دەپۋتاتتار ەل وڭىرلەرىن ارالاۋدا

پارلامەنت سەناتىنىڭ دەپۋتاتى جابال ەرعاليەۆ ايماقتارعا ساپارى اياسىندا «نۇر وتان» پارتياسى اقمولا وبلىستىق بولىمشەسى جانىنداعى «ميراس» قوعامدىق كەڭەسىنىڭ كەزەكتى وتىرىسىنا قاتىستى, دەپ حابارلادى سەناتتىڭ ءباسپاسوز قىزمەتى. قازاق حاندىعىنىڭ 550 جىل­دىعى مەن قازاقتىڭ اسا كورنەكتى جازۋشىسى ءىلياس ەسەنبەرليننىڭ تۋعانىنا 100 جىل تولۋىنا ار­نالعان شارا بارىسىندا تاريح عىلىمدارىنىڭ كانديداتى, دوتسەنت امانگەلدى قاشقىمباەۆتىڭ «ءىلياس ەسەنبەرلين» اتتى عى­لىمي-تانىمدىق كىتابىنىڭ تانىستىرىلىمى بولدى. كورنەكتى سۋرەتكەر تۋرالى ەڭبەكتە جازۋشى­نىڭ كوپشىلىككە بەيمالىم قىرلا­رى زەردەلەنىپ, سۋرەتتەلگەنىن ايتقان سەناتور ج.ەرعاليەۆ: «ەسەنبەرلين شىعارمالارى تاۋەلسىز ەلىمىزدىڭ بۇگىنگى تاريحى تامىرىنىڭ تەرەڭدە ەكەنىن جەتكىزەدى», – دەدى. – ەلباسى نۇرسۇلتان نازار­باەۆ ۇلىتاۋ تورىندەگى وي-تول­عانىستارىندا ۇلتتىق تاريحىمىزدى زەردەلەۋدىڭ تاريحي ماڭىزدىلىعىن ايتقان بولاتىن. ءبىز ءوز تاريحىمىزدى قايتا جازىپ جاتقان ەلمىز. ءبىزدىڭ حالقىمىز كونە تاريحتىڭ قاي كەزەڭىندە بولسىن, ەل مەن ەلدىك, بىرلىك پەن ىنتىماق, يماندىلىق پەن ىزگىلىكتى ءاردايىم قاستەر تۇتىپ كەلگەندىگى اقيقات. ءبىز ءوزىمىزدىڭ وتكەنىمىزگە جاڭاشا كوزقاراسپەن قاراي وتىرىپ, بابالارىمىزدىڭ جانە ەلباسىنىڭ ەل بىرلىگىن ساقتاۋ جولىنداعى وسيەتتەرىن ەشقاشان ۇمىتپاۋعا ءتيىستىمىز, – دەدى سەناتور ءوز سوزىندە. «قازاقستان» رەسپۋبليكا­لىق تەلەراديوكورپوراتسيا­سى اكتسيونەرلىك قوعامى اق­مولا وبلىستىق فيليالى تەلە­دي­دا­رىنىڭ «وزەكتى ماسەلە» حابارىنا قاتىسقان ج.ەر­عاليەۆكە كورەرەمەندەر مەن بيزنەس وكىلدە­رى جانە اۋىل شارۋا­شىلىعى سالاسىنىڭ ماماندارى مەن جەتەكشىلەرى تاراپىنان كوپ­تەگەن ساۋالدار قويىلدى. اقمو­لالىق كاسىپكەرلەردى دۇنيە­جۇزىلىك ساۋدا ۇيىمىنا مۇشە بولعان ەلى­مىزدەگى تاۋار ءوندىرۋ­شىلەردىڭ ءمۇم­كىندىكتەرى شەكتەلىپ قالماي ما دەگەن ماسەلە تولعاندىرىپ وتىرعانى ايتىلدى. سەناتور ەلىمىزدىڭ الدىنان الەمدىك رىنوكتىڭ جاڭا مۇمكىندىكتەرى اشىلعالى تۇرعانى جونىندە حاباردار ەتتى. *  *  * پارلامەنت سەناتىنىڭ دەپۋتاتى لاززات تۇرلاشوۆ الماتى وبلىسىنىڭ رايىمبەك, سارقان جانە ۇيعىر اۋداندارىندا بولدى, دەپ حابارلادى پالاتانىڭ ءباسپاسوز قىزمەتى. ساپار بارىسىندا دەپۋتات وبلىستىڭ ەكونوميكا, الەۋمەتتىك جانە مادەني سالالارىنداعى ءىستىڭ جاعدايىمەن تانىسىپ, جۇرت­­شىلىقپەن, ءماسليحات دەپۋتاتتارىمەن جانە كاسىپكەرلەرمەن كەزدەستى. سونداي-اق, ول رايىمبەك اۋدا­نىنداعى ەڭبەك ۇجىمدارى­مەن كەزدەستى, كەگەن اۋىلىنداعى «با­لاۋسا» بالالار باقشاسى مەن ەمحانادا بولدى. سارقان اۋدانىندا سەناتور ورتالىق جىلىتۋ قازاندىعىنىڭ قۇرىلىسىمەن, ن.وستروۆسكي اتىنداعى گيمنازيانىڭ جانە «كامەنەۆ» شارۋا قوجالىعىنىڭ جۇمىستارىمەن تانىستى. ال ۇيعىر اۋدانىندا بول­عان كەزىندە دەپۋتات «تەلمان­جان» شارۋا قوجالىعىنىڭ ءجۇن جانە تەرى وڭدەۋ كاسىپورنىن ارا­لادى. *  *  * ءماجىلىس دەپۋتاتى نۇرتاي سابيليانوۆ شىعىس قازاقستان وبلىسىنداعى ءۇرجار اۋدانىنىڭ كوكتەرەك, ەلتاي, اقجار, بەستەرەك, جوعارى ەگىنسۋ جانە جاڭاتىلەك اۋىلدارىندا سايلاۋشىلارمەن كەزدەستى, دەپ حابارلادى ءماجىلىستىڭ ءباسپاسوز قىزمەتى. سونىمەن قاتار, ول جاڭاتىلەك پەن بارقىتبەل اۋىلدارىندا سالىنىپ جاتقان مەكتەپتەردىڭ قۇرىلىسىن, ءۇرجار – تاسكەسكەن اۆتوجولىن جوندەۋ جۇمىستارىن ارالاپ, جۇمىسشىلارمەن اڭگىمەلەستى. كەزدەسۋلەردە نۇرتاي سابيليا­نوۆ ەلباسىنىڭ «نۇرلى جول – بولاشاققا باستار جول» اتتى حالىققا جولداۋى مەن بەس ينستي­تۋتتىق رەفورمانى جۇزەگە اسىرۋ جونىندەگى 100 ناقتى قادام تۋرالى, پارلامەنتتىڭ زاڭ شىعارۋ قىزمەتى مەن «نۇر وتان» پارتياسى پارلامەنتتىك فراكتسياسىنىڭ جۇمىسى تۋرالى ايتىپ بەردى. اۋدان تۇرعىندارى جول جوندەۋ, سىبايلاس جەمقورلىقپەن كۇرەس, الەۋمەتتىك كومەك, اۋىز سۋ, تۇرعىن ءۇي, جۇمىس ورىندارىن اشۋ, اۋىل شارۋاشىلىعىن دامىتۋ, قىس ايلارىندا كومىرمەن قام­تاماسىز ەتۋ, بيۋدجەت قارجىسىن ءتيىمدى ءارى ماقساتىنا ساي پايدا­لانۋ ماسەلەلەرىن كوتەردى. ءۇر­جار اۋدانىنىڭ سايلاۋشىلارى ەلباسىنىڭ «نۇرلى جول» باعدار­لاماسى مەن «100 ناقتى قادام» اياسىندا جۇزەگە اسىرىلاتىن ءىس-شارالاردىڭ ەل ەكونوميكاسىن دامىتۋ مەن حالىقتىڭ ءال-اۋقاتىن ارتتىرۋعا تىڭ سەرپىن بەرەتىنىنە سەنىم ءبىلدىرىپ, قولداۋ كورسەتۋدە. دەپۋتاتتىڭ سايلاۋشىلارمەن كەزدەسۋلەرى, سونداي-اق, وبلىستىڭ اياگوز اۋدانىندا دا جالعاستى. «ەگەمەن-اقپارات».