قىزىلوردالىق پوليتسەيلەر اينالىمنان الىنعان قارۋدى جويدى

قىزىلوردا. 17 تامىز. قىزىلوردالىق پوليتسەيلەر ازاماتتاردان تاركىلەنگەن قارۋ, وق-ءدارى جانە سۋىق قارۋلاردى اينالىمنان الىپ تاستاۋ ماقساتىندا قارۋ جويۋ ناۋقانىن وتكىزدى. بۇل تۋرالى egemen.kz ءتىلشىسى حابارلادى. ارنايى ماقساتتاعى تەحنيكالىق كوميسسيا قۇرىلىپ, قۇرامىنا وبلىستىق ىشكى ىستەر دەپارتامەنتىنىڭ ءتيىستى سالا قىزمەتكەرلەرى مەن قىزىلوردا وبلىستىق پروكۋراتۋراسىنىڭ وكىلى قاتىستىرىلدى. 2015 جىلدىڭ ءىىى توقسانىندا جويىلاتىن قارۋلارعا جارامسىزداندىرۋ جۇمىستارى جۇرگىزىلىپ, ناتيجەسىندە 90 بىرلىك قارۋ, اتاپ ايتقاندا, 72 تەگىس ۇڭعىلى قارۋ مەن 18 گازدى تراۆماتيكالىق قارۋ جويىلدى. ايتا كەتەرلىك جايت, وسى جىلى زاڭسىز اينالىمنان الىنعان اتىس قارۋلارى 3-ءشى رەت جويىلىپ وتىر. جىل باسىنان بەرى پوليتسيا قىزمەتكەرلەرىمەن 171 قارۋعا بەلگىلەنگەن تارتىپكە ساي جويۋ پروتسەسى جۇرگىزىلدى. ەرجان بايتىلەس. دەرەك: egemen.kz. سۋرەت: vk34.ru.