رەسپۋبليكا جۇرتشىلىعى پرەزيدەنتتىك سايلاۋدى كەزەكتەن تىس وتكىزۋدى تولىق قولدايدى
تاڭداۋىمىز ايقىن
سولتۇستىكقازاقستاندىق جاستار بيىل كەزەكتەن تىس پرەزيدەنتتىك سايلاۋ وتكىزۋ تۋرالى قازاقستان حالقى اسسامبلەياسى كەڭەسىنىڭ باستاماشىلىعىنا قىزۋ ءۇن قاتىپ, جەر-جەرلەردە قولداۋ اكتسيالارىن وتكىزگەن بولاتىن. مۇنىڭ ءوزى وزدەرىنىڭ جالىندى جىگەرلەرىمەن, تىڭ ىزدەنىستەرىمەن قوعامنىڭ الدىڭعى ساپىنان كورىنىپ كەلە جاتقان وسكەلەڭ ۇرپاقتىڭ زور ساياسي بەلسەندىلىگىن, ەل تاعدىرى بەيجاي قالدىرمايتىنىن اڭعارتسا كەرەك. ءبىز, قىزىلجار ءوڭىرىنىڭ جاستارى, مەملەكەت باسشىسى نۇرسۇلتان نازارباەۆتىڭ بارشا قازاقستاندىقتاردىڭ ۇسىنىستارىن ريزاشىلىقپەن قابىل الىپ, 26 ساۋىردە كەزەكتەن تىس پرەزيدەنتتىك سايلاۋ وتكىزۋدى بەلگىلەۋ تۋرالى جارلىققا قول قويۋى ۇلتارالىق بىرلىك پەن تاتۋلىقتى ودان ءارى نىعايتا تۇسەدى دەگەن بەرىك سەنىمدەمىز. مەملەكەت باسشىسى رەسپۋبليكا تۇرعىندارىنا ارناعان ۇندەۋىندە الدىمىزدا تۇرعان ماڭىزدى مىندەتتەردى اتاپ كورسەتتى. ادامداردىڭ تىلەيتىنى – وتاننىڭ اماندىعى, قوعامنىڭ بەرىكتىگى. ەل قاشاندا ەلباسىنا سەنەدى. ونىڭ ءبىر ايعاعى, 2011 جىلعى سايلاۋالدى ناۋقانى بارىسىنداعى بارلىق ۋادەلەردىڭ ءتۇگەلدەي ورىندالۋى. ەندى, مىنە, ەڭ دامىعان 30 ەلدىڭ قاتارىنا جەتۋدى اسقارالى مىندەت رەتىندە قويىپ, ۇزاق مەرزىمگە ارنالعان «قازاقستان-2050» ستراتەگياسى ءمۇلتىكسىز جۇزەگە اسىرىلىپ كەلەدى. ۋاقىتتىڭ اسا كۇردەلىلىگىنە قاراماستان, جۇمىسپەن قامتاماسىز ەتۋ, جاڭا جۇمىس ورىندارىن اشۋ, تۇرمىسى تومەن, از قامتىلعان وتباسىلار مەن جانداردى قامقورلىققا الۋ سەكىلدى الەۋمەتتىك كەپىلدىكتەردىڭ بەرىلۋى مەملەكەتتىك باعدارلامالاردا جان-جاقتى قامتىلعان. وسى ورايدا, ەلىمىزدى دامىتۋعا, ىلگەرىلەتۋگە جاستار قوسار ۇلەستىڭ از ەمەستىگىن اتاپ ايتقىم كەلەدى. ءوڭىر تۇرعىندارىنىڭ 23 پايىزىن جاستار قۇرايدى. 140 مىڭعا جۋىق جاس لەك 63 ۇيىمعا بىرىگە وتىرىپ, ءارتۇرلى سالالاردا ەسەلى ەڭبەك ەتۋدە. 13 اۋداندا جاستار باستامالارى ورتالىقتارى قۇرىلعان. ولاردىڭ قاتارىندا «جاس وتان» جاستار قاناتىنىڭ, قازاقستان ستۋدەنتتەرى اليانسىنىڭ, «جاستار كادرلىق رەزەرۆى», «ارديس», «جاس ۇلان» ءبىرىڭعاي بالالار مەن ءجاسوسپىرىمدەر ۇيىمى» قوعامدىق ءبىرلەستىكتەرىنىڭ وكىلدەرى بار. ورەندەر مەن جاسوسپىرىمدەردىڭ تۇلعا رەتىندە جەتىلىپ, ازاماتتىق ۇستانىمدارىن قالىپتاستىرۋدا جاستار ۇيىمدارىنىڭ ورنى ەلەۋلى ەكەنىن وسىدان-اق بايقاۋعا بولادى. جاستاردىڭ تاربيەسىنە «العىس», «سالانگ», «ەر وتان», «اسسوتسياتسيا», تاعى باسقا پاتريوتتىق كلۋبتار بەلسەنە ارالاسادى. كوللەدجدەر مەن مەكتەپتەردە جاستار ماسەلەسىمەن اينالىساتىن كوميتەتتەر جۇمىس ىستەپ, سەمينار-ترەنينگتەر, فلەش-موب, دوڭگەلەك ۇستەل وتىرىستارىن, اكتسيالاردى جۇيەلى جۇرگىزىپ كەلەدى. «ديپلوممەن – اۋىلعا!» باعدارلاماسى بويىنشا 314 جاس مامان اۋىلدى جەرلەرگە جۇمىسقا تارتىلدى. «جاستار پراكتيكاسى» باعدارلاماسى اياسىندا 350 جاس تۇراقتى جۇمىسقا ورنالاستى. تاۋەلسىزدىك جىلدارى قول جەتكىزگەن جالپىحالىقتىق يگىلىكتەرىمىز بەن قۇندىلىقتارىمىزدى نىعايتۋ, قورعاۋ بەيبىت ءومىردەگى, جاسامپاز ەڭبەكپەن عانا جۇزەگە اساتىنىن جاستار جاقسى تۇسىنەدى. ەلباسىنىڭ بۇل شەشىمى بىزگە ۇلكەن جاۋاپكەرشىلىك جۇكتەيدى. كەزەكتەن تىس پرەزيدەنتتىك سايلاۋ ورتاق كۇش-جىگەرىمىزدى ءبىر ارناعا توپتاستىرىپ, داعدارىس قيىندىقتارىنا توسقاۋىل قويۋدىڭ تەگەۋرىندى شارالارىن ءبىرلەسە ورىنداۋعا كەپىلدىك بەرەرى ءسوزسىز. الماگۇل رامازانوۆا, سولتۇستىك قازاقستان وبلىستىق جاستار ساياساتى ماسەلەلەرى جونىندەگى باسقارما باسشىسىنىڭ مىندەتىن اتقارۋشى. پەتروپاۆل.ۇلاعاتتى ۇستانىم, ۇتقىر شەشىم
قوعامدا قازاقستان حالقى اسسامبلەياسى كەڭەسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى ۇندەۋى كەڭ قولداۋ تاپتى. ونى بۇقارالىق اقپارات قۇرالدارىندا جاريالانعان الەۋمەتتىك ءارتۇرلى توپتار وكىلدەرىنىڭ قولداۋ پىكىرلەرى ايقىن اڭعارتتى. حالىق ەلىمىزدىڭ بۇگىنگى قول جەتكىزگەن تابىستارىن قازاقستان رەسپۋبليكاسى تۇڭعىش پرەزيدەنتىنىڭ سارابدال ساياساتىمەن ساباقتاستىراتىنىنا انىق كوزىمىز جەتتى. ەندىگى توقەتەر ءتۇيىندى ءسوزدى, تۇشىمدى تۇجىرىمدى ەلباسىنىڭ ءوزى ايتۋى كەرەك بولاتىن. قازاقتا «حالىق قالاسا, حان تۇيەسىن سويادى» دەگەن ناقىل ءسوز بار. قاشاندا حالقىنىڭ قامىن ويلايتىن, اتا زاڭنان اينىمايتىن پرەزيدەنت نۇرسۇلتان نازارباەۆ تاعى دا كورەگەندىكتىڭ ۇلگىسىن كورسەتتى, كوپتىڭ كوڭىلىن كۇپتى ەتپەدى, حالقىنىڭ قالاۋىن قالتقىسىز ۇعىندى. مەملەكەت باسشىسىنىڭ قازاقستان حالقىنا ۇندەۋىن وقىپ, تانىسىپ, ەلباسىنىڭ ەلدىك مۇددەگە ادالدىعىنا تاعى كۋا بولدىق. ەلباسى قازاقستان حالقىنا ۇندەۋىندە الەمدەگى دامىعان 30 ەلدىڭ قاتارىنا ەنۋ مىندەتتەرى بەلگىلەنگەن «قازاقستان-2050» ستراتەگياسىن جۇزەگە اسىرۋدىڭ مول مۇمكىندىكتەرى بار ەكەنىن ايتا كەلىپ: «قايتا قاھارىنا مىنگەن الەمدىك داعدارىس جاعدايىندا بىرلىك بىزگە بۇرىنعىسىنان بەتەر قۇندى. مەملەكەتتىڭ تىنىشتىعى مەن ەلدىڭ بىرلىگىن ساقتاپ, دامىتۋ پرەزيدەنتى باستاپ, ەلى قوستاعان كەزدە عانا باياندى بولماق. جاۋاپكەرشىلىك بۇكىل حالىققا دا جۇكتەلەدى. وسىنى ۇمىتپايىق. الداعى بيىك بەلەستەر مەن اسقار اسۋلار ءۇشىن ءبىز بارلىق كەدەرگىلەردى باعىندىرىپ, العا باسۋعا ءتيىسپىز», – دەدى. ءبىز ءبارىمىز كەزەكتەن تىس پرەزيدەنتتىك سايلاۋ وتكىزۋ تۋرالى باستامانى تولىقتاي قولدايمىز. ءدال قازىر سايلاۋ وتكىزۋ قوعامدا تۇراقتىلىق پەن بىرلىكتى ساقتاۋعا جاعداي جاسايدى. بۇل – العا قويعان مىندەتتەردى ءتيىمدى ىسكە اسىرۋ, تۇرعىنداردىڭ ءال-اۋقاتىن ارتتىرۋ ءۇشىن ماڭىزدى قادام. الەمدەگى جاعداي جانە جاھاندىق سىن-قاتەرلەر كوپتەگەن ەلدەردە الاڭداۋشىلىق تۋعىزۋدا. سوندىقتان سايلاۋدى بيىل وتكىزۋ ەلىمىزدىڭ دامۋى جولىنداعى مەملەكەتتىك باعىتتىڭ كىدىرىسسىز جۇزەگە اسا بەرۋىن قامتاماسىز ەتەتىن دۇرىس شەشىم دەپ باعالايمىن. ەلباسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى قازاقستان حالقى اسسامبلەياسىنىڭ ۇندەۋىن قولداپ, ونى ۇستىمىزدەگى جىلعى 26 ساۋىرگە بەلگىلەۋى ۇلاعاتتى ۇستانىم بولدى. بۇل – شىن مانىندە حالىقتىڭ قالاۋىمەن قابىلدانعان تاريحي شەشىم. ول بارشا قازاقستاندىقتاردى بىرلىككە, جاڭا تابىستارعا باستايتىن بولادى. مىنە, ەلباسى مەن ەلىنىڭ ءبىر مۇددەگە جۇمىلۋىنىڭ ايقىن كورىنىسى دە وسى. ال ءبىز ەلباسى سەنىم ارتقان ۇدەدەن كورىنىپ, تۇراقتىلىق پەن بىرلىكتى نىعايتۋعا اتسالىسۋىمىز كەرەك. داۋلەت ابەنوۆ, قازاق-ورىس حالىقارالىق ۋنيۆەرسيتەتىنىڭ كافەدرا مەڭگەرۋشىسى,تاريح عىلىمدارىنىڭ كانديداتى. اقتوبە وبلىسى.بىرلىك پەن كەلىسىمنىڭ تەتىگى
ەلباسى ن.ءا.نازارباەۆتىڭ قازاقستان پرەزيدەنتىنىڭ سايلاۋىنا قاتىستى ۇندەۋىن ءبىزدىڭ كوپۇلتتى ۇجىمىمىز قۋانا قارسى الدى. ساياسي ناۋقان وتكىزىلەتىن كۇن دە بەلگىلەندى. وسى قادامنىڭ ءوزى مەملەكەت باسشىسىنىڭ ۋاقىت باعامىنداعى كورەگەندىگىن, قوعام مۇشەلەرىنىڭ ساياسي بەلسەندىلىگى مەن ەل تاعدىرىنا بەيتاراپ قارامايتىنىن كورسەتەدى. پرەزيدەنت ءوز ۇندەۋىندە الەمدىك ەكونوميكالىق داعدارىس بەلەڭ الا تۇسكەن كەزەڭدە حالىققا ەرتەڭگى كۇنىنە دەگەن سەنىمدىلىك كەرەكتىگىن بولەكتەپ ايتتى. ەل حالقىن اۋىل شارۋاشىلىعى ونىمدەرىمەن قامتاماسىز ەتۋ جاۋاپكەرشىلىگى جۇكتەلگەن سەرىكتەستىك مۇشەلەرىندە بۇل سەنىمدىلىك بار. ونىڭ ۇستىنە, ۇكىمەتتىڭ كەڭەيتىلگەن وتىرىسىندا اگروونەركاسىپتى ساۋىقتىرۋعا قوماقتى قارجى بولىنەتىندىگى جونىندەگى بايلام دا ءبىزدى قۋاتتاندىرا تۇسەدى. ەندىگى مىندەت – بارىنشا جيناقىلىق تانىتىپ, ەسەلى ەڭبەك ەتۋ. ءبىزدىڭ كوپسالالى شارۋاشىلىعىمىز «اگروبيزنەس-2020» باعدارلاماسى تالاپتارىنا ساي تابىستى جۇمىس ءجۇرگىزۋدە. بۇگىنگى تالاپ دەڭگەيىندە ەگىنشىلىك قۇرىلىمىن ءارتاراپتاندىرۋعا ايرىقشا كوڭىل بولدىك. ديقان قاۋىمى ءداستۇرلى استىق ونىمدەرىمەن قاتار, مايلى داقىلدار وسىرۋگە دە دەن قويدى. ماشينا-تراكتور پاركىن قۋاتتاندىرۋ, وزىق تەحنولوگيانى يگەرۋ تۇپكى قايتارىمدى مولايتقانىن ايتقىم كەلەدى. سوڭعى جىلدارى اۋا رايىنىڭ قولايسىزدىقتارىنا قاراماستان ءار گەكتاردان ورتا ەسەپپەن 16 تسەنتنەردەن استىق جيناۋدى قامتاماسىز ەتۋدەمىز. اسىل تۇقىمدى مال شارۋاشىلىعىن دامىتۋدا ۇلكەن تاجىريبە جيناقتالدى. شارۋاشىلىق وڭىردە العاشقىلاردىڭ ءبىرى بولىپ ءىرى قارا ەتىن ەكسپورتتاۋ ۇلەسىن ارتتىرىپ وتىر. جۇمىستى عىلىمي نەگىزدە ۇيىمداستىرۋ, مال ازىعىنىڭ قۇنارلىلىعى, جايىلىمنىڭ جايلىلىعى ءىرى قارانىڭ قوڭدىلىعىن ارتتىرىپ, ءونىمنىڭ وزىندىك قۇنىن ارزانداتۋدا. قوراداعى 5000 باس ەتتىك باعىتتاعى جەرگىلىكتى جانە انگۋس تۇقىمدى مالدىڭ كۇيى جاقسى. وتكەن جىلى استانانىڭ ازىق-ت ۇلىك بەلدەۋىن قالىپتاستىرۋعا ەكولوگيالىق تازا 100 توننا ەت جونەلتتىك, اسىل تۇقىمدى ءتولدى وڭىردەگى شارۋاشىلىقتارعا ءتيىمدى باعامەن ساۋدالادىق. سونداي-اق, جىلقى مەن قوي ت ۇلىگىنىڭ سەلەكتسياسى دا جوسپارلى تۇردە جۇرگىزىلۋدە. شارۋاشىلىق جىل سايىن ءوز كىرىستەرىنەن 30 ميلليون تەڭگەنى ۇجىم مۇشەلەرىن الەۋمەتتىك قولداۋعا جۇمسايدى. اۋىلىمىزدا جۇمىسسىزدار جوق. سوندىقتان, ەرتەڭگى كۇنگە بيىك جوسپارلار ءتۇزىپ, ونى ورىنداۋعا تولىق مۇمكىندىگىمىز بار. ال, ەلىمىزدىڭ باستى ساياسي وقيعاسى – پرەزيدەنتتىك سايلاۋدى ويداعىداي وتكىزۋ بارشامىزدىڭ ءۇمىتىمىزدى ۇشتاپ, سەنىمىمىزدى نىعايتا تۇسەدى. تەمىرحان مۇقىشەۆ, «باستاۋ» جشس ديرەكتورى, «قۇرمەت» وردەنىنىڭ يەگەرى. اقمولا وبلىسى, اتباسار اۋدانى.كوكەيىمىزدەن شىقتى
بۇگىندە ەلىمىزدىڭ الدىندا تۇرعان ماقسات-مىندەتتەر بۇعان دەيىنگىدەن دە بيىكتىگى, الەمدەگى قارجى-ەكونوميكالىق تۇراقسىزدىقتىڭ جاڭا تولقىنى قيىندىقتار تۋدىرىپ وتىرۋى بۇرىنعىدان دا گورى ەڭبەكتى ەسەلەي تۇسۋگە تالاپ ەتۋدە. بۇل رەتتە, ورتاق ماقساتقا بەرىكتىك, تىعىز توپتاسقاندىق, كەلەشەككە سەنىمدىلىك وتە ماڭىزدى ەكەنى اقيقات.سوعان ۇيىتقى بولۋعا ءومىردىڭ ءوزى دالەلدەپ كەلە جاتقانداي, تەك ەلباسىمىز ن.ءا.نازارباەۆتىڭ باستاي الاتىندىعىن حالىق بىلەدى. سوندىقتان كەزەكتەن تىس پرەزيدەنتتىك سايلاۋ وتكىزۋ ءجونىندە شەشىم شىعارىلۋىن ءبىزدىڭ ۇجىم مۇشەلەرى دە جىلى قابىلدادى. تىلەگىمىز دە سول ەدى. تۇڭعىش پرەزيدەنتىمىزدىڭ مەملەكەتىمىز تۇعىرىن بيىكتەتىپ, وتانىمىز گۇلدەنۋىنە جاڭا سەنىم كورسەتەتىن مۇمكىندىكتى ءبارىمىز قۋانا قولدايمىز. بۇل كۇندە وتاندىق فارماتسەۆتيكالىق ونەركاسىپتىڭ كوشباسىنا اينالعان ەڭبەك ورتامىز ءىس-ىزدەنىستەرى الىسقا ايان دەۋىمىزگە بولادى. جەرگىلىكتى تابيعي وسىمدىكتەردەن دارىلىك پرەپاراتتار جاساپ شىعارۋعا ەلباسى ءوزىنىڭ قولداۋشى بولعانىن ماقتان تۇتامىز. بۇدان جيىرما جىل بۇرىن باستالعان بۇل قادام قۇتتى بولىپ, قازىر الىس-جاقىنعا تانىمال ىرگەلى فارماتسەۆتيكالىق ءوندىرىستىڭ ورتالىعى سانالامىز. مەملەكەت باسشىسىنىڭ قامقورلىعى ارقاسىندا ءدارى-دارمەكتەر دايىنداۋ ءتۇر-ءتۇرى ۇلعايىپ, كولەمى ارتتى. الداعى ساۋىردە قۇرىلۋىنا 20 جىل تولماق حولدينگىمىز عالىمدارى مەن ماماندارى ونى جارقىن جەتىستىكتەرمەن اتاپ وتكەلى وتىر. ءساۋىر ايىندا وتەتىن پرەزيدەنتتىك سايلاۋعا دا ءبىر كىسىدەي قاتىسۋدى اسىعا كۇتۋدەمىز. ەل مۇددەسىنە, حالىق تىلەگىنە ساي كەلگەن بۇل شەشىمدى دۇرىس دەپ سانايمىز. سايلاۋشىلار ءوز قالاۋىن, ازاماتتىق ۇستانىمدارىن بىلدىرۋىنە جاڭا مۇمكىندىكتى ۇلكەن ماقساتتارعا ساي پايدالانا الاتىنىنا سەنەمىز. قورلان يتجانوۆا, «فيتوحيميا» حالىقارالىق عىلىمي-وندىرىستىك حولدينگىنىڭ اعا عىلىمي قىزمەتكەرى, مەملەكەتتىك سىيلىقتىڭ لاۋرەاتى. قاراعاندىەكونوميكالىق ءوسىمدى نىعايتۋعا سەپتەسەدى
ەلباسى نۇرسۇلتان نازارباەۆتىڭ كۇللى قازاقستاندىقتاردىڭ ۇسىنىس-پىكىرلەرىن ەسكەرە وتىرىپ, حالىققا جولداعان ۇندەۋىن تەلەديدار ارقىلى تىڭدادىم. پرەزيدەنت بارلىق زاڭنامالىق قىرلارى مەن قازىرگى قاجەتتىلىك جاعدايى سارالانىپ, ەسكەرىلگەن پرەزيدەنتتىك سايلاۋدى اعىمداعى جىلدىڭ 26 ساۋىرىنە بەلگىلەگەنىن جەتكىزدى. كۇننەن-كۇنگە كۇشەيىپ كەلە جاتقان الەمدىك ەكونوميكالىق داعدارىس پەن قالىپتاسقان كۇردەلى حالىقارالىق احۋال كەزىندە كەزەكتەن تىس پرەزيدەنتتىك سايلاۋ وتكىزۋ ەلىمىزدىڭ «قازاقستان-2050» ستراتەگياسىندا كورسەتىلگەن ۇزاق مەرزىمدى دامۋ باسىمدىقتارى مەن «نۇرلى جول – بولاشاققا باستار جول» جولداۋىن ءتيىمدى جۇزەگە اسىرۋعا مۇمكىندىك بەرەدى. مەملەكەت باسشىسى قازاقستان حالقىنا ارناعان جولداۋىندا ەكونوميكالىق سالاعا ۇلكەن ءمان بەردى. قازىرگىدەي سىني كەزدە شاعىن جانە ورتا كاسىپكەرلىككە ۇلتتىق قور ەسەبىنەن قولداۋ كورسەتۋ – دەر ۋاقىتىندا قابىلدانعان جانە وتە قاجەت شەشىمدەردىڭ ءبىرى دەر ەدىم. بۇل ءوز كەزەگىندە ەلباسىمىزدىڭ كورەگەندىگىن تاعى ءبىر مارتە دالەلدەي تۇسەدى. جاھاندىق داعدارىستىڭ جاڭا ءارى قيىن كەزەڭىندە كەزەكتەن تىس پرەزيدەنتتىك سايلاۋىن وتكىزۋ ارقىلى جۇرگىزىلىپ وتىرعان ساياساتتىڭ جالعاستىرىلۋىن قامتاماسىز ەتۋگە, ەكونوميكانىڭ ءوسىمىن نىعايتۋعا, پرەزيدەنتكە دەگەن سەنىمدى كۇشەيتۋگە بولادى. مەملەكەت باسشىسى ءوتكەن جىلدىڭ 26 ماۋسىمىندا شىعىس قازاقستان وبلىسىنا جاساعان جۇمىس ساپارىندا بۇكىل رەسپۋبليكا ءۇشىن باسىم سالا بولىپ تابىلاتىن شاعىن جانە ورتا كاسىپكەرلىك سالاسىنىڭ وڭىرىمىزدە قارقىندى دامىپ كەلە جاتقانىن اتاپ وتكەن بولاتىن. بۇل – مەملەكەتتىك قولداۋدىڭ ارقاسىندا مۇمكىن بولعان جەتىستىكتەر. وسى ورايدا شىعىس ءوڭىرىنىڭ كاسىپكەرلەرى نۇرسۇلتان نازارباەۆتىڭ كەزەكتەن تىس سايلاۋ وتكىزۋ جونىندەگى شەشىمىن قىزۋ قولدايتىندىعىن جەتكىزگىم كەلەدى. بۇل – ءبىزدىڭ قوعامدىق, ازاماتتىق بەلسەندىلىگىمىز بەن ىشكى بىرلىگىمىزدى ارتتىرا تۇسەتىن ماڭىزدى ساياسي قادام. يگور شاتسكي, شىعىس قازاقستان وبلىستىق كاسىپكەرلەر پالاتاسىنىڭ ديرەكتورى. وسكەمەن.دانا شەشىم
نۇرسۇلتان نازارباەۆقا
ءبىزدىڭ ەل بولا الادى اينا وزگەگە, جۇرگەن جوق كيىپ حالقىڭ جاي كەزدەمە! جۇرتىم كەپ تىرەلگەندە ءبىر وتكەلگە, جاسايسىڭ باتىل شەشىم قاي كەزدە دە! ءبىر جىلدىڭ نەگە كەرەك ار-بەرىسى, ءۇڭىلۋ كەرەك شىعار مانگە كىسى. ازاتتىق تۋى قولدان ماڭگى تۇسپەي, قازاقتىڭ تولسا بولدى مالعا ءورىسى! اقىندىق جىلجىپ بارام تورىنە مەن, حاقىم جوق جازۋعا ەندى جەڭىل ولەڭ. ءسۇرتتىڭ كەپ شەكپەنىڭنىڭ ەتەگىمەن, «كوش-كوش!» دەپ كوز جاسىمدى ەڭىرەگەن! ىشىندە ويلاردىڭ ءبىر ءجۇزىڭ دە ابات, قاقتىڭ سەن بولاشاققا قىزعان قانات. جول اشام دەگەنىڭدە قانداستارعا, جادىراپ سالا بەرگەن ءبىزدىڭ قاباق! الىپسىڭ ارداقتاعان جۇرت ەسىمىن, بىتەدىڭ قاراشا ءۇيدىڭ مىڭ تەسىگىن! تاعى ەلىڭ وتىر, مىنە, ءسىزدى قولداپ, اعاجان, دۇرىس بولدى بۇل شەشىمىڭ! اۋىت مۇقيبەك. استانا. 26.02.2015
تولىمدى توقتام
حالقى سەنگەن, ەكى تىزگىن, ءبىر شىلبىردى قولىنا بەرگەن پرەزيدەنتتىڭ ءتۇيىندى ءسوزى بەكەم شىقتى. ول قازاقستان حالقى اسسامبلەياسى كەڭەسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى ۇسىنىسىنا قۇلاق استى, قولدادى. ءوز ۇندەۋىندە بۇل شەشىمگە كەلۋ سەبەبىن دە حالقىمەن ءبولىستى. قازاقستاندىقتاردىڭ وسى ءبىر كۇردەلى ۋاقىتتا ەلدەگى بىرلىك پەن تاتۋلىققا, تۇراقتىلىققا سىزات ءتۇسىرىپ الماۋعا بايلانىستى الاڭداۋشىلىعىن دا بەك ءتۇسىندى. ءبىز ەلباسىنىڭ ەلىمىزدەگى تۇراقتىلىق پەن بىرلىكتىڭ, بولاشاقتاعى تابىستاردىڭ كەپىلى ەكەنىن الدەقاشان ءتۇسىنىپ بولدىق. سوندىقتان دا حالىق پرەزيدەنتتىك سايلاۋعا اسا ماڭىز بەرەدى, نۇرسۇلتان ءابىش ۇلىنىڭ تالاي سىندارلى ساتتەن, كۇردەلى كەزەڭنەن ەلدىڭ ەڭسەسىن تۇسىرمەي الىپ شىعىپ كەلە جاتقانىنا كوزدەرى جەتتى. مەملەكەت باسشىسى ۇندەۋىندە: «ءبىزدىڭ ازاماتتارىمىز ءۇشىن بۇگىن نە نارسە اسا ماڭىزدى؟» دەي كەلىپ, قاراپايىم حالىقتىڭ كوكەيىندەگى ويدى ءدوپ باسادى. قازاقستاندىقتار ءۇشىن جۇمىس ورنىمەن قامتاماسىز ەتۋ, جالاقىنىڭ, الەۋمەتتىك تولەمدەردىڭ, ستيپەنديالاردىڭ تۇراقتىلىعى, تەڭدەستىرىلگەن ىشكى-سىرتقى ساياساتتى ىلگەرى اپارۋ قاجەتتىگىن ايتادى. شىنى دا, سولاي. ال مۇنداي كەپىلدىك ءبىزدىڭ ەلىمىزدە الدەقاشان ورنىققانىن كوزىمىز كورىپ, كوڭىلىمىز سەزىپ وتىر. وسىنىڭ بارلىعى پرەزيدەنت نۇرسۇلتان نازارباەۆتىڭ سارابدال ساياساتىنىڭ, كوسەمدىك كورەگەندىگىنىڭ ارقاسىندا جۇزەگە اسىپ جاتقانىن ايتۋ ورىندى. كەزەكتەن تىس پرەزيدەنتتىك سايلاۋ وتەتىنىن ەستىپ, كوڭىلىمىز مارقايىپ قالدى. بۇل ەلباسىنىڭ قوعامدىق پىكىرمەن, حالقىمەن ساناساتىنىنىڭ ايقىن مىسالى بولدى دەگىم كەلەدى. قايىرعالي ارىستانعاليەۆ, «ارىستانعالي» شارۋا قوجالىعىنىڭ باسشىسى. اقتوبە وبلىسى.الەۋمەتتىك وپتيميزم – ىلگەرىلەۋ كەپىلى
ءال-فارابي اتىنداعى قازۇۋ-ءدىڭ الەۋمەتتىك زەرتتەۋلەر مەن الەۋمەتتىك ينجينيرينگ ورتالىعىنىڭ ستۋدەنتتىك جاستار ورتاسىنداعى مونيتورينگى مالىمەتتەرىنە سايكەس, كوپشىلىكتىڭ پىكىرى بويىنشا, ەلباسى – تاۋەلسىز ەلىمىزدىڭ تاريحي دامۋىنداعى ەڭ ماڭىزدى كەزەڭىن ايقىنداۋشى تۇلعا. ونىڭ ەسىمىمەن قازاقستان مەن قازاقستان حالقى ءۇشىن جاڭا باستاما بولعان پرەزيدەنتتىك ينستيتۋتتىڭ قالىپتاسۋى تىكەلەي بايلانىستى. جاستار ساناسىندا ەلباسىنىڭ ەسىمىمەن بايلانىستىرىلاتىن – مىقتى ەكونوميكالىق ىرگەتاستىڭ قالىپتاسۋى, ونىڭ ءوسىمى, داعدارىستان شىعۋ, حالىقتىڭ ءومىر ساپاسىنىڭ جوعارىلاۋى سەكىلدى قادامدار جاڭا تاريحي زاماننىڭ باستاۋى رەتىندە قاراستىرىلادى. ەكونوميكالىق جەتىستىكتەرمەن قاتار, بىرقاتار رەسپوندەنتتەر قازاقستان دامۋىنىڭ مودەلدىك قاعيدالارى مەن ولاردىڭ ارتىقشىلىقتارىن اتاپ ءوتتى. جاس قازاقستاندىقتار ەلباسىنىڭ جاڭا الەمدىك تاريحتىڭ اجىراماس تۇلعاسى ەكىندىگىن مويىندايدى جانە ماقتان ەتەدى. كوشباسشى ءوزىن پروگرەسسيۆتى, زاماناۋي, مەملەكەتتى جاڭعىرتۋعا, دامىعان ەلدەردىڭ ستاندارتتارىنا سايكەس كەلەتىن حالىقتىڭ ءومىر ساپاسىن قامتاماسىز ەتۋگە باعىتتالعان ساياساتكەر رەتىندە تانىتا ءبىلدى. وسى كونتەكستە قوعامدا ەلباسىنا دەگەن سەنىم مەن كۇتىلىمدەر جوعارىلاعانىن ءتۇسىنۋىمىز وتە ماڭىزدى, جاڭا دامۋ كەزەڭىندە دە جاڭا يدەيالىق سەكىرىس جاسايتىنىنا, قوعامدى ورتاق مۇددە مەن ماقساتقا بىرىكتىرەتىنىنە جانە جاڭا ءمىندەتتەردى جۇزەگە اسىرۋعا جۇمىلدىراتىنىنا تولىق سەنىممەن قارايمىز. ن.ءا.نازارباەۆ جاساعان يگى ىستەر اراسىندا ۇلدارىمىز بەن قىزدارىمىز مىنالاردى ەرەكشە اتاپ وتەدى: كوشباسشى ەڭ اۋىر قىسىلتاياڭ كەزدە ەلدىڭ دامۋ جاۋاپكەرشىلىگىن ءوز موينىنا الىپ, ەلىمىزدىڭ تۇڭعىش پرەزيدەنتى اتاندى. وسى ينستيتۋتتى قاجەتتى قۇرالدارمەن جانە پسيحولوگيالىق اۋرامەن قامتاماسىز ەتۋ نەگىزىندە ەلدەگى ساياسي جۇيەنىڭ تۇراقتىلىعىن قالىپتاستىردى. ەلىمىزدىڭ قازىرگى زامانعى نارىقتىق قاتىناستارعا ەنۋىنە سەپتىگىن تيگىزۋمەن قاتار, جاڭعىرتۋعا قاجەتتى شارتتاردى قالىپتاستىرۋعا اسەر ەتكەن ماڭىزدى ەكونوميكالىق رەفورمالار قابىلدادى. بۇگىن جاس قازاقستاندىقتار ءوزدەرىنىڭ پرەزيدەنتىنە, قازىرگى ەلباسى ن.ءا.نازارباەۆقا سەنەدى. كوشباسشىنىڭ بويىنداعى رەسۋرسى تەك ونىڭ ساياسي ارتىقشىلىعى عانا ەمەس, سونىمەن قاتار, قازاقستاننىڭ الەۋمەتتىك-پسيحولوگيالىق ارتىقشىلىعى بولىپ تابىلادى. بۇل – الەۋمەتتىك وپتيميزم سەكىلدى پروگرەسسيۆتى ارتىقشىلىقتىڭ نەگىزى. اتالمىش ەكى ارتىقشىلىق – قازاقستاندىق قوعامدى جاڭا جەتىستىكتەر مەن بەلەستەرگە اپاراتىن ونىڭ ەكى قاناتى ىسپەتتەس. گۇلميرا ابدىرايىموۆا, ءال-فارابي اتىنداعى قازۇۋ الەۋمەتتانۋ جانە الەۋمەتتىك جۇمىس كافەدراسىنىڭ مەڭگەرۋشىسى, سوتسيولوگيا عىلىمدارىنىڭ دوكتورى, پروفەسسور. الماتى.باسى اشىلعان ءۇش ماسەلە
بۇگىنگى كۇنى بارشا قازاقستاندىقتاردى تولعاندىرىپ وتىرعان باستى ماسەلەلەر قانداي؟ ولار قازىرگى كەزدە نەندەي جايتتەردى ماڭىزدى دەپ سانايدى؟ بۇل ساۋالداردىڭ جاۋابىن مەملەكەت باسشىسى قازاقستان حالقىنا ۇندەۋىندە تايعا تاڭبا باسقانداي اشىپ ايتىپ بەردى. بىرىنشىدەن, تورتكۇل دۇنيەدە ىشكى كيكىلجىڭدەر مەن سىرتقى جانجالدار بولماي تۇرمايدى. بولىپ تا جاتىر. بۇلار وزىمەن ءوزى توماعا-تۇيىق قالپىندا قالا بەرسە, قازاقستان حالقىنا زيانى مەن كەسىرى تيمەس تە ەدى. الايدا, بۇلاي بولمايدى دەپ تاعى دا كەسىپ ايتۋ قيىن. كۇيە كۇيدىرمەسە دە كۇيەلەيدى. كىرىن جۇقتىرادى. سوندىقتان دا مۇنىڭ ءوزى قازاقستاندىقتاردىڭ ورىندى الاڭداۋشىلىعىن تۋعىزباي تۇرمايدى. ونىڭ جولىن كەسەتىن باستى تەتىك – تۇراقتىلىق پەن ەل بىرلىگى. وسى قوعامدىق قۇندىلىقتى ساقتاۋ ءۇشىن دە بىزگە پرەزيدەنتتىك سايلاۋدى كەزەكتەن تىس وتكىزۋ قاجەت. ەكىنشىدەن, بۇگىنگى الەمدىك ەكونوميكالىق داعدارىس جاعدايىندا بىزگە ەرتەڭگى كۇنگە دەگەن سەنىمدىلىك قاجەت. ادامداردى سەزىك الداسا دا سەنىم ەشۋاقىتتا الدامايدى. قاراپايىم وتباسىلار ءۇشىن بۇگىنگى تاڭدا ەڭ كەرەگى – بەلگىلى ءبىر جۇمىس ورنىنىڭ بولۋى. زەينەتاقى مەن جالاقى, ستيپەنديا سەكىلدى الەۋمەتتىك تولەمدەردىڭ ۋاقىتىندا تولەنۋى. ءارى ونىڭ مولشەرىنىڭ كەمىپ كەتپەۋى. ەلباسى تاراپىنان الەۋمەتتىڭ كوڭىل كۇيىنە تەز اسەر ەتەتىن بۇل ماسەلەلەرگە كەپىلدىك بەرىلۋى ەشتەڭەمەن سالىستىرۋعا كەلمەيدى. ۇشىنشىدەن, جاھاندىق گەوساياسي قارىم-قاتىناستار مەن دۇربەلەڭدەردىڭ توقتاماي تۇرعانى دا ەل ازاماتتارىن تولعاندىرماي قويا المايدى. ەگەر وسىنداي زيانى مەن زاردابىن تيگىزەتىن سالقىنى كوپ جايتتەر ودان ءارى ۋشىعا بەرسە, ۇلتتىق قاۋىپسىزدىگىمىزگە دە سىزات ءتۇسۋى ابدەن مۇمكىن. وسىنداي كۇردەلى كەزەڭدە تەڭدەستىرىلگەن ىشكى جانە سىرتقى ساياساتتىڭ تىزگىنىن قاتار الىپ جۇرە الاتىن نۇرسۇلتان نازارباەۆتاي الەمدىك دەڭگەيدەگى تۇلعاعا پرەزيدەنتتىك ماندات بەرۋ اسا قاجەت دەگەن ويدامىن. مەملەكەت باسشىسىنىڭ قازاقستان حالقىنا ۇندەۋىنەن مەنىڭ كوڭىلگە تۇيگەن كەيبىر وي-پىكىرلەرىم وسىنداي. نۇرلان تۇياقوۆ, ورال قالاسىنداعى «نۇرگازپرومستروي» جشس باس ديرەكتورى. باتىس قازاقستان وبلىسى.ورنى بولەك وقيعا
مەملەكەت باسشىسى نۇرسۇلتان نازارباەۆتىڭ قازاقستان حالقىنا ۇندەۋىن مۇقيات وقىپ, تانىستىم. ەلدىڭ تىنىشتىعىن, ەرتەڭىن ويلاۋدىڭ نىق قادامى دەپ باعالادىم. كەزەكتەن تىس پرەزيدەنتتىك سايلاۋ وتكىزۋ تۋرالى قازاقستان حالقى اسسامبلەياسى باستاماسىنىڭ ەلىمىزدىڭ كونستيتۋتسياسىنا جانە سايلاۋ تۋرالى زاڭعا ساي دەگەن قورىتىندى مەنىڭ دە ويىمدى بەكىتىپ, سەنىمىمە سەنىم قوستى. شىنى كەرەك, تورتكۇل دۇنيەدە نە بولىپ جاتقانىن اقپارات قۇرالدارىنان وقىپ تا, كورىپ تە ءجۇرمىز. سوندىقتان بۇل قادام بەيبىتشىلىكتىڭ تىرەگى بولىپ ەل بىرلىگىن ساقتاپ, بەيقۇت ءومىر جالعاستىرارى حاق. زەردەلەي بىلسەك, ەل تاريحىنداعى تاعدىرى زور وقيعا بۇل. دەي وتىرىپ, سىندارلى ساتكە ۇلكەن جاۋاپكەرشىلىكپەن قاراپ, بەلسەنە قاتىساتىنىمدى اشىق ايتامىن. ءتول مىندەتىمە وراي سوڭعى ۋاقىتتا ەل ىشىنە ءجيى بارىپ, ءار جاستاعى ءار ەتنوس وكىلدەرىمەن كەزدەسىپ ءجۇرمىن. سول كەزدەسۋلەردە حالىق اۋەلگى كەزەكتە تاتۋلىقتى تىلدەرىنە تيەك ەتەدى. مۇندايدا قازاق «ىرىس الدى – ىنتىماق» دەگەن ەمەس پە؟! ەل بىرلىگىنىڭ مىقتىلىعىن ەلباسىنىڭ ەرەن ەڭبەگى, كورەگەندىگى ەكەندىگىن سول ەلگە ايتىپ ءجۇرمىن. قورىتا ايتقاندا, ەكى ايدان سوڭ وتەتىن سايلاۋ قازاقستاننىڭ وركەنيەتتى ەلدەر قاتارىنان ورىن الۋىنا دا وزىندىك ىقپالىن تيگىزەتىنى انىق. مۇنى ءبىلۋ بار دا ەلباسىنا ادالدىعىمىزدى ءىس جۇزىندە دالەلدەۋ تاعى بار. سەرگەي پوتانين, قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى. تالدىقورعان.دۇرىس شەشىم ەكەنى داۋسىز
تاريحتىڭ ءتۇرلى الاساپىران كەزەڭدەرىندە ءارتۇرلى جاعدايلارمەن قازاق جەرىنە قونىس اۋدارىپ, كەيىن وسى قۇتتى توپىراقتى ماڭگىلىك مەكەن ەتىپ قالعان سان ۇلتتىڭ وكىلدەرىنىڭ باسىن قوسىپ, ءبىر شاڭىراق استىنا بىرىكتىرگەن ەلىمىزدىڭ اسسامبلەيا حاتشىلىعى تاۋەلسىز قازاقستان ومىرىنەن تىس قالا الماي, ونىڭ دامۋ تىنىسىنا ءاردايىم نازار اۋدارىپ وتىراتىندىعىن اڭعارتا ءبىلدى. ول 2016 جىلى پرەزيدەنتتىك سايلاۋدى ءبىر جىل بۇرىن وتكىزۋدى ۇسىنعان بولاتىن. ماڭىزدى ءارى كۇردەلى, سونداي-اق, جاۋاپتى قوس سايلاۋدى ءبىر جىلدا وتكەرۋدىڭ وڭاي ەمەستىگىن الدىن الا بايقاعان ولاردىڭ باستاماسى بۇكىلحالىقتىق قولداۋ تاپقاندىعىنا بۇقارالىق اقپارات قۇرالدارى ارقىلى قانىقپىز. ەلباسى نۇرسۇلتان نازارباەۆ قازاقستان حالقىنا جولداعان ۇندەۋىندە سايلاۋدىڭ ناقتى مەرزىمىن دە بەلگىلەپ بەردى. جەر اياعى كەڭىپ, مامىرا-جاي كوكتەم مەزگىلىنىڭ بەل ورتاسىندا ەلىمىزدە اسا ماڭىزدى سايلاۋ وتكەلى تۇر. بۇل دۇرىس باستامادان تۋىنداعان دۇرىس شەشىم. مەملەكەت باسشىسى ءوز ۇندەۋىندە سوڭعى سايلاۋ وتكەن ءتورت جىل مەرزىمنىڭ كۇردەلى كەزەڭمەن تۇسپا-تۇس كەلگەندىگىن, قازاق ەلىنىڭ, قازاق جەرىنىڭ ۋاقىت كوشىنەن قالماي, بەرەكە-بىرلىگىن ودان ءارى ۇيىتىپ, الەۋمەتتىك-ەكونوميكالىق نىعايۋ جولىندا ەكەندىگىن ناقتى مىسالدارمەن جانە ۇعىنىقتى باياندادى. ءاربىر كۇن الەمدىك ساحنادا ءار الۋان وقيعالارعا تولى قازىرگى كەزەڭ مەن بولجاۋعا بولمايتىن كەلەر كۇندەر بارلىق ەلدەر سىندى قازاقستاننان دا بەرىك, بەكەم جانە قۋاتتى بولۋدى تالاپ ەتەدى. ءبىزدىڭ ەلىمىزدە ەلباسىنىڭ باستاماسىمەن قولعا الىنعان الىپ جوبالار, ىزگى مۇراتقا جەتەلەيتىن جوسپارلار, ەلىمىزدىڭ بارار باعىتىن, جۇرەر جولىن, جەتەر بيىگىن قامداعان مەملەكەتتىك باعدارلامالار بار. الەمدەگى جاعداي جاقسى ەمەس دەپ, قامدانۋدىڭ جاتتىعى جوق, الايدا, قامىعۋ نەمەسە كۇبىنۋدىڭ قاجەتى جوق. ءبىز تاۋەلسىزدىك العان جىلداردان بەرى مەملەكەت باسشىسى نۇرسۇلتان نازارباەۆتىڭ باسشىلىعىمەن جولعا تۇسكەن ەلمىز, بۇل جاقسى جولىمىز, جاقسى قالىبىمىز جاڭا سايلاۋدان سوڭ دا جالعاسىن تاۋىپ, ەلباسىمەن بىرگە ەرتەڭگە بەت الامىز دەگەن ويدامىز. امانگەلدى عۇماروۆ, ماڭعىستاۋ وبلىستىق ارداگەرلەر كەڭەسىنىڭ توراعاسى. اقتاۋ.باياندى بولاشاق ءۇشىن بىرگەمىز
ەلباسى نۇرسۇلتان نازارباەۆ قازاقستان جۇرتىنا ارناعان ۇندەۋىندە پرەزيدەنتتىك سايلاۋدىڭ نە سەبەپتى كەزەكتەن تىس وتكىزىلەتىنىنە كەڭىنەن توقتالدى. بىرىنشىدەن, ءبىز پرەزيدەنتتىك سايلاۋدى وتكىزۋ ارقىلى ەلىمىزدى ءتۇرلى كيكىلجىڭ مەن سىرتقى جانجالداردىڭ كەسىرىنەن قورعاپ قالا الامىز. ويتكەنى, ءبىزدىڭ ەلىمىز ءۇشىن تۇراقتىلىق پەن قوعامىمىزدىڭ بىرلىگىن نىعايتۋدىڭ ماڭىزى ەرەكشە بولىپ وتىر. ەكىنشىدەن, قازىر الەم ەلدەرىنىڭ بارىندە داعدارىس دەندەپ تۇر. الىس-جاقىن شەتەلدەر وسىنداي قارجىلىق قيىندىعىنا ۇشىراعان ساتتە بارشا قازاقستاندىقتاردىڭ ەرتەڭگى كۇنگە دەگەن سەنىمى نىعايا تۇسكەنى ابزال. ياعني, بۇل ءۇشىن قازاقستانداعى جۇمىس ورىندارىنىڭ قىسقارماعانى, جالاقى مەن ءتۇرلى الەۋمەتتىك تولەمدەردىڭ ساقتالعانى اسا قاجەت. ۇشىنشىدەن, قازىر جاھاندىق گەوساياسي احۋال ۋشىعىپ بارادى. مۇنىڭ وزگە ەلدەردەگى تۇراقتىلىققا اسەرى تيە مە؟ مىنە, قازاقستان حالقى الدىمەن ىشكى ساياسي تۇراقتىلىعىمىزدىڭ ساقتالا بەرگەنىن قالايدى. ارينە, سىرتقى تۇراقتىلىقتىڭ بۇزىلماعانى دۇرىس بولار ەدى. مۇنىڭ ءبارى ءبىزدىڭ ەلىمىزدىڭ تاتۋلىقتى قولداعان ءار ازاماتى ءۇشىن ماڭىزدى قۇندىلىقتارعا اينالدى. راس, مۇنىڭ ءبارى تەك ايتۋعا عانا وڭاي, ال ىسكە اسىرىلۋى وتە كوپ جىلدارعا سوزىلاتىن ماڭىزدى ماسەلەلەر. ال ءبىزدىڭ ەلىمىز تاۋەلسىزدىك العاننان بەرگى كەزەڭدە تۇراقتىلىق پەن تاتۋلىقتى, ەكونوميكالىق وركەندەۋ مەن حالىقتىڭ ءال-اۋقاتىن جاقسارتۋدى قامتاماسىز ەتە الدىق. ەندى وسى باعىتتاعى جەمىستى جۇمىستاردىڭ ودان ءارى جالعاسقانى قاجەت. مىنە, وسى تۇرعىدان ايتقاندا, كەزەكتەن تىس پرەزيدەنتتىك سايلاۋ وتكىزۋدىڭ ماڭىزى ايشىقتالا تۇسەدى. ءبىز, ەتنومادەني ۇيىمداردىڭ وكىلدەرى قوعام الدىنداعى ەرەكشە جاۋاپكەرشىلىكتى سەزىنىپ كەلەمىز. ءبىز قازاقستان حالقى اسسامبلەياسىنىڭ اياسىندا جەمىستى ەڭبەك ەتۋدەمىز. ول ۇيلەسىمدى قوعامدى قۇرۋدا جەتەكشى ينستيتۋتتاردىڭ بىرىنە اينالدى. بەيبىتشىلىك, كەلىسىم, ءبىر-بىرىمىزگە دەگەن قۇرمەت – بۇلار ءبىزدىڭ بولاشاعىمىزدىڭ كەپىلى. ەلباسىمىزدىڭ دانا ساياساتى بىزگە قيىن شاقتاردان امان ءوتىپ, الاۋىزدىقتارعا جول بەرمەي, جاقسى قارىم-قاتىناستاردى ساقتاپ قالۋعا مۇمكىندىك بەردى. ءار ۇلتتىڭ وكىلى ءوز تاريحىن وقۋدا, باسقا ەلدەردەگى وزدەرىنىڭ تۋعان-تۋىستارىمەن ارالاسادى. سونىمەن بىرگە, ءبىز قازاق ءتىلى مەن مادەنيەتىن وقىپ, مۇنداي قارىم-قاتىناستى بالالارىمىزعا دا ۇيرەتۋدەمىز. ءبىز ەلدىڭ كەمەل كەلەشەگى, ىنتىماعى مەن بىرلىگى, تۇراقتىلىعى مەن وركەندەۋى ءۇشىن ەڭبەكتەنە بەرەمىز. باياندى بولاشاق پەن بىرلىگىمىز, ەتنوسارالىق كەلىسىمنىڭ ساقتالۋى ءۇشىن ۇدايى ءبىر ساپتان تابىلامىز. گۇلسينا بايكەنوۆا, «تاتۋلىك» تاتار-باشقۇرت ەتنومادەني بىرلەستىگىنىڭ جەتەكشىسى. اتىراۋ وبلىسى.
