ەلدىڭ ەرتەڭى ءۇشىن داۋىس بەرەدى

كەشە قازاقستان پرەزيدەنتتىگىنە كانديدات نۇرسۇلتان ءابىش ۇلى نازارباەۆتىڭ رەسپۋبليكالىق قوعامدىق شتابى مۇشەلەرىنىڭ ەل ءوڭىرى بويىنشا ۇگىت-ناسيحاتىنىڭ ساپارى باستالدى. ولاردىڭ ءبىرىنشى كەزەكتە قاراعاندى وبلىسىنا بارۋىنىڭ سيمۆولدىق ماڭىزى ەرەكشە. ءويت­كەنى, ەلباسىنىڭ ەڭبەك جولى تاپ وسى وڭىردەن باستاۋ العان بولاتىن. دەلەگاتسيا قۇرامىندا رەسپۋب­ليكا­لىق قوعامدىق شتابتىڭ جەتەك­شىسى مۇحتار قۇل-مۇحاممەد, قازاق­ستان پاتريوتتار پارتياسىنىڭ ءتورا­عاسى عاني قاسىموۆ, «اق جول» دەمو­كراتيالىق پارتياسىنىڭ توراعاسى ازات پەرۋاشەۆ, «بىرلىك» پارتياسىنىڭ توراعاسى سەرىك سۇلتانعالي, «اتا­مەكەن» ۇلتتىق كاسىپكەرلەر پالاتاسى باسقارماسىنىڭ توراعاسى ابىلاي مىرزاحمەتوۆ, قازاقستان حالقى اس­سامبلەياسى توراعاسىنىڭ ورىنباسارى اناتولي باشماكوۆ, مەملەكەت قايراتكەرى ورالباي ابدىكارىموۆ, ءماجىلىس دەپۋتاتتارى مايرا ايسينا, اسقار بازارباەۆ, مۇحتار تىنىكەەۆ پەن سەرىكجان قاناەۆ, سەنات دەپۋتاتى مۇحتار التىنباەۆ, قازاق تاعامتانۋ اكادەمياسىنىڭ پرەزيدەنتى تورەگەلدى شارمانوۆ, وليمپيادا چەمپيونى سەرىك ساپيەۆ جانە تاعى دا باسقا تانىمال قازاقستاندىقتار بار. ەلىمىزدىڭ ءوندىرىس ورتالىعىندا ءوڭىر بەلسەندىلەرىمەن, ستۋدەنت جاستارمەن, كاسىپكەرلەرمەن, «ارسەلور ميتتالل تەمىرتاۋ» اق كەنشىلەرىمەن جانە ەتنومادەني بىرلەستىكتەردىڭ وكىلدەرىمەن بىرقاتار كەزدەسۋلەر ءوتتى. قاراعاندىلىقتار نۇرسۇلتان ءابىش ۇلى نازارباەۆقا يندۋستريالىق-يننوۆاتسيالىق باعدارلامانى جەدەل­دەتكەنى ءۇشىن العىستارىن ءبىلدىردى, تەك سوڭعى 5 جىلدا عانا ونىڭ شەڭبەرىندە وبلىستا 59 كاسىپورىن ىسكە قوسىلىپ, 5000 جۇمىس ورنى قۇرىلدى. وڭىردەگى قوعام قايراتكەرى تاتيانا ساۆيتسكايا ەلىمىزدەگى بەيبىتشىلىكتى, تۇراق­تىلىق پەن تىنىشتىقتى قامتاماسىز ەتكەنى ءۇشىن بارلىق قازاقستاندىق ايەلدەردىڭ نۇرسۇلتان ءابىش ۇلى نازار­باەۆقا دەگەن ريزاشىلىقتارىنىڭ شەك­سىز ەكەندىگىن جەتكىزدى. رەسپۋبليكالىق قوعامدىق شتابتىڭ جەتەكشىسى مۇحتار قۇل-مۇحاممەد ەل­باسى نۇرسۇلتان ءابىش ۇلى نازارباەۆتىڭ سىندارلى ساياساتىنىڭ ارقاسىندا قا­زاقستاننىڭ ەلىمىزدى دامۋدىڭ جاڭا ساپالى دەڭگەيىنە الىپ شىعاتىن وراسان ۇلى وزگەرىستەردىڭ تابالدىرىعىندا تۇرعانىن اتاپ ءوتتى. كەزدەسۋگە مىڭداعان قارا­عان­دى­لىقتار قاتىستى. ءوز سوزدەرىندە ولار مەملەكەت باسشىسى نۇرسۇلتان ءابىش­ ۇلى نازارباەۆتىڭ جۇرگىزگەن ساياسا­تىنىڭ ارقاسىندا قازاقستاننىڭ وراسان زور تابىستارعا قول جەتكىزگەنىنە ەرەكشە توقتالدى. ادامدار ءبىزدىڭ ەلىمىزدىڭ باسشى­لىعىندا تەك مىقتى ليدەردىڭ بول­عانىن قالايدى. سوندىقتان دا قاراعاندى وبلىسىنىڭ تۇرعىن­دارى 2015 جىلدىڭ 26 ساۋىرىندە رەسپۋب­ليكا­مىزدىڭ ءوسىپ-وركەندەۋى, ياعني نۇر­سۇلتان ءابىش ۇلى نازارباەۆ ءۇشىن داۋىس بەرەتىندەرىن مالىمدەدى. ايقىن نەسىپباي, «ەگەمەن قازاقستان». قاراعاندى.