«KEGOC» اق اكتسيونەرلەرىنىڭ جالپى جينالىسىن وتكىزۋ تۋرالى حابارلاما

«ەلەكتر جەلىلەرىن باسقارۋ جونىندەگى قازاقستان كومپانياسى» (Kazakhstan Electricity Grid Operating Company) «KEGOC» (بۇدان ءارى – «KEGOC» اق), ورنالاسقان مەكەنجايى: قازاقستان رەسپۋبليكاسى, 010010, استانا قالاسى, تاۋەلسىزدىك داڭعىلى, 59-عيمارات, «KEGOC» اق ديرەكتورلار كەڭەسىنىڭ 2015 جىلعى 20 ناۋرىزداعى شەشىمىمەن (№ 2 حاتتاما) شاقىرىلىپ وتىرعان «KEGOC» اق اكتسيونەرلەرىنىڭ جالپى جينالىسى وتكىزىلەتىندىگىن حابارلايدى. اكتسيونەرلەردىڭ جالپى جينالىسى 2015 جىلعى 30 ساۋىردە 11 ساعات 00 مينۋتتا مىنا مەكەنجايدا وتەدى: قازاقستان رەسپۋبليكاسى, 010010, استانا قالاسى, تاۋەلسىزدىك داڭعىلى, 59-عيمارات, اكت زالى. اكتسيونەرلەردىڭ جالپى جينالىسىنا قاتىسۋشىلاردى تىركەۋ 2015 جىلعى 30 ساۋىردە 09 ساعات 00 مينۋتتان 10 ساعات 30 مينۋتقا دەيىن جۇرگىزىلەتىن بولادى. اكتسيونەرلەردىڭ جالپى جينالىسىنا قاتىسۋشى رەتىندە تىركەلۋ ءۇشىن اكتسيونەرلەر جەكە كۋالىگىن نەمەسە جەكە باسىن كۋالاندىراتىن وزگە قۇجاتىن كورسەتۋى ءتيىس. جەكە تۇلعا اكتسيونەرلەردىڭ وكىلدەرى بەلگىلەنگەن تارتىپتە رەسىمدەلگەن سەنىمحاتىن جانە وكىلدىڭ جەكە باسىن كۋالاندىراتىن قۇجاتىن كورسەتۋى قاجەت. زاڭدى تۇلعا اكتسيونەرلەردىڭ وكىلدەرى اكتسيونەر بولىپ تابىلاتىن زاڭدى تۇلعانىڭ مورىمەن راستالعان سەنىمحاتىن جانە وكىلدىڭ جەكە باسىن كۋالاندىراتىن قۇجاتىن ۇسىنۋى ءتيىس. ەگەر زاڭدى تۇلعا اكتسيونەرلەر اتىنان اكتسيونەرلەردىڭ جالپى جينالىسىنا وسى تۇلعالاردىڭ جەكە تۇلعاداعى اتقارۋشى ورگاندارى (ديرەكتور, باس ديرەكتور, پرەزيدەنت) قاتىساتىن بولسا, ولار تىركەلگەن كەزدە سايلانۋى نەمەسە تاعايىندالۋى تۋرالى ءتيىستى قۇجاتتى, سونىمەن قاتار جەكە باسىن كۋالاندىراتىن قۇجاتتى ۇسىنۋعا مىندەتتى. قازاقستان رەسپۋبليكاسىنىڭ زاڭناماسىنا نەمەسە شارتقا سايكەس اكتسيونەردىڭ اتىنان سەنىمحاتسىز ارەكەت ەتۋگە نەمەسە ونىڭ مۇددەلەرىن بىلدىرۋگە قۇقىعى بار تۇلعالار ءۇشىن قارالاتىن ماسەلەلەر بويىنشا داۋىس بەرۋگە نەمەسە اكتسيونەرلەردىڭ جالپى جينالىسىنا قاتىسۋعا سەنىمحات تالاپ ەتىلمەيدى. ەگەر اكتسيونەرلەردىڭ جالپى جينالىسىنا قاتىسۋعا جانە وندا داۋىس بەرۋگە قۇقىعى بار اكتسيونەرلەردىڭ ءتىزىمى جاسالعاننان كەيىن وسى تىزىمگە قوسىلعان تۇلعا «KEGOC» اق وزىنە تيەسىلى داۋىس بەرۋشى اكتسيالارىن يەلىكتەن ايىرعان بولسا, اكتسيونەرلەردىڭ جىلدىق جالپى جينالىسىنا قاتىسۋ قۇقىعى جاڭا اكتسيونەرگە اۋىسادى. بۇل رەتتە اكتسيونەر اكتسيالارعا يەلىك ەتۋ قۇقىعىن راستايتىن قۇجاتتى ۇسىنۋى ءتيىس. اكتسيونەرلەردىڭ جالپى جينالىسىنا قاتىسۋعا قۇقىعى بار اكتسيونەرلەردىڭ ءتىزىمى 2015 جىلعى 24 ساۋىردە جاسالادى. اكتسيونەرلەردىڭ جالپى جينالىسىنىڭ الدىن الا بەلگىلەنگەن كۇن ءتارتىبى: 1. «KEGOC» اق جىلدىق ەسەبىن بەكىتۋ تۋرالى; 2. جىلدىق قارجىلىق ەسەپتى, تازا تابىستى ءبولۋ ءتارتىبىن بەكىتۋ – جاي اكتسيالار بويىنشا ديۆيدەندتەر تولەۋ تۋرالى شەشىم قابىلداۋ جانە 2014 جىلعا «KEGOC» اق ءبىر جاي اكتسياسىنا ەسەپتەگەندە ديۆيدەند مولشەرىن بەكىتۋ تۋرالى. 3. «KEGOC» اق ديرەكتورلار كەڭەسىنىڭ ساندىق قۇرامىن, وكىلەتتىگى مەرزىمىن انىقتاۋ, ونىڭ مۇشەلەرى مەن توراعاسىن سايلاۋ, سونداي-اق «KEGOC» اق ديرەكتورلار كەڭەسىنىڭ مۇشەلەرىنە ولاردىڭ وزدەرىنىڭ مىندەتتەرىن اتقارعانى ءۇشىن سىياقىلار مەن وتەماقىلار تولەۋ مولشەرى مەن تالاپتارى تۋرالى; 4. اكتسيونەرلەردىڭ «KEGOC» اق مەن ونىڭ لاۋازىمدى ادامدارىنىڭ ءىس-ارەكەتىنە ءوتىنىش جاساۋى جانە ولاردىڭ قورىتىندىلارىن قاراۋ تۋرالى; 5. «KEGOC» اق اكتسيونەرلەرى جالپى جينالىسى ەسەپ كوميسسياسىنىڭ ساندىق قۇرامىن, وكىلەتتىگى مەرزىمىن انىقتاۋ جانە ونىڭ مۇشەلەرىن سايلاۋ. اكتسيونەرلەردىڭ جالپى جينالىسىنىڭ كۇن تارتىبىندەگى ماسەلەلەر بويىنشا قازاقستان رەسپۋبليكاسى, 010010, استانا قالاسى, تاۋەلسىزدىك داڭعىلى, 59-عيمارات, 901-بولمە مەكەنجايى بويىنشا دەمالىس كۇندەردەن باسقا, 2015 جىلعى 15 ساۋىردەن باستاپ ساعات 9.30-دان 17.00-گە دەيىن, سونداي-اق «KEGOC» اق-تىڭ www.kegoc.kz كورپوراتيۆتىك ۆەب-سايتىنداعى «ينۆەستورلار مەن اكتسيونەرلەرگە» دەگەن بولىمدەگى ماتەريالدارمەن تانىسۋعا بولادى. اكتسيونەرلەردىڭ جالپى جىلدىق جينالىسىنىڭ ماتەريالدارىنا جانە دە وتكىزىلۋىنە بايلانىستى سۇراقتارعا جاۋاپتاردى +7 (7172) 690 491; +7 (7172) 690 297 تەلەفوندارى ارقىلى نەمەسە www.kegoc.kz ۆەب-سايتىنداعى «KEGOC» اق باسقارما توراعاسىنىڭ بلوگىنا ساۋال جولداۋ ارقىلى الۋعا بولادى. كۆورۋم بولماعان جاعدايدا اكتسيونەرلەردىڭ جالپى جىلدىق جينالىسى 2015 جىلعى 13 مامىردا 11 ساعات 00 مينۋتتا جوعارىدا كورسەتىلگەن مەكەنجاي بويىنشا قايتا وتكىزىلەدى. اكتسيونەرلەردىڭ جالپى جينالىسىنا قاتىسۋشىلاردى تىركەۋ 2015 جىلعى 13 مامىردا 09 ساعات 00 مينۋتتان باستاپ 10 ساعات 30 مينۋتقا دەيىن جۇرگىزىلەدى.