كوميسسيا مۇشەلەرىمەن جۇزدەستى

ورتالىق سايلاۋ كوميسسياسىنىڭ ءتورا­عاسى ق.تۇرعان­قۇلوۆتىڭ «قازاقستان رەسپۋب­ليكاسىنداعى سايلاۋدى بايقاۋ جونىندەگى رەسپۋبليكالىق قوعامدىق كوميسسيا» رەسپۋب­ليكالىق قوعامدىق بىرلەستىگىنىڭ (سبرقك) مۇشەلەرىمەن كەزدەسۋى بولدى. كەزدەسۋگە سبرقك توراعاسى ن. ەرىمبەتوۆ, سبرقك توراعاسىنىڭ ورىنباسارى ج.قۇسمانعاليەۆا, سبرقك شتابىنىڭ باسشىسى ن. تىلەۋكەنوۆ, وسك-نىڭ بارلىق مۇشەلەرى, سونىمەن قاتار, سبرقك مۇشەلەرى ش.لەپسىباەۆ, ع. شالاحمەتوۆ قاتىستى. ورتسايلاۋكوم باسشىسى كەزدەسۋگە قاتىسۋشىلاردى قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن وتكىزۋ جونىندەگى ورتالىق سايلاۋ كوميسسياسىنىڭ جۇمىسىمەن تانىستىردى.  «سايلاۋدى بايقاۋ جونىندەگى ءتۇرلى ۇيىمدارمەن جانە بىرلەستىكتەرمەن جان-جاقتى ىنتىماقتاستىق – ءبىزدىڭ تۇراقتى تاجىريبەمىز. حالىقارالىق جانە وتاندىق بايقاۋشىلاردىڭ سايلاۋ پروتسەسىنىڭ بارلىق كەزەڭدەرىنە باقىلاۋدى جۇزەگە اسىرۋعا قاتىسۋىن سايلاۋ ناۋقانىنىڭ جاريالى جانە اشىقتىق احۋالىن قامتاماسىز ەتۋگە جاردەمدەسۋ رەتىندە قاراستىرامىز. ازاماتتاردىڭ ەلەكتوراتتىق بەلسەن­دىلىگى مەن سايلاۋ ينستيتۋتىنا سەنىمىن ارت­تىرۋدىڭ باستى ءتاسىلى رەتىندە ترانسپارەنتتىك – تەك ورتالىق سايلاۋ كو­ميسسياسىنىڭ عانا ەمەس, سونداي-اق, سايلاۋ پروتسەسىنىڭ بارلىق سۋبەكتىلەرىنىڭ, جالپى قوعامنىڭ باستى مىندەتتەرىنىڭ ءبىرى», دەپ اتاپ ءوتتى ق.تۇرعانقۇلوۆ. سبرقك توراعاسى ورتسايلاۋكوم مۇشەلەرىمەن سايلاۋ پروتسەسىنىڭ بارلىق اسپەكتىلەرىندەگى ىنتى­ماقتاستىق تىعىز جانە كاسىبي بولاتىنىنا سەنىم ءبىلدىردى. «ءبىز سايلاۋ پروتسەسىنىڭ اشىقتىعى مەن سايلاۋ­شىلاردىڭ ەرىك ءبىلدىرۋ بوستاندىعىن, سونداي-اق, كانديداتتارعا باسەكەلى ورتا ءۇشىن تەڭ شارتتار مەن مۇمكىندىكتەردى قامتاماسىز ەتۋ بويىنشا كومەك كورسەتەمىز», دەدى ن.ەرىمبەتوۆ. «ءبىز ءۇشىن سبرقك ساراپشىلارىنىڭ سايلاۋ زاڭناماسىن بۇزۋشىلىقتاردى قورىتىندى ەسەپكە جيناماي, ءبىزدى زاڭ بۇزۋشىلىقتار تۋرالى تىكەلەي سايلاۋ ناۋقانى بارىسىندا جەدەل تۇردە اقپاراتتاندىرۋى ماڭىزدى, بۇل سايلاۋ ورگاندارىنا بۇزۋشىلىقتاردى ءتيىمدى جانە ۋاقتىلى جويۋعا جانە ۇقساس بۇزۋشىلىقتاردىڭ الدىن الۋعا مۇمكىندىك بەرەدى», دەپ اتاپ ءوتتى ق.تۇرعانقۇلوۆ. كەزدەسۋ سوڭىندا ورتسايلاۋكوم باسشىسى: «ءوز تاراپىمنان سايلاۋ ورگاندارى ترانسپارەنتتى جانە اشىق سايلاۋ وتكىزۋ ءۇشىن بار كۇشتەرىن سالاتىنىن تاعى دا اتاپ وتكىم كەلەدى», دەدى.