شىعىس قازاقستاندا باسقارما باسشى تاعايىندالدى

استانا. 27 اقپان. شىعىس قازاقستان ءوڭىرىنىڭ باسشىسى دانيال احمەتوۆتىڭ بۇيرىعىمەن وبلىستىق دەنە شىنىقتىرۋ جانە سپورت باسقارماسىنىڭ باسشىسى بولىپ ەلدوس چيكەنوۆ تاعايىندالدى. بۇل تۋرالى «قازاقپارات» حابارلادى. ە.چيكەنوۆ 1981 جىلى وسكەمەن قالاسىندا تۋعان. ول 2005 جىلى س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن تامامداعان. ماماندىعى – «دەنە شىنىقتىرۋ جانە سپورت, دەنە شىنىقتىرۋ بويىنشا پەداگوگ, بوكس جاتتىقتىرۋشىسى». 2010 جىلى وسى ۋنيۆەرسيتەتتە «مەملەكەتتىك جانە جەرگىلىكتى باسقارۋ» ماماندىعى بويىنشا ەكىنشى جوعارى ءبىلىم العان. 2004-2005 جىلدار ارالىعىندا «قازاقمىس» كورپوراتسياسى», «شىعىسقازمىس» جشس-دە ءتۇرلى قىزمەتتەردى اتقارعان. 2005 جىلدان باستاپ دەنەشىنىقتىرۋ جانە سپورت جۇيەسىندە جۇمىس ىستەۋدە. 2008 جىلعا دەيىن شىعىس قازاقستان وبلىستىق دەنە شىنىقتىرۋ جانە سپورت باسقارماسىندا جەتەكشى مامان بولىپ جۇمىس ىستەگەن. 2008-2010 جىلدارى ارالىعىندا تۋريزم جانە سپورت مينيسترلىگىنىڭ وليمپيادالىق سپورت تۇرلەرى كوميتەتى باسقارماسىندا ساراپشى, باس ساراپشى قىزمەتتەرىن اتقارعان. 2010 جىلدان باستاپ 2011 جىلدىڭ ناۋرىز ايىنا دەيىن «2011 جىلعى VII قىسقى ازيادا ويىندارىنىڭ ۇيىمداستىرۋ كوميتەتىنىڭ اتقارۋشى ديرەكتسياسى» اق-دا جارىستاردى وتكىزۋ دەپارتامەنتىندە ديرەكتوردىڭ ورىنباسارى بولىپ قىزمەت ەتتى. 2011-2013 جىلدارى ارالىعىندا تۋريزم جانە سپورت مينيسترلىگى سپورت كوميتەتىندەگى شتاتتىق ۇلتتىق كوماندالار مەن سپورتتىق قور ديرەكتسياسىندا ءتۇرلى قىزمەتتەردە بولعان. ال 2013 جىلدان باستاپ سپورت ىستەرى جانە دەنە شىنىقتىرۋ اگەنتتىگىنىڭ بۇقارالىق سپورتتى دامىتۋ باسقارماسىندا جۇمىس ىستەگەن. وسى قىزمەتكە تاعايىندالعانعا دەيىن مادەنيەت جانە سپورت مينيسترلىگىنىڭ سپورت ىستەرى جانە دەنە شىنىقتىرۋ كوميتەتىجازعى سپورت تۇرلەرى باسقارماسىنىڭ باسشىسى بولىپ كەلدى. جولدىباي بازار. دەرەك: «قازاقپارات». سۋرەت: inmsk.ru.