سايلاۋ بيۋللەتەنىنىڭ ءماتىنى بەكىتىلدى

ورتالىق سايلاۋ كوميس­سيا­سىنىڭ وتىرىسى ءوتتى. وندا «قازاق­ستان رەس­پۋب­ليكاسىنداعى ساي­لاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 12-, 24- جانە 37-باپتارىنا سايكەس, قا­زاقستان رەسپۋبليكاسى ورتالىق سايلاۋ كوميسسياسى 2015 جىلعى 26 ساۋىرگە تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىندا داۋىس بەرۋگە ارنالعان سايلاۋ بيۋللە­تەن­دەرىن ورتالىقتاندىرىپ دايىنداۋ تۋرالى شەشىم قابىلداپ, سايلاۋ بيۋللەتەنىنىڭ ءماتىنىن بەكىتتى. سايلاۋ بيۋللەتەندەرىنىڭ سا­نى, سايلاۋشىلار تىزىمدەرىنە ەنگىزىلگەن سايلاۋشىلاردىڭ جالپى سانىنىڭ 1 پايىزىن قوسا العاندا, 9 451 057 دانانى قۇرايدى. سايلاۋ بيۋللەتەندەرى وب­لىس­تىق, استانا جانە الماتى قالالىق سايلاۋ كوميسسيالارىنا ارنايى بايلانىسپەن 2015 جىلعى 20 ساۋىردەن كەشىكتىرمەي جەتكىزىلەدى. وب­لىستىق, استانا جانە الماتى قالالىق سايلاۋ كوميسسيالارى سايلاۋ بيۋللەتەندەرىن 2015 جىلعى 24 ساۋىردەن كەشىكتىرمەي ۋچاسكەلىك سايلاۋ كوميسسيالارىنا جەتكىزۋدى جانە بەرۋدى قامتاماسىز ەتۋلەرى قاجەت. «ەگەمەن-اقپارات».