باتىس قازاقستان مەملەكەتتىك ۋنيۆەرسيتەتىنە رەكتور تاعايىندالدى

استانا. 27 اقپان. م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ رەكتورى لاۋازىمىنا اسحات ءسالىم ۇلى يمانعاليەۆ تاعايىندالدى. بۇل تۋرالى ءبىلىم جانە عىلىم مينيسترلىگىنىڭ ءباسپاسوز قىزمەتى حابارلادى. «قازاقستان رەسپۋبليكاسى ۇكىمەتىنىڭ 2011 جىلعى 18 قاراشاداعى №1353 قاۋلىسىمەن بەكىتىلگەن مەملەكەتتىك كاسىپورىننىڭ باسشىسىن تاعايىنداۋ جانە اتتەستاتتاۋ, سونداي-اق ونىڭ كانديداتۋراسىن كەلىسۋ قاعيدالارىنىڭ 21-ءشى تارماعىنا سايكەس قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 29 قاڭتارداعى №11 بۇيرىعىمەن بەكىتىلگەن مەملەكەتتىك كاسىپورىنداردىڭ باسشىلارىن ىرىكتەۋ, تاعايىنداۋ جانە اتتەستاتتاۋ جونىندەگى كوميسسيانىڭ شەشىمى بويىنشا قازاقستان رەسپۋبليكاسى ءبىلىم جانە عىلىم ءمينيسترىنىڭ بۇيرىعىمەن «م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ رەكتورى لاۋازىمىنا اسحات ءسالىم ۇلى يمانعاليەۆ تاعايىندالدى», دەلىنگەن حابارلامادا. اسحات يمانعاليەۆ 1953 جىلى اتىراۋ قالاسىندا تۋعان. پەدوگوگيكا عىلىمدارىنىڭ دوكتورى, پروفەسسور. ول اتىراۋ پەدوگوگيكالىق ينستيتۋتىنىڭ تاريح فاكۋلتەتىن (قازىرگى اتىراۋ مەملەكەتتىك ۋنيۆەرسيتەتتى) جانە الماتىداعى پەدوگوگيكالىق عىلىمدارى عىلىمي-زەرتەۋلىك ينستيتۋتىنىڭ اسپيرانتۋراسىن (1985) بىتىرگەن. اتىراۋداعى تەمىر جول كولىگى تەحنيكۋمىندا وقىتۋشى (1975–76), باستاۋىش كومسومول ۇيىمىنىڭ حاتشىسى (1977–79), اتىراۋ پەدوگوكيكالىق ينستيتۋتىندا وقىتۋشى, اعا وقىتۋشى, دوتسەنت (1991), عىلىمي جۇمىستار جونىندەگى پرورەكتورى بولعان. 2000 جىلدان اتىراۋ ۋنيۆەرسيتەتىنىڭ رەكتورى قىزمەتىن اتقاردى. «جوعارى سىنىپ وقۋشىلارىنىڭ ساۋىقتىرۋ دەنە تاربيەسى جۇيەسىندەگى پەداگوگيكالىق ۆالەولوگيانىڭ دامۋى» دەگەن تاقىرىپتا دوكتورلىق ديسسەرتاتسيا قورعادى. ونىڭ عىلىمي جۇمىستارىنىڭ نەگىزگى باعىتى – جوعارى مەكتەپ پەداگوگيكاسى, پەدوگوگيكالىق ۆالەولوگيا جانە قازاق ۇلتتىق پەداگوگيكاسى مەن ۇلتتىق تاربيە ماسەلەلەرى. اسحات ءسالىم ۇلىنىڭ 80-نەن استام عىلىمي جاريالانىمنىڭ, ونىڭ ىشىندە مونوگرافيالار مەن وقۋلىقتاردىڭ اۆتورى. «پاراسات» وردەنىمەن جانە مەدالدارمەن ماراپاتتالعان. جولدىباي بازار. دەرەك, سۋرەت: ءبىلىم جانە عىلىم مينيسترلىگىنىڭ ءباسپاسوز قىزمەتى.