كوممەنتاتور نيكولاي وزەروۆتىڭ ۇلى 8 جىلعا سوتتالدى

استانا. 29 ناۋرىز. كەڭەس زامانىنداعى اتاقتى سپورت كوممەنتاتورى نيكولاي وزەروۆتىڭ ۇلى پارا العانى ءۇشىن كىنالى دەپ تانىلىپ, سەگىز جىل التى ايعا تۇرمەگە قامالدى. بۇل تۋرالى Lenta.Ru حابارلادى. كىشى نيكولاي وزەروۆ ماسكەۋ وبلىسى ششيولكوۆسكي اۋدانى زاگوريانسك كەنتىنىڭ جەرگىلىكتى ءوزىن ءوزى باسقارۋ ورگانىنىڭ باسشىسى بولىپ قىزمەت ىستەگەن. ششيولكوۆسكي اۋداندىق سوتى شىعارعان ۇكىمگە سايكەس, وزەروۆ قىزمەت جاعدايىن پايدالانا وتىرىپ, الدەكىمنەن دەلدال ارقىلى م ۇلىككە يەلىك جانە اقشا تۇرىندە پارا العان. قىلمىستاردىڭ جيىنتىعى  بويىنشا, سوت نيكولاي وزەروۆتى سەگىز جىل التى اي باس بوستاندىعىنان ايىرۋ تۇرىندەگى جازا بەلگىلەگەن. سونىمەن قاتار ول جازاسىن وتەپ شىققاننان كەيىن ءۇش جىلعا دەيىن مەملەكەتتىك بيلىك جانە جەرگىلىكتى ءوزىن ءوزى باسقارۋ ورگاندارىندا لاۋازىمدى قىزمەتتەر اتقارا المايدى. بۇعان قوسا, قاتاڭ رەجىمدەگى ەڭبەكپەن تۇزەتۋ كولونياسىندا جازاسىن وتەيتىن سوتتالۋشىدان مەملەكەتتىڭ ەسەبىنە 400 ملن. رۋبل كولەمىندە ايىپپۇل الىنادى. مۇرات ايتقوجا. مانبە, سۋرەت: Lenta.Ru.