ءوز مىندەتىنە ادال «مەنىڭ قازاقستانىم»

«مەنىڭ قازاقستانىم» پويىزىنىڭ ەندىگى باعىتى قوستاناي وبلىسىنىڭ ارقالىق قالاسى ەدى. ۋاقىتىندا وبلىس ورتالىعى بولىپ, داڭقى دۇرىلدەپ تۇرعان قالانىڭ كەيىن باسىنان باعى تايىپ, پروبلەماسى مول شاھارعا اينالعانىن كوپشىلىك بىلەدى. سول قالا كەيىنگى كەزدە ەڭسەسىن ءبىراز تىكتەپ العان. ءوندىرىس ورىندارى ىسكە قوسىلعان, جۇرتشىلىقتى جۇمىسپەن قامتۋ مəسەلەسى دە جاقسى جولعا قويىلعان. ءبىر سوزبەن ايتقاندا, قالانىڭ ءوزى دە əجەپتəۋىر اجارلانىپ قالىپتى. ارقالىق اقجارىلقاپ تىلەكپەن قارسى الدى پويىزدى شاشۋ شاشىپ, əن-جىرمەن قارسى العان ارقالىق جۇرتى جولاۋشىلارعا ىزگى نيەت­تەرىن ءبىلدىردى. قالا əكىمى عازيز بەكمۇحامەدوۆ مəرتەبەلى مەيمانداردى قارسى الا وتىرىپ, جۇمىستارىنا تابىس تىلەدى. – قۇرمەتتى قوناقتار, سىزدەردىڭ  باستى  مىندەتتەرىڭىز – حالىقپەن ەتەنە ارالاسىپ, ونىڭ مۇڭ-مۇق­تا­جىن, تالاپ-تىلەگىن ەسكەرۋ. ۇگىت پويىزىنىڭ باعدارلاماسى بويىنشا, دəرىگەرلەر, مينيسترلىك وكىل­دەرى, قازاقستان حالقى اسسام­بلەياسىنىڭ مۇشەلەرى, ۇلتتىق كəسىپكەرلەر پالاتاسىنىڭ, «دامۋ» كəسىپكەرلىكتى دامىتۋ قورىنىڭ, «نۇر وتان» پارتياسىنىڭ وكىلدەرى وسى مىندەتتەرىن قالتقىسىز ورىنداپ كەلەدى. سونداي-اق, وتاندىق ەسترادا جۇلدىزدارى دا حالىققا əن-شاشۋىن تارتۋ ەتۋدە. سوندىقتان, «مەنىڭ قازاقستانىم» پويىزىنىڭ كەلۋى حالقىمىزدىڭ بىرلىگى بەكەم ەكەنىن تاعى ءبىر مəرتە دəلەلدەدى, – دەدى əكىم. پويىز مۇشەلەرى ارقالىق قالا­سىنىڭ تۇرعىندارىن ءتۇرلى مəسە­لەلەر بويىنشا قابىلداپ, ولاردىڭ سۇراقتارىنا جان-جاقتى جاۋاپ بەردى. سونىمەن قاتار, دەلەگاتسيا باسشىسى عازيز تەلەباەۆ جəنە ءبىر توپ دەپۋتاتپەن قحا مۇشەلەرى قالاداعى پسيحونەۆرولوگيالىق ينتەرنات-ۇيىندە بولىپ, قحا-نىڭ «20 ىزگى ءىس-شارا» اكتسياسى اياسىندا ونداعى جارىمجان ازاماتتارعا تەلەديدار مەن باسقا دا سىيلىقتار تارتۋ ەتتى. سول كۇنى ارقالىق قالاسىندا كəسىپكەرلىكتى قولداۋ ورتالىعى اشىلدى. شارا «مەنىڭ قازاق­ستانىم» پويىزىنىڭ ارقالىق قالاسىنا كەلۋىنە وراي ۇيىم­داستىرىلدى. «ەلباسىمىز نۇر­سۇلتان نازارباەۆ ءوزىنىڭ «قا­زاقستان- 2050 ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا 2030 جىلى ەكونوميكامىزداعى شاعىن جəنە ورتا بيزنەستىڭ ۇلەسىن 2 ەسە ۇلعايتۋ بويىنشا ناقتى مىندەت قويدى. وسىعان وراي,  ۇلتتىق كəسىپكەرلەر پالاتاسى ۇلتتىق ەكونوميكا مينيسترلىگىمەن بىرلەسە وتىرىپ, «بيزنەستىڭ جول كارتاسى-2020» مەملەكەتتىك باعدارلاماسى اياسىندا قازاقستاننىڭ بارلىق وبلىستارىندا كəسىپكەرلىكتى قولداۋدىڭ قولدانىستاعى جۇيەسىن جەتىلدىرۋ بويىنشا جۇمىستار جۇرگىزۋدە. بۇگىنگى اشىلىپ وتىرعان ورتالىق سول جۇمىستىڭ كورسەتكىشى», دەپ اتاپ ءوتتى ارقالىق قالاسى əكىمىنىڭ ورىنباسارى ەرلان تۋىنشا. ەندىگى جەردە بۇل ورتالىقتا تۇرعىندارعا كəسىپكەرلىكتى اشۋ جəنە جۇرگىزۋ بويىنشا بارلىق قىزمەتتەر مەن كەڭەستەر تەگىن كورسەتىلەتىن بولادى. جالپى العاندا, «ءبىر تەرەزە» قاعيداسى بويىنشا 20 ءتۇرلى قىزمەت كورسەتىلەدى. كەشقۇرىم «مەنىڭ قازاقستانىم» پويىزىنىڭ ونەرپازدارى قالا جۇرتشىلىعىنا كونتسەرتتىك باعدارلاما تارتۋ ەتتى. رۋدنىيلىقتاردىڭ كوڭىل-كۇيى كوتەرىڭكى «مەنىڭ قازاقستانىم» پويىزى كەشە تاڭەرتەڭ قوستاناي وبلىسىنداعى رۋدنىي قالاسىنىڭ ۆوكزالىنا ماڭداي تىرەدى. قالا جۇرتشىلىعى قوناقتاردى كوتەرىڭكى كوڭىل-كۇيمەن قارسى الدى. رۋدنىي قالاسىنىڭ əكىمى باقىتجان عايازوۆ ميتينگىدە ءسوز سويلەپ, «مەنىڭ قازاقستانىم» پويىزىنىڭ قاتىسۋشىلارىنىڭ جۇمىستارىنا تابىس تىلەدى. ودان كەيىن «مەنىڭ قازاقستانىمنىڭ» ماماندارى əر سالا بويىنشا وزدەرىنىڭ مىندەتتەرىن اتقارۋعا كىرىستى. وسى كۇنى, əسىرەسە, دەنساۋلىق ساقتاۋ جəنە əلەۋمەتتىك دامۋ مينيسترلىگى اقپاراتتىق-ساراپتامالىق ورتالىعى مونيتورينگ جəنە ساراپتاما دەپارتامەنتىنىڭ ديرەكتورى رىستى جۇمابەكوۆا باسقارعان توپ ءونىمدى جۇمىس ىستەدى. رۋدنىي قالاسى جۇرتشىلىعىمەن كەزدەسكەن بۇل توپ مۇشەلەرى ادامداردىڭ كوكەيىندەگى مəسەلەلەرگە مۇمكىندىگىنشە ناقتى جاۋاپ بەرۋگە تىرىستى. «ءبىز جۇرتشىلىقتى تولعاندىرعان سۇراقتاردىڭ ءبəرىن جازىپ الدىق جəنە بۇل مəسەلەلەردى ەرتەڭ ءتيىستى ورىنداردىڭ نازارىنا ۇسىنامىز», دەدى ر.جۇمابەكوۆا. «مەنىڭ قازاقستانىم» پويىزىنىڭ جەتەكشىسى ع.تەلەباەۆتىڭ باسشىلىعىنداعى توپ «مەرەي» əلەۋمەتتىك جəردەم كورسەتۋ بويىنشا رۋدنىي اۋماقتىق ورتالىعىندا بولدى. «قحا – 20 ىزگى ءىس-شارا!» اكتسياسى اياسىندا «مەرەي» ورتالىعىنا 150 مىڭ تەڭگە كولەمىندەگى جəردەم سەرتيفيكاتىن تابىس ەتتى. «مەنىڭ قازاقستانىم» پويىزىنىڭ مۇشەلەرى – دəرىگەرلەر, زاڭگەرلەر, əلەۋمەتتىك سالا قىزمەتكەرلەرى رۋدنىي قالاسىندا دا ءوزىنىڭ مىندەتتەرىن ابىرويمەن اتقاردى. كەشكە قالانىڭ ورتالىق الاڭىندا ونەر قايراتكەرلەرى قالا حالقىنا ۇلكەن كونتسەرتتىك باعدارلاماسىن ۇسىندى. «مەنىڭ قازاقستانىم» پويىزى ەندى ەلىمىزدىڭ باتىسىنا قاراي باعىت الادى. شارافاددين ءƏمىروۆ, «ەگەمەن قازاقستان». قوستاناي وبلىسى.