فوتو: بەينەجازبادان
جەدەل-ىزدەستىرۋ ءىس-شارالارى بارىسىندا تالدىقورعان قالاسىندا ورنالاسقان كوللەكتورلىق اگەنتتىك قىزمەتكەرلەرىنىڭ ازاماتتاردىڭ دەربەس دەرەكتەرىن قامتيتىن مامانداندىرىلعان اقپاراتتىق جۇيەنى زاڭسىز پايدالانعانى انىقتالدى.
بۇل زاڭسىز دەرەكتەر بازاسى ارقى ازاماتتاردىڭ تەگى مەن اتى-ءجونى, جسن (جەكە سايكەستەندىرۋ ءنومىرى) مەن ۇيالى تەلەفون نومىرلەرى تۋرالى اقپاراتتاردى ىزدەۋگە مۇمكىندىك بولعان.
تەرگەۋ اياسىندا وسى زاڭسىز دەرەكتەر بازاسىن ۇيىمداستىرۋعا جانە پايدالانۋعا قاتىسى بار ءۇش ادام ۇستالدى. ولاردىڭ تۇرعىلىقتى مەكەنجايلارى مەن جۇمىس ورىندارىندا سانكتسيالانعان ءتىنتۋ امالدارى جۇرگىزىلدى.
حاكەرلەر جي كومەگىمەن Instagram قولدانۋشىلارىنىڭ دەرەكتەرىن ۇرلاعان
دەربەس دەرەكتەردى ساقتاۋ, وڭدەۋ جانە تاراتۋ ءۇشىن پايدالانىلعان كومپيۋتەرلىك تەحنيكا مەن ءموبيلدى قۇرىلعىلاردىڭ ەداۋىر كولەمى تاركىلەندى. تەكسەرۋ شارالارىن جۇرگىزۋ ماقساتىندا بىرنەشە ادام پوليتسيا ورگاندارىنا جەتكىزىلدى.
بۇعان دەيىن قازاقستان ازاماتتاردىڭ جەكە مالىمەتتەرىن قورعاۋدى كۇشەيتۋگە باعىتتالعان جاڭا زاڭنامالىق تۇزەتۋلەردى ازىرلەپ جاتقانىن حابارلاعان ەدىك. جاڭاشىلدىقتاردىڭ ءبىرى – تارالىپ كەتكەن دەربەس دەرەكتەردىڭ ارنايى ءتىزىلىمىن قۇرۋ. مەملەكەتتىك اقپاراتتىق جۇيە ارقىلى ءاربىر ازامات وزىنە قاتىستى قانداي مالىمەتتەردىڭ اشىق قولجەتىمدىلىككە شىعىپ كەتكەنىن نەمەسە تارالۋ قاۋپى بار ەكەنىن تەكسەرە الادى. بۇل جەكە دەرەكتەردىڭ زاڭسىز قولدانىلۋىنىڭ الدىن الىپ, ازاماتتارعا دەر كەزىندە قورعانۋ شارالارىن قابىلداۋعا مۇمكىندىك بەرەدى.
