كەسەنەگە تاۋەلسىز كوميسسيا كەرەك

 

تۇركىستان قالاسىنداعى قوجا احمەت ياساۋي كەسەنەسى – قا­زاق­­­­­­ستان جانە ورتالىق ازيا تاريحىنداعى تاڭداۋلى جادىگەر­­لەردىڭ ءبىرى. كەسەنە – «يۋنەسكو-نىڭ الەمدىك مۇرا تىزىمىنە» ەنگەن قازاق­­ستاننىڭ العاشقى مادەني نىسانى. ەلباسى­­ ن.ءا.نازار­باەۆ ءوزىنىڭ «تاريح تولقىنىندا» اتتى كىتابىن­دا «قازاق حالقى­نىڭ ۇلى پەرزەنتتەرىنىڭ مۇردەلەرى وسى جەردە جاتىر. سوندىقتان وسىناۋ تاماشا ەسكەرتكىشتى قالپىنا كەلتىرىپ, باس بىرىكتىرەر ورتاق كىندىككە بۇكىل ۇلتتىڭ نازارىن اۋدا­رىپ وتىرعانىمىز دۇرىس», دەپ اتاپ كورسەتكەن بولاتىن.

تۇركى دۇنيەسىنىڭ تۇمارىنا, مەملەكەتىمىزدىڭ ماقتانىشىنا اينالعان وسى ۇلى عيماراتتىڭ جاي-كۇيى بۇگىنگى كۇندە ناشارلاپ, اپاتتى جاعدايعا جەتىپ وتىر. ۇكىمەتكە وسى ماسەلەنى كوتەرىپ پارلامەنت ءماجىلىسىنىڭ دەپۋتاتتارى تاراپىنان بۇعان دەيىن بىرنەشە دەپۋتاتتىق ساۋالدار جولدانعان بولاتىن. مەملەكەت تاراپىنان دا كەسەنەنى قالپىنا كەلتىرۋ جۇمىستارىنا قاجەتتى قارجى ءبولىنىپ كەلەدى. سوڭعى بەس جىلدا كەسەنەنىڭ جاعدايىن تەكسەرۋ ماقساتىندا بەس رەت ۆەدومستۆولىق كوميسسيا قۇرىلىپ, تەكسەرۋ جۇمىستارى جۇرگىزىلگەن. بىراق ودان ءتيىستى ناتيجە جوق. سەبەبى, كەسەنەنى قالپىنا كەلتىرۋ جۇمىستارى «قازقايتاجاڭعىرتۋ» رمك-گە تاپسىرىلادى. ال بۇل ۇيىم عىلىمي-زەرتتەۋ جوباسىن وزدەرى جاسايدى ءارى ونى جۇزەگە اسىرادى جانە اتقارىلعان جۇمىستاردى وزدەرى قابىلداپ الادى. تاۋەلسىز عالىمداردىڭ جۇرگىزگەن ساراپتاماسى بويىنشا, بۇل ۇيىمنىڭ اتقارعان جۇمىستارى ءتيىستى تالاپتارعا ساي كەلمەيدى ەكەن. كەسەنەنىڭ ءون بويىندا ىلعالدانۋ, تۇزدانۋ پروتسەسى ءجۇرىپ جاتقاندىعى قالپىنا كەلتىرۋ جۇمىستارىنىڭ عىلىمي نەگىزسىز جۇرگىزىلگەندىگىنەن دەپ سانالادى. بۇل جونىندە «ەگەمەن قازاقستان» گازەتىندە جاريالانعان «كەسە­­نەنىڭ كۇردەلى كۇيى», «كيەلى كەسەنە سىناق الاڭىنا اينالماۋى ءتيىس» دەپ اتالعان ماقالالاردا باياندالعان. وسىعان بايلانىستى ياساۋي كە­سەنەسىنە عىلىمي-زەرتتەۋ جۇ­مىس­­­تارىن جۇرگىزىپ, ساراپتاما جاساۋ ءۇشىن ەلىمىزدىڭ بىلىكتى ءساۋ­لەت­شىلەرى مەن قۇرى­لىسشىلارىن جانە ياساۋي كە­سەنەسى سياقتى عي­­ماراتتارى بار ازەربايجان, مى­سىر, وزبەكستان, تۇركيا, تاعى دا باسقا مەملەكەتتەردەن شەت­ەلدىك ءساۋ­لەتشىلەردى, عالىمداردى, رەس­تاۆراتسيا ماماندارىن تارتا وتى­رىپ, تاۋەلسىز كوميسسيا قۇرۋ قاجەت دەپ سانايمىن. سول كوميس­سيا­­نىڭ قورىتىندىسى بويىنشا ءجون­دەۋ جانە قالپىنا كەلتىرۋ جۇمىس­­تارى جۇرگىزىلەتىن بولسا, قازىرگى اپاتتىق جاعدايدان قۇتىلار ەدىك. روزاقۇل حالمۇرادوۆ, ءماجىلىس دەپۋتاتى.