جازعى كانيكۋل جايما-شۋاق ءوتتى

استاناداعى ورتالىق كوممۋنيكاتسيالار قىزمەتىندە  قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى وتباسىلىق-دەموگرافيالىق ساياسات جونىندەگى ۇلتتىق كوميس­­سيا مۇشەلەرى مەن ورتالىق جانە جەرگىلىكتى اتقارۋشى ورگاندارى باسشىلارىنىڭ «بالالاردىڭ جازعى دەمالىسىن جانە ساۋىقتىرۋدى ۇيىمداستىرۋ جانە ولارمەن جاعدايى تومەن وتبا­سىلاردان شىققان بالالاردى قامتۋ» مەن جىل سايىن وتكى­زىلەتىن «مەكتەپكە جول» اكتسياسى شەڭبەرىندە بالالار­دىڭ مەكتەپكە دايىندىعى ماسەلەسى بويىنشا بريفينگ ءوتتى. ۇلتتىق كوميسسيا ءتور­ايى­مى­­نىڭ ورىنباسارى, ورتالىق ساي­­لاۋ كوميسسياسىنىڭ مۇشەسى ءلاز­زات سۇلەيمەن ءباسپاسوز وكىل­­­دەرى­نە وتباسىلاردىڭ جانە بالا­لاردىڭ قۇقىقتارى مەن ءمۇد­دە­لەرىن قور­عاۋ سالاسى بويىنشا مەم­لە­كەتتىك ساياساتتىڭ نەگىزگى ارتىق­­شىلىقتارىن ىسكە اسىرۋ بويىن­­شا قولعا الىنعان ۇلتتىق كوميس­سيا­ن­ىڭ قىزمەتىمەن تانىستىردى. «بۇگىنگى كۇنى قوعامدا كامە­لەتكە تولماعاندارعا قاتىگەزدىك جانە زورلىق-زومبىلىق كورسەتۋ مەن بەيادەپ مىنەز-ق ۇلىقتار­دىڭ ارتۋىمەن تۋىنداعان وتباسى ينس­تيتۋتىنىڭ پروبلە­ما­لا­رىن تالقىلاۋ كۇشەي­گەن ۋاقىت­تا, اسىرەسە, جازعى دەمالىس ۋاقى­تىندا بالالار مەن ءجاسوسپى­رىمدەردىڭ بوس ۋاقىتىن وقۋمەن جانە ۇيىمدارمەن قامتۋ ماسەلەسى وزەكتى بولىپ تابىلادى. سوندىقتان, جازعى ساۋىقتىرۋ كەزەڭىنە دايىنداۋ جانە «مەك­تەپكە جول» اتتى جالپى رەسپۋبليكالىق قايىرىمدىلىق اكتسيالارىن وتكىزۋ الدىن الا جوسپارلانعان جانە تۇراقتى قاداعالانۋدا», دەپ اتاپ ءوتتى ول. باسقوسۋدا ءبىلىم جانە عىلىم ۆيتسە-ءمينيسترى ەسەنعازى يمان­عاليەۆ جازعى دەمالىس كەزەڭىندە اتقارىلعان شارالارعا توقتالىپ ءوتتى. ونىڭ ايتۋى بويىنشا, بۇگىنگى تاڭدا رەسپۋبليكادا 11 092 ساۋىقتىرۋ لاگەرلەرى جانە الاڭدارى جۇمىس ىستەپ, جازعى كانيكۋل ىشىندە وندا 1,5 ملن.-عا جۋىق وقۋشى دەمالىپتى. بالالاردىڭ جۇمىسپەن قامتىلۋىن ۇيىمداستىرۋ ءۇشىن  300-گە جۋىق ەڭبەك جانە دەمالىس لاگەرلەرى, 600-گە جۋىق مەكتەپ ورمانشىلىقتارى, 2 مىڭنان استام مەرزىمدىك ەڭبەك جاساقتارى, مىڭنان استام ءتىل مەكتەپتەرى مەن دەبات لاگەرلەرى, 10 مىڭ ۇيىرمەلەر مەن كلۋبتار جۇمىس ىستەدى. «مەكتەپكە جول» اكتسياسىنىڭ ون كۇنىندە 16 مىڭنان استام بالاعا جالپى سوماسى 122 ملن. تەڭگەنى قۇرايتىن كومەك كورسەتىلدى. مەملەكەتتىك بيۋدجەت ەسەبىنەن بيىل مەكتەپ جاسىنداعى بالالاردى ساۋىقتىرۋ شارالارىنا 3 ملرد. 115 ملن. تەڭگە ءبولىنىپتى. 700 مىڭعا جۋىق جوعارى سىنىپ وقۋشىلارى جازعى ەڭبەككە باۋ­لۋ بريگادالارىنا تارتىلدى. بيىلعى جازدا 1 ملن. 106 مىڭ 453 بالا ءتۇرلى سالالارعا باۋلىنىپ, دەمالىس شارالارىمەن قامتىلدى. ونىڭ ىشىندە 693 مىڭ وقۋشى 2 241 ەڭبەك وتريا­دىندا, 306 ەڭبەك جانە دەمالىس لاگەرلەرىندە, 11 447 كوگال­داندىرۋ بريگادالارىندا, 564 مەكتەپ جانىنداعى ورمان­شىلىقتاردا, سونداي-اق, 4 884 جوندەۋ-قۇرىلىس بريگادالارىندا بولدى. سونداي-اق, بالالاردى شىعارماشىلىق تۇرعىدا شىڭداۋعا 10 343 كلۋب پەن 807 اۋلا كلۋبتارى اتسالىسىپ, سپورتتىق-تۋريستىك باعىتتا 241 852 بالا قامتىلعانى اتاپ ايتىلدى. جاز كەزىندە 2 303 ساپارلار مەن ەكسكۋرسيالار, رەسپۋبليكا بويىنشا 1 912 تۋريستىك ساپارلار مەن 443 سپورتتىق جيىندار ۇيىمداستىرىلدى. 78 مىڭنان استام بالا جازعى وليمپيادالىق رەزەرۆتىڭ 224 مەكتەبىنە, «جاس ۇلان» ليدەرلەرىنىڭ 848 جازعى مەكتەپتەرىنە, 449 جازعى تىلدىك لاگەرلەر مەن 222 پىكىرسايىس لاگەرلەرىنە تارتىلدى. جالپى, جازعى ساۋىقتىرۋ شارالارىنا جەرگىلىكتى اتقارۋشى ورگاندار تاراپىنان 3 ملرد. تەڭگەدەن استام قارجى ءبولىنىپتى. بەرىك سادىر, «ەگەمەن قازاقستان».