رونالدۋ نيۋ-يوركتەن 18,5 ملن. دوللارعا پاتەر ساتىپ الدى

استانا. 18 تامىز. اتى الەمگە ايگىلى فۋتبولشى كريشتيانۋ رونالدۋ نيۋ-يورك قالاسىنداعى كوپ قاباتتى ۇيلەردىڭ بىرىنەن 18,5 ميلليون دوللارعا پاتەر ساتىپ الدى. بۇل تۋرالى New York Post باسىلىمىنا سىلتەمە جاساعان sports.ru حابارلادى. باسىلىمنىڭ حابارلاۋىنشا, 30 جاستاعى پورتۋگال پاتەردى بەسىنشى اۆەنيۋدا ورنالاسقان Tramp Tower كەشەنىنىڭ 58-قاباتىنان ساتىپ العان. اۋماعى 233 شارشى مەتردى قۇرايتىن جىلجىمايتىن م ۇلىك ەليتالىق دەڭگەيدەگى باسپانالاردىڭ قاتارىنا جاتادى. باق وكىلدەرى رونالدۋدىڭ بۇل ارەكەتىن ءارتۇرلى توپشىلاۋدا. كەيبىرەۋلەر ونىڭ الداعى ۋاقىتتا امەريكا چەمپيوناتىنا (MLS) اۋىسۋى مۇمكىن ەكەنىن حابارلاپ ۇلگەردى. ءتىپتى فۋتبولشى «نيۋ-يورك رەد بۋللس» نەمەسە «نيۋ-يورك سيتي» كوماندالارىنىڭ قاتارىنا قوسىلادى دەگەن پىكىرلەر دە ايتىلۋدا. ايتا كەتەيىك, اتلەت بۇگىندە يسپانيانىڭ «رەال» (مادريد) كومانداسىندا وينايدى. فورۆاردتىڭ كورولدىك كلۋبپەن اراداعى كەلىسىمشارتى 2018 جىلى اياقتالادى. ەلامان قوڭىر. دەرەك: sports.ru. سۋرەت: popsugar.com.