قازاقستان رەسپۋبليكاسى ۇكىمەتىنىڭ قاۋلىسى  №640

2015 جىلعى 12 تامىز,  استانا, ۇكىمەت ءۇيى «مەرەيلى وتباسى» ۇلتتىق كونكۋرسىن وتكىزۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 5 ناۋرىزداعى №181 قاۋلىسىنا وزگەرىستەر مەن تولىقتىرۋ ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «مەرەيلى وتباسى» ۇلتتىق كونكۋرسىن وتكىزۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 5 ناۋرىزداعى № 181 قاۋلىسىنا (قازاقستان رەسپۋبليكاسىنىڭ ءپۇاج-ى, 2014 ج., № 15, 126-قۇجات) مىناداي وزگەرىستەر مەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن «مەرەيلى وتباسى» ۇلتتىق كونكۋرسىن وتكىزۋ قاعيدالارىندا: 6-تارماقتا: ءبىرىنشى بولىك مىناداي رەداك­تسيادا جازىلسىن: «6. قازاقستان رەسپۋبليكاسى پرەزيدەنتىنىڭ جانىنداعى ايەل­دەر ىستەرى جانە وتباسىلىق-دەمو­گرافيالىق ساياسات جونىندەگى ۇلتتىق كوميسسيانىڭ, سونداي-اق استانا, الماتى قالالارى جانە وبلىستار اكىمدەرىنىڭ جانىنداعى ايەلدەر ىستەرى جانە وتباسىلىق-دەموگرافيالىق ­ساياسات جونىندەگى كوميسسيالاردىڭ قولداۋىمەن قازاقستان رەسپۋبليكاسى مادەنيەت جانە سپورت مينيسترلىگى, قازاقستان رەسپۋبليكاسى دەن­­­ساۋلىق ساقتاۋ جانە الەۋمەتتىك دامۋ مينيسترلىگى كونكۋرستىڭ ۇيىمداستىرۋشىلارى بولىپ تابىلادى.»; مىناداي مازمۇنداعى ەكىنشى بولىكپەن تولىقتىرىلسىن: «كونكۋرس قازاقستان رەس­پۋب­ليكاسى ينۆەستيتسيالار جانە دامۋ مينيسترلىگى مەن جەرگىلىكتى اتقارۋشى ورگانداردىڭ جاردەمدەسۋىمەن وتكىزىلەدى.»; 14,15-تارماقتار مىناداي رەداكتسيادا جازىلسىن: «14. اۋداندىق (قالالىق) كوميسسيا كونكۋرسقا قاتىسۋ ءۇشىن وتىنىمدەردى قابىلداۋ اياقتالعان كەزدەن باستاپ ءبىر ايدان اسپايتىن مەرزىمدە اۋداندىق كونكۋرستىڭ جەڭىمپازدارىن ايقىنداۋ جونىندە الىنعان اقپاراتتى جان-جاقتى تەكسەرۋدى جۇزەگە اسىرادى, سودان كەيىن ەكى جۇمىس كۇنى ىشىندە اۋداندار (قالالار) اكىمدەرىمەن كەلىسىلگەن ءتورت قاتىسۋشىنىڭ (وتباسىنىڭ) كونكۋرستىق ماتەريالدارىن وڭىرلىك كوميسسيالارعا جىبەرەدى. 15. وڭىرلىك كوميسسيالار اۋدان­دىق (قالالىق) كوميسسيالاردان ماتەريالداردى العان كەزدەن باستاپ ءبىر ايدان اسپايتىن مەرزىمدە ەكى ۇزدىك وتباسىن ىرىكتەۋدى جۇرگىزەدى, قاجەت بولعان جاعدايدا ۇسىنىلعان ماتەريالدارعا قوسىمشا تەكسەرۋدى جۇزەگە اسىرادى جانە وبلىستىق كونكۋرستىڭ جەڭىمپازدارى ايقىن­دالعاننان كەيىن ەكى جۇمىس كۇنى ىشىندە استانا, الماتى قالالارى­نىڭ جانە وبلىستاردىڭ اكىمدەرى­مەن كەلىسىلگەن ءوز شەشىمدەرىن وسى قاعيدالاردىڭ 10-تارماعىندا كوزدەلگەن قۇجاتتار توپتاماسىمەن بىرگە, «مەرەيلى وتباسى» ۇلتتىق كون­كۋرسىنىڭ لاۋرەاتى اتاعىن بەرۋ جونىندەگى كوميسسياعا (بۇدان ءارى – كوميسسيا) جىبەرەدى.»; 16-تارماقتىڭ 6) تارماقشاسى الىپ تاستالسىن; 17,18-تارماقتار مىناداي رەداكتسيادا جازىلسىن: «17. كوميسسيا وڭىرلىك كوميس­سيالاردىڭ ۇسىنىستارىن القالى تۇردە قاراعاننان كەيىن 10 كۇن ىشىندە باعدارلامالار تسيكلىن ازىرلەۋ ءۇشىن مەملەكەتتىك تەلەارناعا ىرىكتەۋ تۋرالى, سونداي-اق لاۋرەات اتاعىن تاعايىنداۋ جونىندەگى ۇمىتكەر وتباسىلار تۋرالى ماتەريالداردى جولدايدى. 18. جەڭىمپازداردى ىرىكتەۋگە سمس-حابارلامالار جانە ينتەرنەت-رەسۋرس ارقىلى ينتەراكتيۆتى داۋىس بەرۋ جولىمەن ەلدىڭ بارلىق تۇرعىندارى بەلسەندى تۇردە قاتىسادى. ينتەراكتيۆتى داۋىس بەرۋ مەر­زىمدەرىن كونكۋرس ۇيىمداس­­تىرۋ­شىلارى ايقىندايدى.». 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى  ك.ءماسىموۆ.