«سارىارقا» جارتىلاي فينالدىڭ العاشقى ويىنىندا ەسە جىبەردى

استانا. 28 ناۋرىز. جوعارى حوككەي ليگاسىندا «براتينا» كۋبوگى ءۇشىن سىنعا ءتۇسىپ جاتقان قاراعاندىنىڭ «سارىارقاسى» جارتىلاي فينالداعى العاشقى ويىنىن وتكىزدى. ءبىزدىڭ كوماندانىڭ بۇل سىنداعى قارسىلاسى نەفتەكامسكىنىڭ «توروسى» ەكەنى بەلگىلى. بۇل تۋرالى egemen.kz حابارلادى. ويىن قاراعاندىدا ءوتتى. العاشقى كەزەڭدە ايدىن يەلەرى باسىم بولدى. كەزدەسۋدىڭ 4-مينۋتىندا روبەرت ماكميللان ەسەپ اشىپ, «سارىارقانى» العا شىعاردى. ال ارادا 29 سەكۋند ۋاقىت وتكەندە ەسەپ ءبىزدىڭ پايدامىزعا 2:0-گە جەتتى. بۇل جولى مەرگەندىگىمەن اندرەي پلەحانوۆ كوزگە ءتۇستى. ەكىنشى كەزەڭ تەڭ جاعدايدا ءوربىدى. قوس تاراپ قانشا تىرىسقانىمەن تابلوداعى ەسەپ وزگەرگەن جوق. شەشۋشى كەزەڭدە قوناقتار بەلسەندى بولدى. 41-مينۋتتا كيريلل پولوزوۆ ەسەپ ايىرماسىن قىسقارتسا, 48-مينۋتتا يگور سكوروحودوۆ تارازى باسىن تەڭەستىردى. قوناقتار ەكىنشى شايبانى ويىنشى باسىمدىعىنا يە بولعان كەزدە سوققانىن ايتا كەتەيىك. نەگىزگى ۋاقىتتىڭ سوڭىنا دەيىن ءبىرىن ءبىرى الا الماعان قارسىلاستار قوسىمشا كەزەڭگە جۇگىندى. بۇل كەزەڭنىڭ 3-مينۋتىندا تاعى دا «سارىارقانىڭ» ءبىر حوككەيشىسى كىشى ايىپپەن جازالانىپ, نەفتەكامسكىدەن كەلگەن كوماندا تاماشا مۇمكىندىككە يە بولدى. بەرىلگەن وڭتايلى ءساتتى ءمۇلت جىبەرمەگەن ولار جەڭىس شايباسىن سوعىپ, ويىندى ءوز پايدالارىنا اياقتادى. كومانداسىنا جەڭىس سىيلاعان كيريلل نيكونوروۆ ەكەنىن ايتا كەتەيىك. ەندى ەرتەڭ قوس قارسىلاس ەكىنشى ويىن ءۇشىن ايدىنعا شىعادى. اتالعان تارتىستىڭ دا قاراعاندىدا وتەتىنى بەلگىلى. ەلامان قوڭىر. دەرەك: egemen.kz. سۋرەت: thenews.kz.