مەملەكەتتىك قىزمەتشىلەر ەمەس, كاسىبي سپورتشىلار بولىپ شىقتى

جاقىندا تاراز قالاسىندا مەملەكەتتىك قىزمەتشىلەر اراسىندا وبلىستىق سپارتاكيا­دا دۇركىرەپ وتكەن بولاتىن. وسى باسەكەدە ت.رىسقۇلوۆ اۋدانىنان كەلگەن كوماندا ەرەكشە ويىن ورنەگىمەن كوزگە ءتۇسىپ, جانكۇيەرلەردىڭ ىستىق ىقىلاسىنا بولەنگەن ەدى. «شىركىن, قۇلان ءوڭىرىنىڭ جىگىتتەرىن قاراشى, قىزمەتتە دە, سپورتتا دا جۇيرىك ەكەن» دەستى جۇرت. «باقساق باقا ەكەن» دەمەكشى, سپارتاكيادادا ونەر كورسەتكەندەر مەملەكەتتىك قىزمەتشى ەمەس, كاسىبي سپورتشىلار بولىپ شىقتى. سپارتاكيادانىڭ قورىتىندى ەسەبىنە سايكەس, ت.رىسقۇلوۆ اۋدانىنان قاتىسقان سپورت­شىلاردىڭ اراسىنان مەملەكەتتىك قىزمەتشى ەمەستىگى انىقتالىپ, بىرقاتار ازاماتتار جارىستان شەتتەتىلگەن. مىسالى, ۇيىمداستىرۋشىلار جارىس كەزىندە مەملەكەتتىك قىزمەتشى بولىپ تابىلمايتىن ازاماتشا س.سكرەبەتستى «قا­راقىستاق», ازاماتشا ن.دزيۋ­بينانى «نو­ۆوسەل» اۋىلدىق وكرۋگتەرى اپپا­رات­تارىنىڭ ماماندارى رەتىندە قاتىسقاندىعىن, ولاردىڭ قولىندا «قىزمەتتىك كۋالىكتىڭ» بولعاندىعىن انىق­تاعان. ورالحان ءداۋىت, «ەگەمەن قازاقستان». جامبىل وبلىسى.