استانا. 27 اقپان. قىزىلوردا وبلىسى قازالى قالاسىندا قازاقستان حالقى اسسامبلەياسىنىڭ 20 جىلدىعىنا وراي «تاتۋلىق, دوستىق – بىرلىكتە» اتتى وزگە ۇلت وكىلدەرىمەن كەزدەسۋ ءوتتى. بۇل تۋرالى egemen.kz ءتىلشىسى حابارلادى.
قازالى مۋزەيىنىڭ ءماجىلىس زالىندا وتكەن شاراعا جەرگىلىكتى اكىمشىلىك قىزمەتكەرلەرىمەن قاتار قالادا تۇراتىن ورىس, وزبەك, تاتار, نەمىس, بەلارۋس جانە كورەي ۇلتىنىڭ وكىلدەرى قاتىستى. جيىن بارىسىندا قوناقتار اسسامبلەيانىڭ وڭ جۇمىسىن تىلگە تيەك ەتىپ, ءوز پىكىرلەرىن ورتاعا سالدى. شارا سوڭىندا مۇراجايدى ارالاعان قوناقتار ءارتۇرلى ۇلت وكىلدەرىنىڭ مادەنيەتىمەن تانىستى.
سونىمەن قاتار, قازاقستان حالقى اسسامبلەياسىنىڭ 20 جىلدىعىنا بايلانىستى مۇراجاي قورىندا ساقتالعان وزگە ۇلت وكىلدەرىنىڭ مادەنيەتىن دارىپتەيتىن تۇرمىستىق بۇيىمداردىڭ جانە ارنايى تىگىلگەن ۇلتتىق كيىمدەردىڭ كورمەسى ۇيىمداستىرىلدى.
ەلامان قوڭىر.
دەرەك, سۋرەت: egemen.kz.
