قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى  №255 

2014 جىلعى 24 جەلتوقسان, الماتى قالاسى قازاقستان رەسپۋبليكاسىنىڭ كەيبىر نورماتيۆتىك-قۇقىقتىق اكتىلەرىنە بۋحگالتەرلىك ەسەپ جۇرگىزۋ, اۋديتورلىق ەسەپتى جاساۋ جانە ۇسىنۋ مەرزىمى, قارجىلىق ەسەپتىلىكتى جاريالاۋ ماسەلەلەرى بويىنشا وزگەرىستەر ەنگىزۋ تۋرالى «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسىنىڭ نورماتيۆتىك-قۇقىقتىق اكتىلەرىن جەتىلدىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قوسا بەرىلىپ وتىرعان بۋحگالتەرلىك ەسەپ جۇرگىزۋ, اۋديتورلىق ەسەپتى جاساۋ جانە ۇسىنۋ مەرزىمى, قارجىلىق ەسەپتىلىكتى جاريالاۋ ماسەلەلەرى بويىنشا وزگەرىستەر ەنگىزىلەتىن قازاقستان رەسپۋبليكاسىنىڭ نورماتيۆتىك-قۇقىقتىق اكتىلەرىنىڭ تىزبەسى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ۇلتتىق بانك توراعاسى ق.كەلىمبەتوۆ. قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 24 جەلتوقسانداعى № 255 قاۋلىسىمەن بەكىتىلگەن بۋحگالتەرلىك ەسەپ جۇرگىزۋ, اۋديتورلىق ەسەپتى جاساۋ جانە ۇسىنۋ مەرزىمى, قارجىلىق ەسەپتىلىكتى جاريالاۋ ماسەلەلەرى بويىنشا وزگەرىستەر ەنگىزىلەتىن قازاقستان رەسپۋبليكاسىنىڭ نورماتيۆتىك-قۇقىقتىق اكتىلەرىنىڭ تىزبەسى 1. قازاقستان رەسپۋبليكاسى ۇلتتىق بانكى باسقارماسىنىڭ «قازاقستان رەسپۋبليكاسى قارجى نارىعىنىڭ جەكەلەگەن سۋبەكتىلەرىنە ارنالعان بۋحگالتەرلىك ەسەپتىڭ ۇلگى شوت جوسپارىن بەكىتۋ تۋرالى» 2008 جىلعى 22 قىركۇيەكتەگى №79 قاۋلىسىنا (نورماتيۆتىك-قۇقىقتىق اكتىلەردى مەملەكەتتىك تىركەۋ تىزىلىمىندە №5348 تىركەلگەن, 2008 جىلعى 12 جەلتوقساندا قازاقستان رەسپۋبليكاسىنىڭ ورتالىق اتقارۋشى جانە وزگە دە ورتالىق مەملەكەتتىك ورگاندارىنىڭ اكتىلەرى جيناعىندا №12 جاريالانعان) مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسى قارجى نارىعىنىڭ جەكەلەگەن سۋبەكتىلەرىنە ارنالعان بۋحگالتەرلىك ەسەپتىڭ ۇلگى شوت جوسپارىندا: 2-تاراۋدا: 3-پاراگرافتا: 3020-شوتتىڭ اتى مىناداي رەداكتسيادا جازىلسىن: «3020 قازاقستان رەسپۋبليكاسى ۇلتتىق بانكىنىڭ ليتسەنزياسىنسىز بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردان الىنعان قىسقا مەرزىمدى زاەمدار»; 4-پاراگرافتا: 4020-شوتتىڭ اتى مىناداي رەداكتسيادا جازىلسىن: «4020 قازاقستان رەسپۋبليكاسى ۇلتتىق بانكىنىڭ ليتسەنزياسىنسىز بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردان الىنعان ۇزاق مەرزىمدى زاەمدار»; 3-تاراۋدىڭ 1-پاراگرافىندا: 3020-شوتتىڭ اتى مەن سيپاتتاماسى مىناداي رەداكتسيادا جازىلسىن: «3020 «قازاقستان رەسپۋبليكاسى ۇلتتىق بانكىنىڭ ليتسەنزياسىنسىز بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردان الىنعان قىسقا مەرزىمدى زاەمدار» (پاسسيۆ). ماقساتى: قازاقستان رەسپۋبليكاسى ۇلتتىق بانكىنىڭ ليتسەنزياسىنسىز بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردان الىنعان وتەۋ مەرزىمى ءبىر جىلعا دەيىنگى زاەمداردىڭ سومالارىن ەسەپكە الۋ. شوتتىڭ كرەديتى بويىنشا قازاقستان رەسپۋبليكاسى ۇلتتىق بانكىنىڭ ليتسەنزياسىنسىز بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمنان الىنعان قىسقا مەرزىمدى زاەمدار سوماسى جازىلادى. شوتتىڭ دەبەتى بويىنشا ۇيىم الىنعان قىسقا مەرزىمدى زاەمداردى وتەگەن كەزدە ولاردىڭ سومالارىن ەسەپتەن شىعارۋ جۇرگىزىلەدى.»; 4020-شوتتىڭ اتى مەن سيپاتتاماسى مىناداي رەداكتسيادا جازىلسىن: «4020 «قازاقستان رەسپۋبليكاسى ۇلتتىق بانكىنىڭ ليتسەنزياسىنسىز بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردان الىنعان ۇزاق مەرزىمدى زاەمدار» (پاسسيۆ). ماقساتى: قازاقستان رەسپۋبليكاسى ۇلتتىق بانكىنىڭ ليتسەنزياسىنسىز بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردان الىنعان وتەۋ مەرزىمى ءبىر جىلدان كوپ زاەمداردىڭ سومالارىن ەسەپكە الۋ. شوتتىڭ كرەديتى بويىنشا قازاقستان رەسپۋبليكاسى ۇلتتىق بانكىنىڭ ليتسەنزياسىنسىز بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمنان الىنعان ۇزاق مەرزىمدى زاەمداردىڭ سوماسى جازىلادى. شوتتىڭ دەبەتى بويىنشا ۇيىم الىنعان ۇزاق مەرزىمدى زاەمداردى وتەگەن كەزدە ولاردىڭ سومالارىن ەسەپتەن شىعارۋ جۇرگىزىلەدى.». 2. قازاقستان رەسپۋبليكاسى ۇلتتىق بانكى باسقارماسىنىڭ «قارجى ۇيىمدارىنىڭ اۋديتورلىق ەسەبىن جاساۋ جانە ونى قازاقستان رەسپۋبليكاسىنىڭ ۇلتتىق بانكىنە ۇسىنۋ مەرزىمى تۋرالى» 2012 جىلعى 27 شىلدەدەگى № 223 قاۋلىسىنا (نورماتيۆتىك-قۇقىقتىق اكتىلەردى مەملەكەتتىك تىركەۋ تىزىلىمىندە № 7903 تىركەلگەن, 2012 جىلعى 10 قازاندا «ەگەمەن قازاقستان» گازەتىندە № 659-664 (27736) جاريالانعان) مىناداي وزگەرىس ەنگىزىلسىن: 1-تارماق مىناداي رەداكتسيادا جازىلسىن: «1. اۋديتورلىق ۇيىمدار قارجى ۇيىمدارىنىڭ جانە «قازاقستاننىڭ دامۋ بانكى» اكتسيونەرلىك قوعامىنىڭ قارجىلىق ەسەپتىلىگى بويىنشا اۋديتورلىق ەسەپتى جاسايدى جانە ونى ەسەپتى جىلدان كەيىنگى جىلعى 30 ساۋىرگە دەيىنگى مەرزىمدە قازاقستان رەسپۋبليكاسىنىڭ ۇلتتىق بانكىنە ۇسىنادى.». 3. قازاقستان رەسپۋبليكاسى ۇلتتىق بانكى باسقارماسىنىڭ «اكتسيونەرلىك قوعامداردىڭ جانە قارجى ۇيىمدارىنىڭ قارجىلىق ەسەپتىلىكتى جاريالاۋ قاعيدالارىن بەكىتۋ تۋرالى» 2012 جىلعى 31 تامىزداعى №282 قاۋلىسىنا (نورماتيۆتىك-قۇقىقتىق اكتىلەردى مەملەكەتتىك تىركەۋ تىزىلىمىندە №8003 تىركەلگەن, 2013 جىلعى 12 قاڭتاردا «ەگەمەن قازاقستان» گازەتىندە №16-20 (27959) جاريالانعان) مىناداي وزگەرىس ەنگىزىلسىن: كورسەتىلگەن قاۋلىمەن بەكىتىلگەن اكتسيونەرلىك قوعامداردىڭ جانە قارجى ۇيىمدارىنىڭ قارجىلىق ەسەپتىلىكتى جاريالاۋ قاعيدالارىندا: 4-تارماق مىناداي رەداكتسيادا جازىلسىن: «4. قارجى ۇيىمدارى جانە «قازاقستاننىڭ دامۋ بانكى» اكتسيونەرلىك قوعامى قارجىلىق ەسەپتىلىكتى جاريالاعاننان كەيىن كۇنتىزبەلىك ون كۇننەن كەشىكتىرمەيتىن مەرزىمدە قازاقستان رەسپۋبليكاسىنىڭ ۇلتتىق بانكىنە قاعيدالاردىڭ ورىندالۋى جونىندەگى مالىمەتتەردى ۇسىنادى.». قاۋلى قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 10 اقپاندا نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10208 بولىپ ەنگىزىلدى.