فوتو: polisia.kz
ءتارتىپ ساقشىلارىنىڭ تەكسەرىس جۇرگىزۋىنە ءۇي تۇرعىندارىنىڭ قىراعىلىعى سەبەپ بولعان. ولار جەرتولە تاراپىنان شىعاتىن ەرەكشە ءارى كۇماندى ءيىستى سەزىپ, جەدەل تۇردە «102» باسقارۋ پۋلتىنە حابارلاسقان. وقيعا ورنىنا جەتكەن پوليتسيا قىزمەتكەرلەرى جەرتولە ىشىندە وسىمدىكتەردى ارنايى وسىرۋگە ارنالعان جاساندى كليماتتىق جاعدايدىڭ جاسالعانىن جانە كاسىبي قۇرىلعىلاردىڭ ورناتىلعانىن اشكەرەلەدى.
شەتەلدەن ەسىرتكى تاسىمالداعان ايەل باس بوستاندىعىنان ايىرىلدى
ءتىنتۋ امالدارىنىڭ ناتيجەسىندە قۇقىق قورعاۋ ورگاندارى زاڭسىز اينالىمنان مىناداي زاتتاردى الدى:
-
سىرتقى سيپاتى قاراسوراعا ۇقسايتىن ونداعان ءتۇپ ءتىرى وسىمدىك;
-
كەپتىرىلگەن كۇيدەگى وسىمدىك تەكتەس زاتتار;
-
جارىقتاندىرۋ قوندىرعىلارى;
-
ءونىم ولشەيتىن ەلەكتروندى تارازىلار مەن ۆاكۋمدى قاپتاۋ اپپاراتتارى;
-
ىشتەگى تەمپەراتۋرانى باقىلاپ تۇراتىن ارنايى تەحنيكالىق قۇرالدار.
جەدەل-ىزدەستىرۋ شارالارى بارىسىندا بۇل جاسىرىن ورىندى ۇيىمداستىرۋعا قاتىسى بار كۇدىكتى تۇلعالار بىردەن انىقتالىپ, پوليتسيا بولىمىنە جەتكىزىلدى.
«قۇرامىندا ەسىرتكىلىك قاسيەتى بار وسىمدىكتەردى قولدان ءوسىرۋ – بۇل زاڭسىز ەسىرتكى ساۋداسىنىڭ ەڭ العاشقى تىزبەگى. تۇرعىندار مەن پوليتسيانىڭ بىرلەسكەن ارەكەتىنىڭ ارقاسىندا بۇل زاڭسىزدىقتىڭ دەر كەزىندە جولى كەسىلدى. قالا اۋماعىندا مۇنداي قىلمىستاردى انىقتاۋ جۇمىستارى الداعى ۋاقىتتا دا قاتاڭ تۇردە جالعاسا بەرەدى», دەدى الماتى قالالىق ەسىرتكى قىلمىسىنا قارسى ءىس-قيمىل باسقارماسىنىڭ جەتەكشىسى باتىرجان ابدۋماساروۆ.
قازىر ۇستالعان ازاماتتاردىڭ ۇستىنەن سوتقا دەيىنگى رەسمي تەرگەۋ امالدارى باستالىپ كەتتى.
