اتىراۋ. 27 اقپان. اتىراۋدا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى اتىراۋ وبلىسى بويىنشا دەپارتامەنتى «نۇر وتان» پارتياسى اتىراۋ قالالىق فيليالىندا «ستوپ قىلمىس!» پارتيالىق جوبا شەڭبەرىندە وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى قىزمەتكەرلەرىنە سەمينار وتكىزدى. بۇل تۋرالى egemen.kz ءتىلشىسى حابارلادى.
سەميناردىڭ كۇن تارتىبىندە «نۇر وتان» پارتياسىنىڭ 2015-2025 جىلدارعا ارنالعان سىبايلاس جەمقورلىققا قارسى باعدارلاماسى» جانە «2015-2025 جىلدارعا ارنالعان سىبايلاس جەمقورلىققا قارسى ءىس-قيمىل ستراتەگياسىنىڭ» ماقساتتارى مەن مىندەتتەرى تۋرالى ماسەلەلەر قارالدى.
دەپارتامەنتتىڭ تالداۋ جانە سىبايلاس جەمقورلىق قاتەرلەردى انىقتاۋ ءبولىمىنىڭ كونسۋلتانتى ليۋبوۆ داۋلەتوۆا سەمينارعا قاتىسۋشىلارعا مەملەكەتتىك مەكەمەلەردىڭ الدىنا قويىلعان مىندەتتەرىن تانىستىردى. قوعام ساناسىنا سىبايلاس جەمقورلىق كورىنىستەرىنە توزبەۋشىلىكتى قالىپتاستىرۋ ارقىلى اتالعان مىندەتتى جۇزەگە اسىرۋدا سىبايلاس جەمقورلىققا قارسى ساۋاتتاندىرۋ جانە جۇرتشىلىقپەن ءوزارا ءىس-قيمىل جاساۋ ءبولىمىنىڭ قىزمەتىنە ەرەكشە كوڭىل اۋدارىلدى. سونىمەن قاتار, سەمينار بارىسىندا مەملەكەتتىك قىزمەت كورسەتۋدەگى ماڭىزدى ماسەلەلەر مەن ونى شەشۋ جولدارى تالقىلاندى.
بۇدان باسقا, مەملەكەتتىك قىزمەت كورسەتۋ بويىنشا جۇرگىزىلگەن مونيتورينگ ناتيجەلەرى جاريا ەتىلدى.
جولداسبەك شوپەعۇل.
دەرەك,سۋرەت: مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى اتىراۋ وبلىسى بويىنشا دەپارتامەنتى.
