الماتى جۇرتى نۇرلان قاپپاروۆپەن قوشتاستى

استانا. 29 ناۋرىز. كەشە الماتىدا «قازاتومپروم» ۇلتتىق كومپانياسى» اق باسقارماسىنىڭ توراعاسى نۇرلان قاپپاروۆتى اقىرعى ساپارعا شىعارىپ سالۋ ءراسىمى بولدى. بۇل تۋرالى الماتى قالاسى اكىمدىگىنىڭ ءباسپاسوز قىزمەتى حابارلادى. قارالى جيىنعا الماتى قالاسىنىڭ اكىمى احمەتجان ەسىموۆ, ۇكىمەت مۇشەلەرى, مارقۇمنىڭ تۋعان-تۋىستارى مەن جاقىندارى, قوعامدىق ۇيىمداردىڭ وكىلدەرى قاتىستى. جيىندى قالا اكىمى ا.ەسىموۆ اشىپ, مەملەكەت باسشىسى نۇرسۇلتان نازارباەۆتىڭ ن.قاپپاروۆتىڭ كەنەتتەن قايتىس بولۋىنا بايلانىستى كوڭىل ايتۋ بىلدىرگەن جەدەلحاتىن وقىپ بەردى. جەدەلحات ماتىنىندە نۇرلان جامبىل ۇلىنىڭ تاۋەلسىزدىكتىڭ العاشقى جىلدارىندا تانىمال كاسىپكەر اتانىپ, جاس تولقىننىڭ اراسىنان ەرەكشە كورىنگەنى ايتىلعان. ول ءار جىلدارى «قازاقويل» ۇلتتىق مۇناي-گاز كومپانياسى» جاق پرەزيدەنتى, قورشاعان ورتا جانە سۋ رەسۋرستارى ءمينيسترى, «قازاتومونەركاسىپ» ۇاك» اق باسقارماسىنىڭ توراعاسى بولدى, سونداي-اق باسقا دا جاۋاپتى لاۋازىمداردا وزىنە جۇكتەلگەن مىندەتتەردى ابىرويمەن اتقاردى. «ن.قاپپاروۆ ءوزىنىڭ مول ءبىلىمى مەن تاجىريبەسىن ءاردايىم ەلىمىزدىڭ ءوسىپ-وركەندەۋىنە جۇمساعان دارىندى ۇيىمداستىرۋشى بولدى. حالقىمىز ونىڭ ەسىمى مەن ەڭبەگىن ۇمىتپايدى», – دەلىنگەن جەدەلحاتتا. ەسكە سالا كەتەيىك, «قازاتومپروم» ۇلتتىق كومپانياسى» اق باسقارماسىنىڭ توراعاسى نۇرلان قاپپاروۆ 26 ناۋرىز كۇنى قىتايدا ساپاردا جۇرگەنىندە بەيجىڭ ۋاقىتىمەن ء14ۇ30 ساعاتتا ومىردەن ءوتتى. قازانىڭ سەبەبى جۇرەكتىڭ كەنەتتەن توقتاپ قالعانى بولدى. مۇرات ايتقوجا.