تالدىقورعاندا 16 قاباتتى قوناقۇي سالىنادى

تالدىقورعاندا الەمدىك ستاندارتقا ساي كەلەتىن 16 قاباتتى قوناقۇي كەشەنىنىڭ العاشقى قازىعىن الماتى وبلىسىنىڭ اكىمى اماندىق باتالوۆ قاقتى. بۇل نىساننىڭ ءبىر ارتىقشىلىعى «Falcon-petroleum» كومپانياسى مەملەكەتتىڭ ەشقانداي قاتىناسىنسىز قۇرىلىس جۇمىسىن جۇرگىزەدى. نەبارى 8 ايدا بارلىق جۇمىسىن اياقتاپ, بەس جۇلدىزدى عالامات قوناقۇيدى پايدالانۋعا بەرەدى. وسى ماعلۇماتتى كومپانيا وكىلى ءمالىم ەتە تۇرىپ, تاجىريبەلى قۇرىلىسشىلارعا ءتان كاسىبي تىلمەن ەلدىڭ الدىندا وبلىس اكىمىنە ۋادە ۇدە­سىنەن شىعاتىندىعىن اي­تىپ سەندىردى. ەكى گەكتار جەر­دە ورنالاساتىن قوناقۇي كە­شەنىندە 14 جوعارى ساپالى (ليۋكس), 54 ستاندارتتى ءبو­ل­مەلەر قاراستىرىلعان. سونى­مەن قاتار, مەيرامحانا, سال­تانات جانە ءماجىلىس زالدارى, كوركەمدىك پەن ءسان سا­لون­دارى, ونىڭ سىرتىندا 16-قا­باتتا جەتىسۋدىڭ كىندىك قا­لا­سى الاقانداعىداي بولىپ كورى­نەتىن دەمالىس ورنى دا بولادى. تۇتاستاي العاندا, تال­دى­قورعاننىڭ وڭتۇستىك-باتىس شاعىن اۋدانىندا تاياۋ ۋاقىتتا 121 كوپقاباتتى ۇيلەر, وقۋ­شىلار سارايى, دراما تەاترى, نەكە قيۋ زالى سەكىلدى ءبىر­قا­تار الەۋمەتتىك نىساندار بوي كوتەرەتىن بولادى. نۇربول الدىباەۆ, «ەگەمەن قازاقستان». تالدىقورعان.