يندونەزيالىق دەلەگاتسيا وكىلدەرىمەن كەزدەستى

قازاقستان پارلامەنتى ءماجىلىسى ءتورا­عا­سىنىڭ ورىنباسارى سەرگەي دياچەنكو يندو­­نەزيا رەسپۋب­ليكاسى وكىلدەر پالاتاسى ءتورا­عاسىنىڭ ورىنباسارى فاحري حام­زا باستاعان پارلامەنتتىك دەلەگاتسيا وكىل­دەرى­مەن كەزدەستى, دەپ حابارلادى ءماجىلىستىڭ ءباسپاسوز قىزمەتى. تاراپتاردىڭ اتاپ وتكەنىندەي, ەل باسشىلارى نۇرسۇلتان نازارباەۆ پەن سۋسيلو يۋدويونونىڭ مەم­لەكەتتىك ساپارلارى ەكى ەل ىنتىماقتاستىعىنىڭ تەرەڭدەي تۇسۋىنە تىڭ سەرپىن بەردى. قازىرگى ۋاقىتتا قوس مەملەكەت اراسىنداعى ءوزارا ءىس-قيمىل بارلىق سالادا تابىستى دامىپ كەلەدى. قازاقستان يندونەزيانى وڭتۇستىك-شىعىس ازياداعى ساياسي جانە ەكونوميكالىق الەۋەتكە يە الدىڭعى قاتارلى ەل رەتىندە تانيدى. ۆيتسە-سپيكەر ساۋدا-ەكونوميكالىق, مادەني-گۋمانيتارلىق, ساياسي سالالارداعى ورتاق جەتىستىكتەردى العا تارتىپ, قاۋىپسىزدىك پەن تۇراقتىلىق باعىتىنداعى ماڭىزدى باستامالاردى ءسوز ەتتى. ءوز كەزەگىندە وكىلدەر پالاتاسىنىڭ ۆيتسە-سپيكەرى فاحري حامزا اتالعان سالالارداعى ءوزارا ءىس-قيمىلدى ودان ءارى تەرەڭدەتۋدىڭ ماڭىزدىلىعىنا توقتالىپ, يندونەزيانىڭ قازاقستاندى ورتالىق ازياداعى ماڭىزدى ارىپتەستەرىنىڭ ءبىرى رەتىندە قارايتىندىعىن اتاپ ءوتتى. كەزدەسۋ بارىسىندا پارلامەنتارالىق ىنتىماقتاستىقتى نىعايتۋ ماسەلەسىنە ايرىقشا كوڭىل ءبولىنىپ, ەكى ەلدىڭ زاڭنامالىق ورگاندارى اراسىندا ءوزارا تۇسىنىستىك جانە ىنتىماقتاستىق جونىندەگى توپ قۇرۋ قاجەتتىلىگى ايتىلدى.