فوتو: جەكە مۇراعاتتان
«مەن زەينەتاقى جيناقتارىن جاپپاي الۋدىڭ كەز كەلگەن تۇرىنە ارقاشان قارسى بولىپ كەلدىم. جالپى زەينەتاقى اقشاسى پاتەر ساتىپ الۋعا نەمەسە ءۇيدى جوندەۋگە ارنالعان جيناق ەمەس. بۇل – ادام بۇرىنعىداي جۇمىس ىستەي المايتىن كەزدەگى, ياعني كارىلىك شاققا ارنالعان اقشا. سوندىقتان مەن جەتكىلىكتىلىك شەگىن كوتەرۋدى قيسىندى ءارى دەر كەزىندە جاسالعان قادام دەپ ەسەپتەيمىن», دەدى راسۋل رىسمامبەتوۆ.
ساراپشىنىڭ پايىمداۋىنشا, قازىر رەفورمالاۋ كەزەڭىندە تۇرعان زەينەتاقى جۇيەسى اعىمداعى الەۋمەتتىك ماسەلەلەردى شەشۋمەن اينالىسپاي, تەك زەينەتاقىمەن قامتاماسىز ەتۋ فۋنكتسياسىن ورىنداۋى ءتيىس.
«ادام بۇگىن اقشاسىن العان كەزدە, ول ءوزىنىڭ بولاشاق زەينەتاقى تولەمدەرىن اۆتوماتتى تۇردە ازايتادى. مەملەكەت قازىر قىسقا مەرزىمدى تيىمدىلىككە قول جەتكىزگەنىمەن, 20-30 جىلدان كەيىن زەينەتاقىنىڭ جەتكىلىكسىزدىگى ماسەلەسىنە جانە قارتتاردى بيۋدجەتتەن قوسىمشا قولداۋ قاجەتتىلىگىنە تاپ بولادى.
سونىمەن قاتار, بۇل جيناقتاردى الۋدى ەمەس, زاڭدى جۇمىسپەن قامتۋدى ىنتالاندىرۋىمىز كەرەك. ازاماتتىڭ قولجەتىمدى قاراجاتىن ارتتىرۋدىڭ ەڭ ءتيىمدى جولى – وعان زەينەتاقى جيناقتارىن, ياعني «ارتىق» دەپ ەسەپتەلەتىن سومانى شەشۋگە رۇقسات بەرۋ ەمەس, ونىڭ رەسمي جالاقىسىن جوعارىلاتۋعا ىنتالاندىرۋ جاساۋ. رەسمي جالاقى نەعۇرلىم جوعارى بولسا, بجزق-عا اۋدارىلاتىن جارنا دا, بولاشاق زەينەتاقى دا سوعۇرلىم جوعارى بولادى», دەپ تولىقتىردى ول.
ەڭبەك مينيسترلىگى: جەتكىلىكتىلىك شەكتەرىن كوتەرۋ بولاشاق زەينەتاقىنى قورعاۋعا باعىتتالعان
ساراپشى زەينەتاقىنى مەرزىمىنەن بۇرىن الۋ ناۋقانىنىڭ نارىققا تيگىزگەن تەرىس اسەرىن دە جاسىرمادى.
«بۇل قاراجاتتىڭ ءبىر بولىگى جىلجىمايتىن م ۇلىك نارىعىنا كەتتى. بۇل جەكەلەگەن ازاماتتاردىڭ باسپانا ماسەلەسىن شەشۋگە كومەكتەسكەنىمەن, سونىمەن بىرگە ءۇي باعاسىنىڭ وسۋىنە اسەر ەتكەن فاكتورلاردىڭ بىرىنە اينالدى, سالدارىنان باعا ەكى ەسە ءوستى. جالپى العاندا, جەتكىلىكتىلىك شەگى ەلدەگى ەكونوميكالىق جاعدايدى كورسەتۋى ءتيىس. ءومىر ءسۇرۋ ۇزاقتىعى, ەڭ تومەنگى زەينەتاقى, ينفلياتسيا ءوسىپ جاتىر, مىنە, سوندىقتان شەكتىڭ دە جوعارىلاۋى ابدەن قيسىندى», دەدى راسۋل رىسمامبەتوۆ.
قارجىگەردىڭ پىكىرىنشە, قوعامداعى تالقىلاۋلاردىڭ باعىتىن مۇلدەم باسقا ارناعا بۇرۋ قاجەت.
«بجزق-دان اقشانى قالاي الۋ كەرەك دەگەندى ەمەس, رەسمي جالاقىسى جوعارى جانە تۇراقتى زەينەتاقى جارنالارىن اۋدارىپ وتىراتىن ادامداردىڭ سانىن قالاي كوبەيتۋ كەرەكتىگىن تالقىلاۋ قاجەت. بۇل – جاھاندىق, ماكروەكونوميكالىق مىندەت.
بولەك توقتالىپ وتەتىن جايت, كەلەسى قادام رەتىندە زەينەتاقى اقشاسى بيۋدجەت تاپشىلىعى ماسەلەلەرىن شەشپەۋى ءۇشىن (نەمەسە تەك ءبىر بولىگىن عانا جابۋى ءۇشىن) بيۋدجەتتى وڭتايلاندىرۋ ءجۇرۋى ءتيىس. سونىمەن قاتار ەڭ باستى ءسات – بۇل زەينەتاقى اكتيۆتەرىن باسقارۋ ءتاسىلىن وزگەرتۋ. قازىرگى ۋاقىتتا بجزق ءدال وسىنداي وزگەرىستەردىڭ الدىندا تۇر جانە مەن ساراپشىلاردى جاريالانعان وزگەرىستەر تۋرالى ويلانۋعا شاقىرامىن», دەپ قورىتىندىلادى راسۋل رىسمامبەتوۆ.
ەسكە سالا كەتەيىك, بۇگىن زەينەتاقى جيناعىن الۋدىڭ جاڭا جەتكىلىكتىلىك شەكتەرى جاريالاندى.
