زەرتتەۋ قورىتىندىسىنا سايكەس, رەسپوندەنتتەردىڭ 70%-دان استامى قازاقستاننىڭ دامۋ باعىتىن دۇرىس دەپ باعالايدى. اتاپ ايتقاندا, 44,6%-ى ەل «دۇرىس باعىتتا دامىپ كەلەدى» دەپ ناقتى جاۋاپ بەرسە, تاعى 27,8%-ى «كوبىنە دۇرىس باعىتتا» دەگەن پىكىر بىلدىرگەن. بۇل كورسەتكىش كۇمانمەن قارايتىنداردىڭ ۇلەسىنەن شامامەن ءۇش جارىم ەسە جوعارى.
ساۋالناما: رەسپوندەنتتەردىڭ 86,5%-ى جاڭا كونستيتۋتسيا جوباسىن قولدايدى
ساۋالناما ناتيجەلەرى بويىنشا مەملەكەت باسشىسى قوعامداعى ەڭ جوعارى سەنىمگە يە ينستيتۋت بولىپ قالا بەرەدى. پرەزيدەنتكە ساۋالناماعا قاتىسۋشىلاردىڭ 61,3%-ى سەنىم بىلدىرگەن.
سونىمەن قاتار, ۇكىمەتكە رەسپوندەنتتەردىڭ – 47,4%-ى, جەرگىلىكتى اتقارۋشى ورگاندارعا (اكىمدىكتەرگە) – 50,2%-ى, پارلامەنتكە – 40,5%-ى سەنىم ارتقان. قۇقىق قورعاۋ ورگاندارىنا سەنىم بىلدىرگەندەر ۇلەسى – 46,8%-دى, ال سوت جۇيەسىنە – 43,7%-دى قۇرادى. جالپى العاندا, بارلىق مەملەكەتتىك ينستيتۋت بويىنشا سەنىم بىلدىرۋشىلەر سانى سىني كوزقاراستاعىلاردان ايتارلىقتاي باسىم.
ساۋالناما: اتا-انالاردىڭ 78%-ى بالاسىنىڭ ارالاساتىن ورتاسىن جاقسى بىلەدى
بۇدان بولەك, بيلىك ۇسىنعان «ادىلەتتى قازاقستان» باعىتى دا قوعام تاراپىنان قولداۋ تاپقان. ساۋالناماعا قاتىسقانداردىڭ 55,6%-ى بۇل ۇستانىم ناقتى جۇزەگە اسىپ جاتىر دەپ ەسەپتەيدى.
اتالعان ساۋالناما قازاقستاننىڭ بارلىق وڭىرىندە جۇرگىزىلگەن. قاتىسۋشىلاردىڭ 65,8%-ى سۇراقتارعا قازاق تىلىندە جاۋاپ بەرۋدى تاڭداعان.
