعى التى جاندى اۋىر جاراقاتتادى. تەك سودان كەيىن ساباسىنا ءتۇسىپ, كوزىنە كورىنگەن دۇنيەگە شابۋىلداۋدى دوعارعان. قازىر ارنايى ماماندار مۇيىزتۇمسىقتى ۇستاۋ ءۇشىن بارلىق قاجەتتى شارالاردى جاساۋدا. «مۇيىزتۇمسىق وتە جىرتقىش جانۋار. ونى تەك ادام كۇشىمەن قۇرىقتاۋ وتە قيىن. سوندىقتان ءبىز ارنايى ۇيرەتىلگەن پىلدەردىڭ كومەگىنە جۇگىنۋگە ءماجبۇرمىز», – دەيدى مامانداردىڭ ءبىرى. ايتا كەتەيىك, بۇگىندە نەپالدا 500-دەن استام مۇيىزتۇمسىق مەكەن ەتەدى. ەلدەگى ورمانداردىڭ جاپپاي وتالۋىنا بايلانىستى ولار مەكەن ەتەتىن قورىق ءجيى ورىن اۋىستىرۋعا ءماجبۇر. سوندىقتان كەيبىر جەرلەر ءالى تولىق قورشالماعان. ەگەر مۇيىزتۇمسىق ادامعا كەزىكسە, كوبىنە بىردەن شابۋىلدايتىن قىزۋقاندى جانۋار. ەلامان قوڭىر. دەرەك: gazeta.ru. سۋرەت: livejournal.com.