ماسكەۋدىڭ شەرەمەتەۆو اۋەجايىندا ەكى ۇشاق سوقتىعىستى

استانا. 28 ناۋرىز. ماسكەۋدىڭ شەرەمەتەۆو اۋەجايىنىڭ شەرەمەتەۆو-3 تەرمينالىندا ەكى ۇشاق قاناتتارىمەن سوقتىعىسىپ, كەزەكتى اپاتتى جاعداي تىركەلدى. سونىڭ سالدارىنان اۋە كولىكتەرىنىڭ ساپارى كەيىنگە شەگەرىلدى. بۇل تۋرالى lifenews.ru حابارلادى. كەلەڭسىز جاعداي ا320 جانە ا319 ۇشاقتارى اراسىندا بولدى. بۇل كەزدە ەكى اۋە كەمەسى دە جەردە بولعانىن ايتا كەتەيىك. ا320-نىڭ بورتىندا 147 جولاۋشى مەن 6 ەكيپاج مۇشەسى بولعان. ال كەلەسى ۇشاقتا جولاۋشىلار بولماعان ەكەن. ابىروي بولعاندا ەشكىم زارداپ شەككەن جوق. قاقتىعىس بارىسىندا ەكى ۇشاقتىڭ دا قاناتتارىندا ايتارلىقتاي اقاۋ پايدا بولىپ, جوسپارلانعان ۇشۋ كەستەلەرىنە وزگەرىستەر ەنگىزىلدى. شەرەمەتەۆو-3 ماسكەۋدەگى شەرەمەتەۆو اۋەجايىنداعى «اەروفلوت» اۋە كومپانياسىنىڭ قاتىسۋىمەن سالىنعان جاڭا تەرمينالداردىڭ ءبىرى. پايدالانۋعا 2009 جىلى بەرىلدى. بۇگىنگى كەلەڭسىزدىككە بايلانىستى اتالعان تەرمينالدان ۇشاتىن بارلىق حالىقارالىق جانە ىشكى اۋە رەيستەرى كەيىنگە شەگەرىلدى. بۇل ۇشاقتاردىڭ بارلىعى «اەروفلوت» جانە SkyTeam اليانسىنا مۇشە اۋە كومپانيالارىنا تيەسىلى ەكەنىن ايتا كەتەيىك. ەلامان قوڭىر. دەرەك, سۋرەت: lifenews.ru.