اتىراۋ. 27 اقپان. اتىراۋ وبلىستىق سوتىنىڭ توراعاسى مارعۇلان بەكتۇرعانوۆ پرەزيدەنت جارلىعىمەن تاعايىندالعان سۋديالاردى ۇجىمعا تانىستىردى. بۇل تۋرالى egemen.kz ءتىلشىسى حابارلادى.
قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ءتورايىمى لاۋازىمىنا گۇلميرا بەردەشقىزى داۋلەتوۆا قايتادان تاعايىندالدى. ال اتىراۋ قالالىق سوتىنىڭ قۇرامى 2 سۋديامەن تولىعىپ وتىر. ناقتىلاي ايتقاندا, قالالىق سوتتىڭ سۋديالارى قاتارىندا مارال ورىنباسارقىزى ساريموۆا جانە عاليا سالاۋاتقىزى سەيتجانوۆا قىزمەتىنە كىرىستى. يساتاي اۋداندىق سوتىنا جازيرا ەرجانقىزى مۇحامەتوۆا, قىزىلقوعا اۋداندىق سوتىنا اينۇر سايىنقىزى سىرعاباەۆا, №2 اتىراۋ قالالىق سوتىنا گاۋحار مامايقىزى يبراشەۆا سۋديا بولىپ تاعايىندالعانى جاريا ەتىلدى.
جولداسبەك شوپەعۇل.
دەرەك, سۋرەت: اتىراۋ وبلىستىق سوتىنىڭ ءباسپاسوز قىزمەتى.
