جامبىل وبلىسىندا الاياقتىق بەلەڭ الىپ تۇر

تاراز. 27 اقپان. سوڭعى كەزدەرى جامبىل وبلىسىندا الاياقتىق بەلەڭ الۋدا. 24-25 اقپانىندا وبلىستا 12 الاياقتىق دەرەگى تىركەلىپ, ونىڭ 11-ءى اشكەرەلەندى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى. تاراز قالالىق ىشكى ىستەر بولىمىنە 1990 جىلى تۋعان ح. ەسىمدى ازاماتتىڭ ارىزى تۇسكەن. وندا ول – الدەكىم 2014 جىلدىڭ قاراشا ايىندا قۇنى 200 360 تەڭگە شاماسىنداعى «سامسۋنگ» ۇيالى تەلەفونىن جانە «سامسۋنگ ەۆ-نح 1100» فوتواپپاراتىن سەنىمگە كىرۋ ارقىلى الاياقتىق جولمەن يەلەنىپ كەتكەنىن جازعان. سوعان بايلانىستى كريمينالدى پوليتسيا قىزمەتكەرلەرى جاڭاتاس قالاسىنىڭ س.ەسىمدى ازاماتىن ۇستادى. ال شۋ اۋداندىق ىشكى ىستەر بولىمىنە وسى اۋداننىڭ 1972 جىلى تۋعان جەرگىلىكتى تۇرعىنىنا 2014 جىلدىڭ قازان ايىندا ءبىر تانىسى الاياقتىق جولمەن «كاسپي» بانكىنەن 150 مىڭ تەڭگە كولەمىندە اقشالاي نەسيە الدىرعان. پوليتسيا قىزمەتكەرلەرىنىڭ جەدەل ىزدەستىرۋ ءىس-شارالارى ناتيجەسىندە 42 جاستاعى م.ەسىمدى ازامات انىقتالدى. 27 جاستاعى وبلىس ورتالىعىنىڭ جەرگىلىكتى تۇرعىنى 2014 جىلدىڭ قازانىندا تانىسى تاۋار اكەلىپ بەرەم دەپ الاياقتىق جولمەن 180 000 تەڭگەسىن يەلەنىپ كەتكەنىن ايتىپ شاعىمداندى. تاراز قالالىق ىشكى ىستەر ءبولىمى 2-پب قىزمەتكەرلەرى 1989 جىلى تۋعان ش.ەسىمدى قالا تۇرعىنىن قولعا ءتۇسىردى. قازىرگى تاڭدا جوعارىدا اتالعان كۇدىكتىلەر قىلمىستارىن تولىق مويىنداپ, ولارعا قاتىستى قىلمىستىق كودەكستىڭ 19-بابى, 1-بولىمىمەن ءىس قوزعالدى. سوتقا دەيىنگى تەرگەۋ جۇمىستارى جۇرگىزىلۋدە. ورالحان ءداۋىت. دەرەك: جامبىل وبلىستىق ىشكى ىستەر دەپارتامەنتىنىڭ ءباسپاسوز قىزمەتى. سۋرەت: bag.kz.