قارجى سەكتورىندا تەكسەرۋ قاتاڭ

كەشە ورتالىق كوممۋنيكاتسيالار قىزمەتىندە قارجى ءمينيسترىنىڭ ەكى بىردەي ورىنباسارى ءباسپاسوز ءماسليحاتىن وتكىزدى. وندا «نۇرلى جول» باعدارلاماسىن قارجىلاندىرۋ مەن ونى دۇرىس يگەرۋ ماسەلەلەرى ءسوز بولدى. «نۇرلى جول» باعدارلاماسى اياسىندا ۇلتتىق قوردان وسى جىل­عا 686 ملرد. تەڭگە بولىنەدى ەكەن. «باعدارلامانىڭ بيۋدجەتتىك قارجىلاندىرۋ كولەمى 423,5 ملرد. تەڭگەنى قۇرايدى. بيۋدجەتتىك قار­جىلاندىرۋ بۇگىندە باستالىپ تا كەتتى. ءتىپتى 23 ملرد. تەڭگە يگەرىلىپ تە بولدى. ياعني, ول قاراجات رەسپۋبليكالىق دەڭگەيدەگى اۆتوجولداردى سالۋ جۇمىستارىنا باعىتتالدى. نەگىزى, ينفراقۇرىلىمدىق جوبالارعا – 207,8, قۇرىلىس جانە تۇرعىن ءۇي-كوممۋنالدىق شارۋاشىلىعىن دامىتۋعا – 112,5, ال حالىقارالىق قارجى ۇيىمدارىمەن بىرلەسكەن جوبالاردا قازاقستاننىڭ ۇلەسىن قارجىلاندىرۋعا – 39,2, اگرو­ونەركاسىپ كەشەنىن قولداۋعا – 20, مەكتەپتەر سالۋعا – 17,3, «بالاپان» باعدارلاماسىنا 12,7 ملرد. تەڭگە قاراستىرىلعان. بۇلارمەن بىرگە, جوو-لار مەن عىلىمي مەكەمەلەردىڭ ماتەريالدىق-تەحنيكالىق بازاسىن قالىپتاستىرۋ ىسىنە – 8, ال گەولوگيالىق بارلاۋ جۇمىستارىن جۇزەگە اسىرۋدا 6 ملرد. تەڭگە يگەرىلمەك», دەدى قارجى ۆيتسە-ءمينيسترى رۋسلان دالەنوۆ. ونىڭ سوزىنە قاراعاندا, «ءباي­تەرەك» حولدينگى ارقىلى ۇلت­تىق قوردان 262,5 ملرد. تەڭگە وبليگاتسيالىق قارىز جالعا بەرىلەتىن باسپانا قۇرىلىسىنا نەسيە بەرۋگە, شاعىن جانە ورتا بيزنەس جوبالارى مەن ءىرى كاسىپكەرلىك سۋبەكتىلەرىن قارجىلاندىرۋعا, ەكسپورتتاۋشىلاردى قولداۋعا ءبو­لىنەدى. وسى ايدا اتالعان جەلى بويىنشا 20,3 ملرد. تەڭگە تۇرعىن ءۇيدى ساتىپ الىپ, ءارى قاراي حالىق اراسىندا تاراتۋ ءۇشىن جۇمسالىپتى. يگەرىلگەن قارجىنى تولىق ەسەپتەگەن مينيسترلىك مالىمەتىنشە, بۇگىنگە دەيىن ۇلتتىق قور قارجىسىنىڭ 40,3 ملرد. تەڭگەسى قاجەتكە جاراتىلعان. ءباسپاسوز ءماسليحاتىندا بۇقاراعا جاعىمدى جاڭالىق تا ايتىلدى. ۇكىمەت اۆتوكولىك ساتىپ الۋ ءۇشىن قازاقستاندىقتارعا جەڭىلدەتىلگەن نەسيە بەرۋگە قارجى بولمەك كورىنەدى. «ەلىمىزدىڭ ازاماتتارى جەڭىلدەتىلگەن نەسيەمەن تەك وتاندىق كولىكتەرگە قول جەتكىزە الادى. ونىڭ مولشەرلەمەسى 3 پايىزدان اسپايدى جانە 3-5 جىل مەرزىمگە نەگىزدەلگەن. نەسيە تەڭگەمەن عانا بەرىلەدى. بۇل ماقساتقا 15 ملرد. تەڭگە بولىنەدى. بۇل قارجى شامامەن 4-6 مىڭ اۆتوكولىكتى ساتىپ الۋعا جەتەدى دەپ ويلايمىز», دەدى ر.دالەنوۆ بيۋدجەتتىك قارجىعا ساتىپ الۋعا جوسپارلانعان ءى ساناتتاعى كولىككە ەلىمىزدىڭ وڭىرلەرىندە بيۋدجەت قارجىسى ءارتۇرلى سومادا قاراستىرىلىپتى. بۇل تۋرالى قارجى ۆيتسە-ءمينيسترى ارداق تەڭگەباەۆ ايتتى. «مەملەكەتتىك ورگاندار مەملەكەتتىك ساتىپ الۋعا جاريالاعان اۆتوكولىكتەردىڭ قۇنىنا تالداۋ جۇرگىزدى. سول تالداۋدىڭ ناتيجەسى بويىنشا كولىكتەردىڭ ءبىر ماركىسىنە رەسپۋبليكانىڭ ءتۇرلى وڭىرىندە باعانىڭ ارقيلى ەكەنىن انىقتادى. بۇل باعانىڭ ايىرماشىلىعى ەلدىڭ كەيبىر اۋماعىندا 40 پايىزعا دەيىن جوعارى بولىپ وتىر», دەگەن ۆيتسە-مينيستر, وسى تۇرعىدا بارلىق بيۋدجەتتىك باعدارلامالار اكىمشىلەرىنە وسى ماسەلەنى قاراستىرۋ ءۇشىن نۇسقاۋ حات جىبەرىلگەنىن مالىمدەدى. مۇنىمەن بىرگە, بيۋدجەت قاراجاتىنىڭ ءتيىمسىز جۇمسالۋىن بولدىرماۋ ءۇشىن قارجىلىق باقىلاۋ كوميتەتى اۆتوكولىك ساتىپ الۋعا ارنالعان شىعىستاردى جوسپارلاۋ كەزىندە قولداماۋعا بولاتىن جۇيەلى ۇسىنىستار قازىرگى كەزدە ازىرلەنىپ جاتىر ەكەن. «مۇنداي جۇ­مىس مەملەكەت قارجىسى يگەرى­لەتىن باعىتتاردىڭ بارلىعىندا ءجۇر­گىزىلەتىن بولادى. جۇمىس توبى ءىس-قيمىلدارىنىڭ جوعارىدا ايتىلعان كەستەسى مەملەكەتتىك ساتىپ الۋعا قاتىسۋشىلاردىڭ سالىقتىق ءتارتىبىن كوتەرۋگە, «نۇرلى جول» باعدارلاماسىن ىسكە اسىرۋعا بولىنەتىن قارجىنىڭ, سونداي-اق بۇكىل بيۋدجەت قاراجاتىنىڭ ءتيىمدى پايدالانىلۋىن قامتاماسىز ەتۋگە مۇمكىندىك بەرەدى», دەگەن ا.تەڭگەباەۆ قارجى سەكتورىندا قاتاڭ تەكسەرۋ بار ەكەنىن مەڭزەدى. نۇرباي ەلمۇراتوۆ, «ەگەمەن قازاقستان».