دجوحار تسارناەۆ ءولىم جازاسىنا كەسىلدى

استانا. 16 مامىر. ەكى جىل بۇرىن بوستون مارافونى كەزىندە جارىلىس ۇيىمداستىردى دەپ ايىپتالعان دجوحار تسارناەۆقا سوت ۇكىمى شىقتى. بوستون قالاسىنىڭ القابيلەر سوتى 21 جاستاعى تسارناەۆتى كىنالى دەپ تانىپ, ونى ءولىم جازاسىنا كەستى. بۇل تۋرالى euronews.com حابارلادى. ەڭ اۋىر جازا تۋرالى شەشىمدى سوت پروتسەسىنە قاتىسۋشىلار ءبىراۋىزدان قابىلدادى. ايىپتالۋشى تاراپ سوت ۇكىمىن 14 ساعات كۇتكەنىن ايتا كەتەيىك. اقش-تىڭ باس پروكۋرورى لورەتتا لينچ تسارناەۆقا قاتىستى شىعارىلعان ۇكىمدى ءادىل دەپ ەسەپتەيدى. ەستەرىڭىزگە سالا كەتەيىك, اعايىندى تامەرلان جانە دجوحار تسارناەۆتار 2013 جىلدىڭ ءساۋىر ايىندا ءداستۇرلى بوستون مارافونى كەزىندە جارىلىس ۇيىمداستىردى. ناتيجەسىندە 3 ادام قازا تاۋىپ, 264-ءى ءارتۇرلى دەڭگەيدەگى جاراقات الدى. ۇستاۋ وپەراتسياسى كەزىندە تامەرلان تسارناەۆ قازا تاۋىپ, دجوحار قولعا ءتۇستى. وسى جىلدىڭ ءساۋىر ايىندا القابيلەر سوتى ۇزاق كەڭەستەن كەيىن دجوحار تسارناەۆتى وعان تاعىلعان ايىپتاردىڭ 30 پۋنكتى بويىنشا ايىپتى دەپ تاپقان بولاتىن. ەلامان قوڭىر. دەرەك: euronews.com. سۋرەت: delfi.ee.