يسلام بوزباەۆ – «گران-پري» سايىسىنىڭ قولا جۇلدەگەرى!

استانا. 29 ناۋرىز. تۇركيانىڭ سامسۋن قالاسىندا دزيۋدودان «گران-پري» جارىسى اياقتالدى. بۇل سىندا قازاقستاننان بارعان پالۋاندار تەك ءبىر قولا مەدالدى قاناعات تۇتتى. قورجىنعا جالعىز جۇلدەنى سالعان – يسلام بوزباەۆ (90 كگ.). بۇل تۋرالى egemen.kz حابارلادى. يسلام العاشقى بەلدەسۋىن يراكتان كەلگەن شيھاب الكۋرايشيگە قارسى وتكىزدى. ونى جەڭگەننەن كەيىن, نيدەرلاندى سەنىم ارتقان گيللەيم ەلموندپەن كۇش سىناستى. بۇل جولى دا قازاق دزيۋدوشىسىنىڭ مەرەيى ۇستەم بولدى. ال شيرەك فينالدىق بەلدەسۋدە سەربيا پالۋانى الەكساندر كۋكولدجگە ەسە جىبەردى. سەربيالىق جارتىلاي فينالدا دا جەڭىسكە جەتىپ, ءبىزدىڭ پالۋان جۇبانىش بەلدەسۋىنە مۇمكىندىك الدى. اتالعان سىندا سلوۆاكيانىڭ ميلان راندل ەسىمدى سپورتشىسىن جەڭدى. ال قولا مەدالعا تالاستا يزرايلدەن كەلگەن لي كوشماننان باسىم ءتۇستى. يسلام بوزباەۆ 2010 جىلى قىتايدىڭ گۋانجوۋ قالاسىندا وتكەن جازعى ازيا ويىندارىندا كۇمىس جۇلدە ولجالاعانىن ايتا كەتەيىك. سونداي-اق, 2012 جىلعى لوندون وليمپياداسىنا قاتىسقان تاجىريبەلى دزيۋدوشى. ايتسە دە, 2013 جىلى العان اۋىر جاراقاتىنا بايلانىستى ءبىراز ۋاقىت جارىستارعا قاتىسقان جوق. بۇل «گران-پري» يسلام ءۇشىن وسى ماۋسىمداعى العاشقى سايىس. ەلامان قوڭىر. دەرەك: egemen.kz. سۋرەت: judoinfo.kiev.ua.