الماتى. 18 تامىز. قالاداعى ناۋرىزباي اۋدانىنىڭ اۋماعىندا جاريالانعان توتەنشە جاعادايلار مەرزىمىنىڭ بىتكەنى تۋرالى حابارلاندى. الماتى قالاسىنىڭ اكىمى باۋىرجان بايبەك وقيعا بولعان ايماقتا وتكىزگەن كوشپەلى ءماجىلىس بارىسىندا وسىلاي دەپ مالىمدەدى. بۇل تۋرالى egemen.kz حابارلادى.
23 شىلدە كۇنىالماتىنى دۇرلىكتىرىپ سەل جۇرگەن قارعالى وزەنىنىڭ 13 شاقىرىمى تاسقىن تولتىرعان قوقىس پەن باتپاقتان تازالانىپ, 5 شاقىرىمداي وزەن ارناسى قايتادان, مىقتاپ نىعايتىلدى. كۇنى بۇگىنگە دەيىن اپاتتى ايماقتان 175855 تەكشە مەتر تاس ارالاسقان قويىرپاق-بالشىق قالا سىرتىنا شىعارىلدى.
«ءبىز بۇگىنگى قالىپتاسقان جاعدايدى ەسكەرە وتىرىپ, توتەنشە جاعدايلار مەرزىمىن توقتاتتىق. بۇدان ارى قاراي بارلىق مىندەتتى ادەتتەگىدەي كوممۋنالدى قىزمەتتىڭ موينىن جۇكتەيمىز. ەندىگى ماقساتىمىز – 1 قىركۇيەككە دەيىن اپاتتى سەل ءجۇرىپ وتكەن اۋماقتاعى 3 ورتا مەكتەپتە بالالاردى قابىلدايتىنداي دارەجەگە جەتكىزۋ», – دەدى الماتى قالاسىنىڭ اكىمى باۋىرجان بايبەك.
تالعات ءسۇيىنباي.
دەرەك, سۋرەت: egemen.kz.
