زەرتتەۋ جۇمىسى وتكەن جىلدىڭ قىركۇيەگىندە باستالعان. اقىرى اقپان ايىندا ۆيردجينيا شتاتىنداعى 28 مەكتەپتە ىسكە اسىرىلدى. ناتيجەسىندە, 100-دەن استام مۇعالىم وقۋشىلارىنىڭ ءبىلىم دەڭگەيىن باعالاۋعا مۇمكىندىك العان. جۇيە وقۋشىنىڭ سىناقتان ءوتۋ ىقتيمالدىلىعىن 99 پايىز دالدىكپەن, ال جالپى ناتيجەسىن 86 پايىز دالدىكپەن بولجاعان. سونىمەن قاتار ءار شاكىرتتىڭ قىزىعۋشىلىعىنا قاراي ۇسىنىس ازىرلەنگەن.
«اقش مەكتەپتەرىندە جاساندى ينتەللەكتىگە كۇمانمەن قارايتىن ساراپشىلاردىڭ بولعانى راس. بىراق ولار جۇمىسىمىزدىڭ ناتيجەسىن كورىپ, جوبامىزدى جوعارى باعالادى», دەيدى ءا.امانگەلدى.
وسى جەتىستىكتەن كەيىن جوبا اۆتورى «Predictive Learning Insights» («بولجامدى وقىتۋ تالداۋلارى») اتتى ءبىلىم تەحنولوگيالارىنا باعىتتالعان كومپانيانىڭ قۇرىلتايشىسى ءارى پرەزيدەنتى اتاندى. بۇگىندە ول اقش-تىڭ جۇمىس ۆيزاسىن راسىمدەپ جاتىر.
سونىمەن قاتار گارۆارد ۋنيۆەرسيتەتىنىڭ تۇلەگى 2022 جىلى ءوزى نەگىزىن قالاعان وتاندىق «Tilu» اعىلشىن ءتىلى مەكتەبىن باسقارۋدى توقتاتقان جوق. بيىل بۇل جوباعا دا جاساندى ينتەللەكت ەلەمەنتتەرى ەنگىزىلىپ, جەكە تسيفرلىق پلاتفورماسى ىسكە قوسىلعان. وسىلايشا, وتانداسىمىز ەكى ەلدەگى ءبىلىم باستامالارىن قاتار دامىتۋعا نيەتتى.
ء«تىپتى ەڭ اسقاق ارماندار دا ورىندالادى. سوندىقتان بيىك ماقسات قويىپ, وعان جەتۋ ءۇشىن ايانباي ەڭبەك ەتۋ كەرەك», دەيدى گارۆارد تۇلەگى.
زارينا تايلاق,
ل.ن. گۋميلەۆ اتىنداعى ەۇۋ ستۋدەنتى
