ا ا ا

(استانا – الماتى – ازيادا) وسى كۇندەرى ەلىمىزدە تۇڭ­عىش رەت الاۋى تۇتاناتىن قىس­قى ازيا ويىندارى جاقىندا­عان سايىن وعان دەگەن دايىن­دىق قىزا تۇسۋدە. كەلەسى جىل­دىڭ 30 قاڭتارى مەن 6 اقپانى ارالىعىندا وتەتىن ازيادانىڭ باستالۋىنا, بۇگىنگى, 16 شىلدە كۇنىن ەسەپتەگەندە, 196 كۇن قا­لىپ وتىر. وسى ۋاقىت ارالى­عىن­دا قازاقستان ازيا ويىن­دا­رىن العاش رەت وتكىزەتىن ەل رەتىندە ءتورت جىلدا ءبىر كەلەتىن بايراقتى باسەكەگە دايىندىق جۇمىستارىن لايىقتى جۇرگى­زۋدە مە دەگەن ماسەلە قازىر ازيا وليمپيالىق كوميتەتىن عانا ەمەس, ءبىزدىڭ ءوزىمىزدى دە ارا-تۇرا الاڭداتىپ قوياتىنى جاسىرىن ەمەس. سارسەنبى كۇنى وسى ماسەلە­گە بايلانىستى تۋريزم جانە سپورت مينيسترلىگى مەن قىسقى ازيادانى ۇيىمداستىرۋ كومي­تەتى اتقارۋشى ديرەكتسياسىنىڭ بىرىگىپ وتكىزگەن جيىنىندا اس­تانا جانە الماتى قالالارىن­دا وتەتىن كەلەسى جىلدىڭ باستى باسەكەسىنە دايىندىق بارىسى تۋرالى جان-جاقتى مالىمەت بە­رىلدى دەسە بولادى. تۋريزم ءجا­نە سپورت ۆيتسە-ءمينيسترى تال­عات ەرمەگياەۆتىڭ ايتۋىنشا, بۇگىنگى كۇنى ويىنداردى وتكىزە­تىن نىسانداردىڭ 75 پايىزى­نىڭ قۇرىلىسى ءبىتتى. ولاردى سالۋعا, قايتا جوندەۋگە ءبولىن­گەن قارجى تولىعىمەن يگەرى­لۋ­دە. سونىڭ ناتيجەسىندە نەگىزگى نىسانداردى تاپسىرۋ كۇزگە جوس­پارلانۋدا. قازىر بياتلون ستا­ديونى, شاڭعى تەبۋ تراس­سا­سى, “تاباعان” سپورتتىق-ساۋ­ىق­تىرۋ كەشەنىنىڭ قۇرىلىسى اياقتالىپ, ولار جارىستارعا تاس-ءتۇيىن دايىن وتىر. سو­نى­مەن بىرگە ونىڭ ايتۋىنشا, ال­ماتىداعى ايگىلى “شىمبۇلاق” سپورتتىق بازاسىنىڭ قارجى­لىق ماسەلەسى شەشىلدى. جا­قىن­دا وعان بايلانىستى قار­جى مينيسترلىگىندە وتكەن جي­ىندا “شىمبۇلاق” بازاسىنىڭ قازىرگى جاعدايى تۋرالى كوپ ايتىلىپ, ول ماسەلە دەر كەزىن­دە شەشىمىن تاپتى. ال “مە­دەۋ” ايدىنىنىڭ قۇرىلىسى قىركۇيەك ايىندا بىتەدى دەپ جوسپارلانۋدا. بالۋان شولاق اتىنداعى سپورت سارايى بولسا, نىسانداردىڭ ىشىندەگى ەڭ سوڭعىسى بولىپ جەلتوقسان ايىندا تاپسىرىلادى دەلىنۋدە. جيىندا استاناداعى سپورت الاڭدارىنا بايلانىستى ۆيتسە-مينيستر “قازاقستان” سپورت كە­شەنىنىڭ قۇرىلىسىنا 3 ملرد. تەڭگە بولىنگەنىن, قازىر سو­نىڭ قارجىسى يگەرىلىپ, نى­ساننىڭ 70 پايىزى اياقتالىپ قالعانىن ايتسا, سوڭعى ۇلگىدەگى سالىنىپ جاتقان ۆەلوترەككە 18,5 ملرد. تەڭگە بولىنگەنىن, ونىڭ قۇرىلىسىنىڭ 75 پايىزى بىتكەنىن جەتكىزدى. ال كونكي مۇز ايدىنىنا كەل­گەندە ول قازىر ونىڭ قۇرىلىسى تەحنيكالىق وزگەرىستەرگە باي­لا­نىستى كەشىگىپ جاتقانىن, الايدا, قارجىعا قاتىستى ەش­قانداي ماسەلە تىرەلىپ تۇر­ما­عانىن مالىمدەدى. وسى جيىندا بەلگىلى بولعان تاعى ءبىر نارسە, قازىر ازيا ويىندارىنا قاتى­سۋعا 21 مەملەكەتتەن ءوتىنىش كە­لىپ ءتۇسىپتى. تۋريزم جانە سپورت مينيسترلىگى سپورت ىستەرى ءجو­نىندەگى كوميتەتىنىڭ توراعاسى ەلسيار قاناعاتوۆتىڭ ايتۋىن­شا, ءبىر اپتاعا سوزىلاتىن از­ي­ا­دادا جارىستىڭ 11 تۇرىنەن 69 مەدال جيىنتىعى ساراپقا سا­لىناتىن بولسا, كەلەتىن قو­ناقتار سانى 3,5 مىڭ ادامعا جە­تەدى دەپ كۇتىلۋدە. سونىمەن بىرگە ول ويىندارعا قاتىسۋ­شى­لار مەن قوناقتاردى ورنالاس­تىرۋعا ارنالعان قوناق ۇيلەر ءتىزىمى تۇپكىلىكتى بەكىتىلگەنىن مالىمدەدى. ويىنداردىڭ جە­ڭىم­­پازدارىن ماراپاتتاۋ مە­دال­دەرىنىڭ ديزاينى دا بەكى­تى­لىپ, ول ەلباسى كەلىسىمىنە ۇسى­نىل­دى. ال قىسقى ازيادانى ۇيىمداستىرۋ جونىندەگى اتقا­رۋشى ديرەكتسيا ديرەكتورى­نىڭ ورىنباسارى ەۆگەني نيكيتينسكيدىڭ پىكىرى بوي­ىن­شا, ازياداعا ارنالعان ءاربىر سپورت نىسانى – ءوز الدىنا ءبىر ساۋلەت تۋىندىسى بولىپ سا­­نالادى. قازىر كونكي تەبۋ ستا­ديونىنىڭ ديزاينى كوپشىلىكتى قىزىقتىرۋدا. ونىڭ جاسىل شاتىرى مەن ءۇش سارى ءتۇستى اكىمشىلىك بلوگى قىسقى قارلى پەيزاجبەن ۇشتاسىپ – ورمان القابى سياقتى كورىنىس بەرەدى. ال ۆەلوترەكتىڭ ديزاينى “اس­تانا” ۆەلوكومانداسى جەڭىسىنە ارنالىپ, سپورتشىلاردىڭ شلە­مىنىڭ ستيلىندە جاسالعان. قازىرگى كەزدە بىرقاتار ۇلتتىق جانە شەتەلدىك كومپانيالار­مەن دەمەۋشىلىك باعدارلاما­لار­عا قاتىسۋ جونىندە كەلىس­سوزدەر جۇرگىزىلۋدە. الداعى جىلدىڭ 30 قاڭتا­رى مەن 6 اقپانى اراسىندا جا­رىستار ىشىندە شايبالى حوك­كەي ويىنى “قازاقستان” سپورت كەشەنىندە, تاۋ شاڭعىسى جارىستارى “شىمبۇلاق” با­زاسىندا, دوپتى حوككەي “مە­دەۋ” مۇز ايدىنىندا, فريس­تايل باسەكەلەرى “تاباعان” سپورتتىق-ساۋىقتىرۋ كەشەنىن­دە, ايەلدەر اراسىندا وتەتىن حوككەي ويىندارى بالۋان شو­لاق اتىنداعى سپورت سارايىن­دا, تۇعىردان سەكىرۋشىلەر الەم­دەگى ءۇشىنشى حالىقارالىق شاڭعى ترامپليندەرىنىڭ بىرە­گەي سپورت نىسانىندا وتەتىن بولادى. وسى كەزگە دەيىن قىسقى ازيا ويىندارى جاپونيا, قى­تاي جانە وڭتۇستىك كورەيادا ءوت­كىزىلدى. العاش رەت ول 1986 جى­لى كۇنشىعىس ەلىنىڭ ساپ­پورو قالاسىندا جالاۋىن كو­تەر­دى. مۇندا 7 مەملەكەتتەن كەل­گەن 425 سپورتشى 7 سپورت ءتۇ­رى بويىنشا سىنعا ءتۇستى. 1990 جىلى تاعى دا وسى جەردە ويىندار بولىپ ءوتتى. بۇل جولى وعان قاتىسقان 10 ەلدىڭ 414 وكىلى 6 سپورت تۇرىنەن جارىستى. كەلەسى ازيادا 1996 جىلى قىتايدىڭ حاربين قالاسىندا ءوتىپ, وندا 16 ەلدەن كەلگەن 660 سپورتشى جارىستىڭ 7 ءتۇرىن ساراپقا سالدى. ودان كەيىن وسى ويىنداردىڭ الاۋى 1999 جىلى كورەيانىڭ كانگۆون قالاسىندا تۇتاندى. سول كەزدە مۇندا جيىلعان 21 ەلدىڭ 799 وكىلى 7 سپورت تۇرىنەن باسەكە­لەس­تى. 2003 جىلى جاپونيانىڭ اوموري قالاسىندا وتكەن كە­زەك­تى ازياداعا 17 ەلدىڭ 641 ساڭ­لاعى قاتىسىپ, 11 سپورت ءتۇ­رىنەن سىنعا ءتۇستى. ال سوڭعى رەت 2007 جىلى قىتايدىڭ چان­چۋن قالاسىندا وتكىزىلگەن جارىسقا 45 مەملەكەتتىڭ 1100 وكىلى قاتىسىپ, سپورتتىڭ 10 تۇرىنەن باق سىناستى. داستان كەنجالين.