اقتوبەلىكتەر ەل كۋبوگىن يەمدەندى

اقتوبە. 27 اقپان. توعىزقۇمالاقتان الماتىدا وتكەن ەل كۋبوگى ءۇشىن جارىستا اقتوبەلىكتەر توپ جاردى. بۇل تۋرالى egemen.kz ءتىلشىسى حابارلادى. جارىسقا ەلىمىزدىڭ ون وبلىسىمەن قاتار استانا جانە الماتى قالالارىنىڭ كوماندالارى قاتىستى. اقتوبە وبلىسى العاشقى تۋردان-اق كوش باستادى. 6-7 تۋردان كەيىن قۇرامىندا تاجىريبەلى ويىنشىلارى بار قىزىلوردا مەن وڭتۇستىك قازاقستان وبلىستارى كوماندالىق ەسەپتەگى ۇپايدى تەڭەستىرۋگە تىرىستى. «نەگىزى جارىس سوڭىندا قىزىلوردالىقتار ۇپاي سانى بويىنشا بىزدەرمەن تەڭ ناتيجە كورسەتتى. بىراق ءبىزدىڭ كوماندانىڭ كوەففيتسيەنتى جوعارى بولىپ, جەڭىمپاز اتاندىق», دەيدى توعىزقۇمالاقتان وبلىستىق كوماندانىڭ اعا جاتتىقتىرۋشىسى قابيدوللا نۇرشين. اقتوبە وبلىسىنىڭ قازاقستان كۋبوگىن جەڭىپ الۋىنا نۇربەك قابيەۆ, مەدەت حۇسايىنوۆ, امانبەك وندىرباەۆ, ديانا كەنينا, الماگۇل تاكيشەۆا, گۇلجانات الدابەرگەنوۆا جانە اۋىسىمدا ويناعان ارسەن ەسەتوۆ پەن ءمولدىر سەيىتقازى زور ۇلەس قوستى. ايتا كەتەر جايت, كەيىنگى جىلدارى وبلىستا ۇلتتىق سپورتىمىز قارقىندى دامىپ كەلەدى. اسىرەسە, توعىزقۇمالاققا قىزىعۋشىلاردىڭ قاتارى كوبەيۋدە. سونىڭ ناتيجەسىندە, وبلىستىق توعىزقۇمالاقشىلار ءارتۇرلى دەڭگەيدەگى رەسپۋبليكالىق جانە حالىقارالىق جارىستاردان ولجالى ورالىپ ءجۇر. ساتىبالدى ساۋىرباي. دەرەك: egemen.kz. سۋرەت: sk-sport.kz.