فوتو: اقوردا
ءىس-شاراعا سالالىق مەملەكەتتىك ورگانداردىڭ وكىلدەرى, سونداي-اق قازاقستانداعى يۋنەسكو كوميتەتتەرىنىڭ جەتەكشىلەرى مەن باسقا دا ساراپشىلىق قاۋىمداستىقتارىنىڭ مۇشەلەرى قاتىستى.
وتىرىستا يۋنەسكو جانە يسەسكو ۇيىمدارىمەن ءوزارا ءىس-قيمىلدى دامىتۋدىڭ باسىم باعىتتارى مەن الداعى جوسپارلارى تالقىلاندى. ەرلان قارين پرەزيدەنتتىڭ يۋنەسكو-مەن ىنتىماقتاستىقتى نىعايتۋعا ايىرىقشا كوڭىل ءبولىپ وتىرعانىن اتاپ ءوتىپ, مەملەكەت باسشىسىنىڭ وسى باعىتتا بەرگەن تاپسىرمالارىن ورىنداۋدىڭ ماڭىزىنا توقتالدى.
جيىندا جاساندى ينتەللەكت سالاسىنداعى حالىقارالىق وزىق تاجىريبەنى زەردەلەۋ جانە سۋ ماسەلەسىنە قاتىستى جاھاندىق كۇن ءتارتىبىن ىلگەرىلەتۋ جونىندە ناقتى مىندەتتەر قويىلدى.
سونىمەن قاتار يۋنەسكو جانە يسەسكو ۇيىمدارىنىڭ استانادا وتكەن وڭىرلىك ەكولوگيالىق سامميت جانە يۋنەسكو اياسىندا ۇيىمداستىرىلعان التىن ورداعا ارنالعان حالىقارالىق سيمپوزيۋم سەكىلدى ماڭىزدى ءىس-شارالاردى ۇيىمداستىرۋعا قوسقان قوماقتى ۇلەسى جوعارى باعالاندى.
وتىرىسقا قاتىسۋشىلار الداعى ءىس-شارالارعا دايىندىق ماسەلەلەرىن دە پىسىقتادى. اتاپ ايتقاندا, يۋنەسكو شتاب-پاتەرىندە وپەرا ءانشىسى ەرمەك سەركەباەۆ پەن رەجيسسەر ابدوللا قارساقباەۆتىڭ 100 جىلدىق مەرەيتويلارىن اتاپ ءوتۋ, سونداي-اق پۋسان قالاسىندا ۇيىمداستىرىلاتىن يۋنەسكو-نىڭ بۇكىلالەمدىك مۇرالار كوميتەتىنىڭ 48-سەسسياسىنا قازاقستاندىق دەلەگاتسيانىڭ قاتىسۋى سەكىلدى ماسەلەلەر تالقىلاندى. اتالعان سەسسيادا قازاقستان ۇسىنعان «ماڭعىستاۋدىڭ جەراستى مەشىتتەرى» نوميناتسياسى قارالادى.
ەسكە سالا كەتەيىك, بۇعان دەيىن ماڭعىستاۋداعى جەراستى مەشىتتەرى يۋنەسكو-نىڭ بۇكىلالەمدىك مۇرالار تىزىمىنە ەنۋى مۇمكىن ەكەنىن جازعان ەدىك.
