ماۋسىمنىڭ 6-سى كۇنى تاڭەرتەڭ ماڭعىستاۋدان كوككە كوتەرىلگەن ۇشاق نەبارى 1 ساعات 50 مينۋت ىشىندە دىتتەگەن جەرىنە بارىپ قوندى.
اقتاۋ اۋەجايىندا العاشقى ساياحاتشىلارعا ارنايى ءدام ۇسىنىلىپ, ەستەلىك سىيلىقتار تاراتىلدى.
باتۋميگە كەلىپ توقتاعان وتاندىق ۇشاقتى اۆياتسيالىق ءداستۇر بويىنشا ءزاۋلىم سۋ اركاسىمەن قارسى الدى. وعان قوسا, اۋە ەكيپاجى مەن جولاۋشىلار ءۇشىن ارنايى تورت كەسۋ ءراسىمى ۇيىمداستىرىلىپ, سۋرەتكە ءتۇسۋ شاراسى ءوتتى.
ەكى قالا اراسىنداعى تۇراقتى اۋە قاتىناسى جازعى دەمالىس ماۋسىمىنىڭ سوڭىنا دەيىن جالعاسادى. تۇراقتى رەيستەر اپتاسىنا ەكى رەت – سەيسەنبى جانە سەنبى كۇندەرى ورىندالىپ تۇرادى.
بۇل ۇشۋ باعدارلاماسى بيىلعى جىلدىڭ 29 تامىزىنا دەيىن ەسەپتەلگەن.
ايتا كەتەيىك وتاندىق Air Astana اۋە كومپانياسى دۋباي باعىتى بويىنشا تۇراقتى رەيستەردى قايتا جانداندىرۋدى جوسپارلاپ وتىر. الماتىدان ۇشۋلار 20 ماۋسىمنان, ال استانادان 10 شىلدەدەن باستاپ قالپىنا كەلتىرىلەدى.
