رەسەيدە قاراۋسىز قالعان مولالار قايتا قازىلۋى مۇمكىن

استانا. 30 ناۋرىز. رەسەيدىڭ قۇرىلىس جانە تۇرعىن ءۇي كوممۋنالدىق شارۋاشىلىعى مينيسترلىگى قاراۋسىز قالعان مولالاردى قايتا پايدالانۋ تۋرالى زاڭ جوباسىن دايىندادى. بۇل تۋرالى gazeta.ru حابارلادى. جاڭا زاڭ جوباسىنا سايكەس رەسەيدىڭ ءار وڭىرىندە ارنايى كوميسسيا قۇرىلىپ, قاراۋسىز قالعان مولالاردى انىقتايدى. كەيىن ولاردى قايتا قازىپ, سۇيەكتەردى كرەماتوريدە ورتەمەك. زاڭ جوباسىن دايىنداعاندار قالدىقتاردى ەشكىمگە قاجەتسىز ادام سۇيەگىنىڭ كۇلدەرى ساقتالاتىن ورىنعا قويۋدى ۇيعارىپتى. ال بوساعان جەردى قايتادان ادام جەرلەۋ ءۇشىن پايدالانباق. قازىرگى تاڭدا رەسەي اۋماعىندا قاراۋسىز قالعان مولالار 18-25 مىڭ گا. جەردى الىپ جاتىر ەكەن. مينيسترلىك قاراۋسىز قالعاندار ساناتىنا جەرلەنگەن مارقۇم تۋرالى جانە سول زيراتقا جاۋاپتى ادام جايىندا ەشقانداي مالىمەت جوق مولالاردى جاتقىزىپ وتىر. ەلامان قوڭىر. دەرەك: gazeta.ru. سۋرەت: news.ngs.ru.