قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى  №17

2015 جىلعى 17 اقپان, الماتى قالاسى قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق بانكىنىڭ قىزمەتشىلەرىن لاۋازىمعا تاعايىنداۋ جانە ولارمەن ەڭبەك شارتىن توقتاتۋ قاعيدالارىن بەكىتۋ تۋرالى» 2012 جىلعى 24 تامىزداعى № 261 قاۋلىسىنا وزگەرىستەر مەن تولىقتىرۋ ەنگىزۋ تۋرالى «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق بانكىنىڭ قىزمەتشىلەرىن لاۋازىمعا تاعايىنداۋ جانە ولارمەن ەڭبەك شارتىن توقتاتۋ قاعيدالارىن بەكىتۋ تۋرالى» 2012 جىلعى 24 تامىزداعى № 261 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7996 تىركەلگەن, 2012 جىلعى 6 جەلتوقساندا «ەگەمەن قازاقستان» گازەتىندە № 802-806 (27877) جاريالانعان) مىناداي وزگەرىستەر مەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسى ۇلتتىق بانكىنىڭ قىزمەتشىلەرىن لاۋازىمعا تاعايىنداۋ جانە ولارمەن ەڭبەك شارتىن توقتاتۋ قاعيدالارىندا: 3-تارماق مىناداي رەداكتسيادا جازىلسىن: «3. قاعيدالاردا مىناداي ۇعىمدار پايدالانىلادى: 1) اگەنتتىك – قازاقستان رەسپۋبليكاسىنىڭ قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى («قازاقستان رەسپۋبليكاسىنىڭ قارجى نارىعىن مەملەكەتتىك رەتتەۋ جۇيەسىن ءارى قاراي جەتىلدىرۋ تۋرالى» قازاقستان رەسپۋبليكاسى پرەزيدەنتىنىڭ 2011 جىلعى 12 ساۋىردەگى № 25 جارلىعىمەن تاراتىلدى); 2) ۆەدومستۆولار – قازاقستان رەسپۋبليكاسى ۇلتتىق بانكىنىڭ الماتى قالاسىنداعى وڭىرلىك قارجى ورتالىعىن دامىتۋ كوميتەتى («قازاقستان رەسپۋبليكاسى ۇلتتىق بانكىنىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2012 جىلعى 29 جەلتوقسانداعى № 458 جارلىعىمەن تاراتىلدى), قازاقستان رەسپۋبليكاسى ۇلتتىق بانكىنىڭ قارجى نارىعىن جانە قارجى ۇيىمدارىن باقىلاۋ مەن قاداعالاۋ كوميتەتى («قازاقستان رەسپۋبليكاسى ۇلتتىق بانكىنىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2014 جىلعى 30 قاڭتارداعى № 744 جارلىعىمەن تاراتىلدى), قازاقستان رەسپۋبليكاسى ۇلتتىق بانكىنىڭ قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ كوميتەتى («قازاقستان رەسپۋبليكاسى ۇلتتىق بانكىنىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2014 جىلعى 30 قاڭتارداعى № 744 جارلىعىمەن تاراتىلدى); 3) كادر قىزمەتى – ۇلتتىق بانكتىڭ كادرمەن قامتاماسىز ەتۋ بولىمشەسى (فيليالداردا – قىزمەتكەرلەرمەن جۇمىس جۇرگىزۋ جونىندەگى مامان); 4) كادر رەزەرۆى – كونكۋرستان ويداعىداي وتكەن جانە ۇلتتىق بانكتىڭ كادر رەزەرۆىنە ەسەپتەۋ ءۇشىن كونكۋرستىق كوميسسيا ۇسىنعان ادامداردىڭ ءتىزىمى; 5) كونكۋرس – ۇلتتىق بانك قىزمەتشىسىنىڭ بوس لاۋازىمىنا ورنالاسۋ ءۇشىن جۇرگىزىلەتىن راسىمدەر; 6) كونكۋرسقا قاتىسۋشىلار – كونكۋرس تۋرالى حابارلاندىرۋ جاريالانعاننان كەيىن ۇلتتىق بانككە قۇجاتتارىن تاپسىرعان ادامدار; 7) كونكۋرستىق كوميسسيا – ۇلتتىق بانكتىڭ القالى ورگانى, ول كونكۋرسقا قاتىسۋشىلار تاپسىرعان قۇجاتتاردى قارايدى, كانديداتتارمەن اڭگىمەلەسۋ جۇرگىزەدى جانە ۇلتتىق بانك قىزمەتشىسىنىڭ بوس لاۋازىمىنا ورنالاسۋعا كانديداتتاردى تۇپكىلىكتى ىرىكتەۋدى جۇزەگە اسىرادى; 8) قۇجاتتار – كونكۋرسقا قاتىسۋعا نيەت بىلدىرگەن ادامداردىڭ كادر قىزمەتىنە ۇسىناتىن قۇجاتتارى; 9) مۇددەلى بولىمشە – ۇلتتىق بانك قىزمەتشىسىنىڭ بوس لاۋازىمى بار بولىمشە; 10) تالاپتار – ۇلتتىق بانك قىزمەتشىسىنىڭ لاۋازىمىنا ورنالاسۋعا ۇمىتكەر ادامدارعا ولاردىڭ كاسىبي دايىندىق دەڭگەيىن, قۇزىرەتتىلىگىن جانە ۇلتتىق بانك قىزمەتشىسىنىڭ بوس لاۋازىمىنا سايكەستىگىن ايقىنداۋ ماقساتىندا قاعيدالاردىڭ 1-قوسىمشاسىنا سايكەس تالاپتار; 11) ۇلتتىق بانك – ۇلتتىق بانكتىڭ ورتالىق اپپاراتى, فيليالدارى جانە وكىلدىگى; 12) ۇلتتىق بانكتىڭ قىزمەتكەرلەرى – ساياسي مەملەكەتتىك قىزمەتشىلەردى قوسپاعاندا, ۇلتتىق بانكتە قىزمەت اتقارىپ جۇرگەن, ەڭبەكاقىسى ۇلتتىق بانك بيۋدجەتىنىڭ (شىعىستار سمەتاسىنىڭ) قاراجاتى ەسەبىنەن تولەنەتىن ادامدار; 13) ۇلتتىق بانكتىڭ قىزمەتشىلەرى – مەملەكەتتىك قىزمەتشىلەر بولىپ تابىلمايتىن, ۇلتتىق بانكتە ۇلتتىق بانكتىڭ مىندەتتەرى مەن فۋنكتسيالارىن ىسكە اسىرۋعا باعىتتالعان لاۋازىمدىق وكىلەتتىكتەردى جۇزەگە اسىراتىن ادامدار; 14) ۇلتتىق بانك قىزمەتشىسىنىڭ بوس لاۋازىمىنا ورنالاسۋعا كانديداتتار (بۇدان ءارى – كانديداتتار) – كونكۋرستىق كوميسسيانىڭ شەشىمى نەگىزىندە سىناققا جانە اڭگىمەلەسۋگە جىبەرىلگەن كونكۋرسقا قاتىسۋشىلار; 15) فيليالدار – ۇلتتىق بانكتىڭ فيليالدارى.»; 7-تارماق مىناداي رەداكتسيادا جازىلسىن: «7. ۇلتتىق بانك قىزمەتشىسىنىڭ لاۋازىمىنا كونكۋرستان تىس مىنالار ورنالاسادى: 1) ۇلتتىق بانك قىزمەتشىسىنىڭ بوس لاۋازىمىنا اۋىسۋ ارقىلى تالاپتارعا سايكەس كەلەتىن ۇلتتىق بانك قىزمەتكەرلەرى; 2) كادر رەزەرۆىندە تۇرعان ادامدار; 3) جوعارى بىلىكتىلىك دەڭگەيى جانە كاسىبي دايىندىعى بار ادامدار: شەت ءتىلىن بىلەتىن (IELTS حالىقارالىق سەرتيفيكاتىنىڭ بولۋى – 6.5 تومەن ەمەس, TOEFL IBT – 120-دان 80, TCF 699-دان 400 (ۆ2), سILS 1, HSK 11-دەن 6-دەڭگەي); جانە (نەمەسە) عىلىمي دارەجەسى بار; جانە (نەمەسە) شەتەلدىك جوعارى وقۋ ورىندارىندا وقۋدى اياقتاعان; جانە (نەمەسە) حالىقارالىق بۋحگالتەرلىك نەمەسە قارجىلىق سەرتيفيكاتتارى بار; جانە (نەمەسە) ۇلتتىق باسقارۋشى حولدينگتە, ۇلتتىق باسقارۋشى حولدينگتىڭ ەنشىلەس ۇيىمدارىندا, دامۋ ينستيتۋتتارىندا ۇلتتىق بانك قىزمەتشىسىنىڭ بوس لاۋازىمىنىڭ فۋنكتسيونالدىق باعىتتارىنا سايكەس كەلەتىن سالالاردا كەمىندە ەكى جىل جۇمىس تاجىريبەسى بار; جانە (نەمەسە) مەملەكەتتىك ورگانداردا باسشى لاۋازىمداردا كەمىندە ءبىر جىل جۇمىس تاجىريبەسى بار; 4) ۇلتتىق بانكتە جانە ونىڭ ۆەدومستۆولارىندا نەمەسە اگەنتتىكتە كەمىندە ەكى جىل جۇمىس تاجىريبەسى بار ۇلتتىق بانكتىڭ جانە ونىڭ ۆەدومستۆولارىنىڭ نەمەسە اگەنتتىكتىڭ بۇرىنعى قىزمەتكەرلەرى (ەڭبەك شارتى تەرىس جاعدايلار بويىنشا بۇزىلعان ادامداردى قوسپاعاندا); 5) ۇلتتىق بانك ماگيستراتۋراسىنىڭ تۇلەكتەرى, ديپلومدى العان كۇننەن باستاپ جارتى جىل ىشىندە.»; 9-تارماقتىڭ 3) جانە 4) تارماقشالارى مىناداي رەداكتسيادا جازىلسىن: «3) كونكۋرسقا قاتىسۋشىلاردىڭ قۇجاتتارىن قابىلداۋ جانە تالاپتارعا سايكەستىگىن قاراۋ; 4) كانديداتتاردى سىناقتان وتكىزۋ;»; 16-تارماقتا: 2) تارماقشا مىناداي رەداكتسيادا جازىلسىن: «2) قاعيدالاردىڭ 2-قوسىمشاسىنا سايكەس نىسان بويىنشا ءوتىنىش. كونكۋرسقا قاتىسۋشى ۇلتتىق بانك قىزمەتشىسىنىڭ ۇشتەن اسپايتىن بوس لاۋازىمىنا ءوتىنىش بەرۋگە قۇقىلى;»; 5) تارماقشا مىناداي رەداكتسيادا جازىلسىن: «5) نوتاريات كۋالاندىرعان نەمەسە جۇمىس ورنى بويىنشا كادر قىزمەتى راستاعان, ەڭبەك قىزمەتىن راستايتىن قۇجاتتىڭ كوشىرمەسى;»; 20, 21, 22, 23 جانە 24-تارماقتار مىناداي رەداكتسيادا جازىلسىن: «20. كونكۋرسقا قاتىسۋشىلاردىڭ قۇجاتتارىن كونكۋرستىق كوميسسيا قۇجاتتاردى قابىلداۋ اياقتالعاننان كەيىن 5 (بەس) جۇمىس كۇنى ىشىندە قارايدى. 21. كونكۋرستىق كوميسسيا كونكۋرسقا قاتىسۋشىلاردى سىناققا جىبەرۋ تۋرالى شەشىمدى كونكۋرسقا قاتىسۋشىلاردىڭ قۇجاتتارىن قاراۋ اياقتالعان كۇننەن باستاپ 5 (بەس) جۇمىس كۇنى ىشىندە قابىلدايدى, ول كونكۋرستىق كوميسسيا توراعاسى, مۇشەلەرى جانە حاتشىسى قول قوياتىن حاتتاما تۇرىندە رەسىمدەلەدى. سىناققا جىبەرىلگەن كانديداتتاردىڭ تىزىمدەرى ۇلتتىق بانكتىڭ اقپاراتتىق ستەندىندە كوپشىلىككە كورىنەتىندەي قولجەتىمدى جەردە ورنالاستىرىلادى. 22. سىناقتىڭ ماقساتى كانديداتتاردىڭ قازاقستان رەسپۋبليكاسىنىڭ زاڭناماسىن, قازاقستان رەسپۋبليكاسىنىڭ ناقتى لاۋازىمنىڭ ماماندىعىنا سايكەس كەلەتىن سالالارداعى قاتىناستاردى رەتتەيتىن نورماتيۆتىك قۇقىقتىق اكتىلەرىن ءبىلۋىن باعالاۋ بولىپ تابىلادى. كانديداتتار سىناققا جىبەرۋ تۋرالى شەشىم قابىلدانعان كۇننەن باستاپ 5 (بەس) جۇمىس كۇنى ىشىندە سىناقتان وتەدى. 23. سىناقتان وتكەن كەزدە شەكتى ماندەرگە تەڭ نەمەسە ودان جوعارى باعا العان كانديداتتار اڭگىمەلەسۋگە جىبەرىلەدى. 24. كانديداتتاردى اڭگىمەلەسۋگە جىبەرۋ تۋرالى شەشىم حاتتاما تۇرىندە رەسىمدەلەدى جانە وعان كونكۋرستىق كوميسسيا توراعاسى, مۇشەلەرى جانە حاتشىسى قول قويادى. اڭگىمەلەسۋگە جىبەرىلگەن كانديداتتاردىڭ تىزىمدەرى ۇلتتىق بانكتىڭ اقپاراتتىق ستەندىندە كوپشىلىككە كورىنەتىندەي قولجەتىمدى جەردە ورنالاستىرىلادى.»; 26-تارماق مىناداي رەداكتسيادا جازىلسىن: «26. اڭگىمەلەسۋگە جىبەرىلگەن كانديداتتار ودان سىناق اياقتالعان كۇننەن باستاپ 10 (ون) جۇمىس كۇنى ىشىندە وتەدى. كانديداتتارعا اڭگىمەلەسۋ ۋاقىتى, كۇنى جانە وتكىزىلەتىن ورنى تۋرالى كادر قىزمەتى ەلەكتروندىق پوچتا جانە (نەمەسە) تەلەفون بايلانىسىنىڭ قۇرالدارى ارقىلى حابارلايدى.»; 31-تارماق مىناداي رەداكتسيادا جازىلسىن: «31. كونكۋرستىق كوميسسيا قورىتىندى وتىرىسىندا كانديداتتاردى ۇسىنىلعان قۇجاتتار, سىناق, اڭگىمەلەسۋ ناتيجەلەرى نەگىزىندە باعالايدى جانە ولاردىڭ اراسىنان ۇلتتىق بانك قىزمەتشىسىنىڭ بوس لاۋازىمىنا ورنالاسۋ ءۇشىن ىرىكتەۋدى جۇزەگە اسىرادى.»; 39, 40, 41, 42 جانە 43-تارماقتار الىنىپ تاستالسىن; مىناداي مازمۇنداعى 3-1-تاراۋمەن تولىقتىرىلسىن: «3-1. كادر رەزەرۆىن قالىپتاستىرۋ 38-1. كونكۋرستىق كوميسسيا شەشىمىنىڭ نەگىزىندە اڭگىمەلەسۋدەن ءساتتى وتكەن كانديداتتار ء(اربىر بوس لاۋازىم ءۇشىن ءبىر كانديداتتان كوپ ەمەس) كادر رەزەرۆىنە ەسەپتەلەدى. 38-2. كادر رەزەرۆىنە ەسەپتەلگەن كانديداتتاردىڭ تىزىمدەرى كونكۋرستىق كوميسسيانىڭ قورىتىندى وتىرىسىنىڭ حاتتاماسىندا كورسەتىلەدى. 38-3. كادر رەزەرۆىنە ەسەپتەلگەن كانديداتتار كونكۋرستىق راسىمدەردەن قايتادان وتپەستەن ءبىر جىل ىشىندە ماڭىزى بىردەي نەمەسە ودان تومەن لاۋازىمعا تاعايىندالا الادى. 38-4. كانديداتتاردى كادر رەزەرۆىنەن شىعارۋ مىناداي جاعدايلاردا: 1) كادر رەزەرۆىنە ەسەپتەلگەن كانديدات كادر رەزەرۆىنەن شىعارۋ تۋرالى ءوتىنىش بەرگەن جاعدايدا; 2) كادر رەزەرۆىنە ەسەپتەلگەن كانديدات ۇلتتىق بانك قىزمەتشىسىنىڭ بوس لاۋازىمىنا ورنالاسقان جاعدايدا; 3) قاعيدالاردىڭ 38-3-تارماعىندا كورسەتىلگەن مەرزىم اياقتالعان جاعدايدا جۇزەگە اسىرىلادى. 38-5. ۇلتتىق بانكتىڭ كادر رەزەرۆىن قالىپتاستىرۋ جانە ودان شىعارۋ جۇمىسى كادر قىزمەتىنە جۇكتەلەدى.». 2. كادرمەن قامتاماسىز ەتۋ دەپارتامەنتى (جانتاەۆا ا.ج.) زاڭنامادا بەلگىلەنگەن تارتىپپەن: 1) قۇقىقتىق قامتاماسىز ەتۋ دەپارتامەنتىمەن (دوسمۇحامبەتوۆ ن.م.) بىرلەسىپ وسى قاۋلىنى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى قاۋلىنى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 3. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە بۇقارالىق اقپارات قۇرالدارىندا رەسمي جاريالاۋعا جىبەرۋدى قامتاماسىز ەتسىن. 4. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى ن.ج. قۇسايىنوۆقا جۇكتەلسىن. 5. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ۇلتتىق بانك توراعاسى ق.كەلىمبەتوۆ. قاۋلى قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 16 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10437 بولىپ ەنگىزىلدى.