«قازتسينك» قازا تاپقان ارىپتەستەرىنىڭ وتباسىنا كومەكتەسەدى

وسكەمەن. 28 ناۋرىز. «قازتسينك» جشس ۇشاق اپاتىنان قازا تاپقان ارىپتەستەرىنىڭ وتباسىنا كومەك قولىن سوزباق. بۇل تۋرالى egemen.kz ءتىلشىسى حابارلادى. ءالپى تاۋىنداعى اۋە اپاتىندا قازا بولعان ءۇش وتانداسىمىز دا شىعىس ءوڭىرىنىڭ تۋمالارى. ەربول يمانقۇلوۆ پەن جۇبايى ايجان يسەنعاليەۆا «قازتسينك» جشس جۇمىس ىستەگەن. سەرىكتەستىكتىڭ تۇراقتى دامۋ جونىندەگى باسقارۋشى ديرەكتورى اندرەي لازارەۆ كومپانيانىڭ اتىنان قازا بولعانداردىڭ جاقىندارىنا كوڭىل ايتتى. ايجان يسەنعاليەۆا «قازتسينك-اينا» جشس مادەني-قىزمەت كورسەتۋ ماسەلەلەرى بويىنشا ديرەكتورىنىڭ ورىنباسارى بولدى. كۇيەۋى ەربول يمانعاليەۆ قاراعاندىلىق «تاۋ-كەن تەمىر» كومپانياسىنىڭ ديرەكتورى قىزمەتىن اتقارعان. ودان بۇرىن «قازتسينك» جشس مىس زاۋىتىن باسقارعان. وسكەمەندە ولاردى 13 جاسار قىزى كۇتىپ وتىرعان بولاتىن. – بولاشاعى مول, جاس, جىگەرلى ادامداردىڭ قازا بولۋى ءبىز ءۇشىن كۇتپەگەن اۋىر سوققى بولدى. ءبىزدىڭ كومپانيامىز قازا بولعانداردىڭ دەنەسىن تۋعان جەرىنە جەتكىزىپ, جەرلەۋ راسىمدەرىن ۇيىمداستىرۋعا بارلىق كومەكتى كورسەتەتىن بولادى. ءبىز سىرتقى ىستەر مينيسترلىگىمەن ۇنەمى حابارلاسىپ, كونسۋلدىق ماسەلەلەردى شەشۋگە تىرىسامىز, – دەدى اندرەي لازارەۆ. مارقۇم ەربول يمانقۇلوۆتىڭ ورىنباسارى سايات ادىحانوۆ ارىپتەسىنىڭ ەڭبەكقور, كاسىبي مامان بولعانىن ايتادى. – بۇل ورنى تولماس قازا. ولاردىڭ سوڭىندا جەتىنشى سىنىپتا وقيتىن قىزى قالدى. ال قايتىس بولعان ۇلى ءالى ۇيلەنبەگەن بولاتىن, – دەدى س.ادىحانوۆ. قازا بولعاندار جانداردىڭ يسپانياعا «بارسەلونا» مەن «رەال مادريد» كلۋبتارىنىڭ فينالدىق ويىنىن تاماشالاۋعا بارعانى بەلگىلى بولدى. وسكەمەندىك ارىپتەستەرى مارقۇم بولعان ارىپتەستەرىمەن قوشتاسۋ ءراسىمىن وتكىزىپ, سپورت سارايى جانىندا گۇل شوقتارىن قويىپ, شىراق جاقتى. دۋمان اناش. دەرەك: egemen.kz. سۋرەت: yk-news.kz.