ەلباسى كومپوزيتور بازارباي جۇمانيازوۆتىڭ وتباسىنا كوڭىل ايتتى

استانا. 17 تامىز. پرەزيدەنت بەلگىلى كومپوزيتور, قازاقستاننىڭ حالىق ءارتىسى بازارباي جۇمانيازوۆتىڭ قايتىس بولۋىنا بايلانىستى ونىڭ تۋعان-تۋىستارى مەن جاقىندارىنا كوڭىل ايتۋ جەدەلحاتىن جولدادى. بۇل تۋرالى egemen.kz ءتىلشىسى حابارلادى. مەملەكەت باسشىسى اۋىر قايعىعا ورتاقتاسا وتىرىپ, كوڭىل ايتتى. قازاقستان پرەزيدەنتى قازاق ونەرىنىڭ كورنەكتى وكىلى ب. جۇمانيازوۆ وتاندىق كاسىبي مۋزىكا سالاسىنىڭ دامۋىنا زور ۇلەس قوسقانىن اتاپ ءوتتى. «ونىڭ اسقاق رۋحتى «ماحامبەت» وپەراسى, كوپتەگەن سيمفونيا-پوەمالارى, اسەم اندەرى مەن رومانستارى ۇلتتىق رۋحاني قازىنامىزدى بايىتىپ, مادەنيەتىمىزدىڭ التىن قورىنان لايىقتى ورىن الدى. ب.جۇمانيازوۆ تاۋەلسىز ەلىمىزدىڭ ونەرىن وركەندەتۋ جولىندا دا تالماي ەڭبەك ەتتى», – دەلىنگەن جەدەلحاتتا. نۇرسۇلتان نازارباەۆ دارا دارىن يەسىنىڭ ونەگەلى ءومىرى, جارقىن بەينەسى, بيىك تالعامنان تۋعان مۋزىكالىق تۋىندىلارى حالىق جۇرەگى مەن جادىندا ماڭگى قالاتىنىن اتاپ كورسەتتى. ايدار ورىسباەۆ. دەرەك, سۋرەت: akorda.kz.