توراعالىقتى ابىرويمەن اتقارىپ كەلەدى

ەقىۇ-نىڭ ءىس باسىنداعى توراعاسى, قازاقستان رەسپۋب­لي­كا­سىنىڭ مەملەكەت­تىك حات­شى­سى – سىرتقى ىستەر مي­نيسترى قانات ساۋداباەۆ ەقىۇ سىرتقى ىستەر مي­ني­ستر­لەرىنىڭ بەيرەسمي جيىنى ايا­س­ىندا وتكەن ەقىۇ ء“ۇش­تى­گىنىڭ” وتىرى­سىنا قاتىستى. وسى تۇستا اتاپ وتەيىك, ۇيىم­عا 2009 جىلى گرەكيا توراعا­لىق ەت­كەن بولاتىن. ال 2010 جىلى قازاقستان ءتور­اعالىق ەتۋدە. كەلەسى, 2011 جىلى ۇيىم­­عا ليتۆا باسشىلىق جاسايتىن بولادى. وتىرىستا ۇيىمنىڭ ءىس باسىنداعى توراعاسى قانات ساۋداباەۆ ءوزىنىڭ ارىپتەس­تەرى­نە قازاقستاننىڭ استانادا ەقىۇ-عا مۇشە مەملەكەتتەر باسشىلارىنىڭ جوعارى دەڭ­گەي­دەگى ءسامميتىن وتكىزۋ باس­تاماسىنا قولداۋ كورسەتكەن­دەرى ءۇشىن العىسىن بىلدىرە كە­لىپ, ءبىزدىڭ ەلىمىزدىڭ توراعا­لىعى بارىسىنداعى ءىس-شارا­لاردى اتاپ ءوتتى. قازاقستان ۇيىمعا توراعالىق ەتە باس­تاعالى جارتى جىلدان استى. وسى ۋاقىت ىشىندە قازاقستان قاۋىپسىزدىك پەن تۇراقتى­لىقتى قامتاماسىز ەتۋدە اۋقىمدى جۇمىستار اتقاردى. ونىڭ بارلىعى ۇيىمعا قاتىسۋشى مەم­لەكەتتەر مەن حالىق­ارا­لىق ۇيىمدارعا جاقسى تانىس. وتىرىستا “ۇشتىك”, سونداي-اق قىرعىزستان­دا­عى جاعدايدى تۇراقتاندىرۋ, ولارعا گۋ­ما­ني­تار­لىق كومەكتەر كورسەتۋ جانە اۋعانستان پروبلەماسىنا باي­لانىستى ماسەلەلەردى تالقى­لادى.