قازالىدا وقۋشىلاردىڭ جازعى دەمالىسى تالقىلاندى

استانا. 27 اقپان. قىزىلوردا وبلىسى قازالى اۋدانىندا مەكتەپ وقۋشىلارىنىڭ جازعى دەمالىسىن ۇيىمداستىرۋ تۋرالى الەۋمەتتىك جانە مادەني ماسەلەلەر جونىندەگى تۇراقتى كوميسسيانىڭ وتىرىسى بولىپ ءوتتى. بۇل تۋرالى egemen.kz حابارلادى. باسقوسۋعا ءبىلىم جانە عىلىم قىزمەتكەرلەرى كاسىپوداعى وبلىستىق كوميتەتىنىڭ ءتورايىمى رايكۇل باينازاروۆا, وبلىستىق ءماسليحات حاتشىسى اقمارال ءالنازاروۆا, وبلىستىق ءبىلىم باسقارماسىنىڭ باسشىسى باقىتجان سايلىباەۆ, وبلىستىق جانە اۋداندىق ءماسليحات دەپۋتاتتارى, مەكەمە جانە دەربەس ءبولىم باسشىلارى, قالا, كەنت, اۋىلدىق وكرۋگ اكىمدەرى, سونداي-اق, ۇكىمەتتىك ەمەس ۇيىمداردىڭ جەتەكشىلەرى قاتىستى. كوتەرىلگەن ماسەلە جونىندە بايانداما جاساعان اۋدان اكىمىنىڭ مىندەتىن اتقارۋشى سۇلتان ماقاشوۆ وتكەن جىلى اۋدان بويىنشا 1-10 سىنىپ ارالىعىنداعى 13 220 وقۋشىنىڭ 3 729-ى, ياعني, 28,3 پايىزى جازعى دەمالىسپەن جانە 9 387 بالا (71%) جۇمىسپەن قامتىلعاندىعىن جەتكىزدى. ناقتى ايتساق, اۋلا كلۋبتارىندا 2 710 بالا, كوركەيتۋ, كوگالداندىرۋ جانە قۇرىلىس جاساقتارىنا 3 966 بالا, اتا-اناسىمەن ساياحاتقا 2 711 بالا, بارلىعى 9 387 بالا تارتىلعان. جالپى, اۋداندا مەكتەپ وقۋشىلارىنىڭ دەمالىسىن قامتاماسىز ەتۋ ماقساتىندا «شاعالا» بالالاردى ساۋىقتىرۋ ورتالىعى جۇمىس ىستەيدى. وتكەن جىلى ورتالىقتا 560 بالا, مەكتەپ جانىنداعى كۇندىزگى تىنىعۋ لاگەرلەرىندە 2 535 بالا جازعى دەمالىسپەن قامتىلعان. سونداي-اق, دەمالىس ورتالىعىندا ءار اۋىسىمدا مەديتسينالىق باقىلاۋ جۇمىستارى جۇرگىزىلىپ تۇرادى. وسى جىلى اۋدان بويىنشا 1-10 سىنىپ ارالىعىنداعى 13286 وقۋشىنىڭ 30 پايىزىن (3965 بالا) جازعى دەمالىسپەن, قالعانىن (9252 بالا) جۇمىسپەن قامتۋ جوسپارلانۋدا. ودان بولەك, جىلداعى ءداستۇر بويىنشا 560 بالاعا لاگەردە دەمالۋعا جولداما بەرۋ كوزدەلۋدە. وندا تۇراقتى تۇردە 13 ۇيىرمە جۇمىس جاسايتىن بولادى. سونداي-اق, بيىلعى جىلدان باستاپ «شاعالا» لاگەرىندە بالالاردى ۇلتتىق قۇندىلىقتار ارقىلى تاربيەلەۋ قولعا الىنباق. سول ماقساتتا كيىز ءۇي تىگىلىپ, ۇلتتىق ويىندار ۇيىرمەسىن اشۋ جوسپارلانۋدا. جازدا بالالاردىڭ بوس ۋاقىتىن ءتيىمدى پايدالانۋ ماقساتىندا اۋداندا 30 امبەباپ جاساندى جاسىل الاڭ, 2 ستاديون, 2 سپورت كەشەنى جۇمىس ىستەيدى. وندا 27 سپورت نۇسقاۋشىسى سپورتتىق شارالاردى ۇيىمداستىرادى. ەلامان قوڭىر. دەرەك, سۋرەت: egemen.kz.